1 Korin 7:34 - Aria New Testament

³⁴ Deka aitno orwo. E apmang bela e apmang leklou ka tigi kovok aitno lisak dagar ke Ida Puda ila elio. Tiwaiki pampamu lisak e aitno lisak la ke Ida Puda vala. E apmang ka gi aitno mter ke wan bitna bitna ka taklak ane ina e iye waiki due elio ka ila boget aitno itau ine.

1 Korin 7:34 ပူးပေါင်းရင်းမြစ်များ

Jon 10:13

Iye ulou la kesua iye boko ke mani vala e aitno kro ke sipsip kovok.”

Pas ka Pol sogoe uti la ke osep Rom ina 6:13

E umadangdang pampamu lumu lama umodue elio epmes ina bitna bitna ine. Umadangdang pampamu lumu keniye ma umodue elio epmes ina ine kovok. Ida Tapolngon waiki pampamu lumu dong itau vala. Kesua umodong eriar langka osep ka oglou timete deka mase tipoga titito ke inarak denga. Ma umakar pampamu lumu ke Ida Tapolngon ma iye plau isak e ma umodue elio itau ine vala.

1 Korin 6:20

Pampamu lumu Ida Tapolngon ila wan kesua iye kli umu kodong. Deka wan ka pula keniye ka umodue ke pampamu lumu ma umakakai Ida Tapolngon angaine ine.

1 Korin 7:33

E gute ka gi aitno mter ke wan ka taklak ina e iye waiki due elio ka ila asap aitno itau ine.

1 Korin 7:35

Lou pelengon ane ma lua umu ma umodong itau. E ngawaiki pelengon ane gesa ma dangdang umu kovok. Aurou. Ngawaiki ma umedidi elio itau e umodue Ida Puda ila bokongon aling aling. Ngawaiki aitno lumu kene ke Ida Puda vala.

2 Korin 11:28

Wan tonari polou ke ngong aling pula. E silang blang langane. Oklou aling aling aitno lungong mter pula ke sios ka pula keniye e aitno lungong kro ke isak.

2 Korin 8:16

Aitno limi itau e imawai itau ke Ida Tapolngon kesua iye due Taitus aitno kene kap aitno limi. E iye waiki lua umu eriar langka imawaiki imolua umu.

Filipai 1:20

Deka lana lungong omba ma ngadue wan ka osuk vala e ngadue wan gesa ka mnak ngong ine kovok. Aurou. Aitno lungong mter langane. Eknikane e mase blang ngadong dagar e ngadue elio itau vala. Deka langka ngadong koke ngamete kodong ngawaiki wan keniye ka ngadue kakai Krais angaine tito la egim.

1 Tesalonaika 5:23

Ngawaiki Ida Tapolngon ka due aitno lite epen due umu umopolou itau lokono. E ngawaiki iye kere anmu e aitno lumu e pampamu lumu ma umodong itau lokono. E ma elio soulu gesa vri ke umu kovok alo ka Ida Puda Yesus Krais bauluk me.

1 Timoti 3:5

Langka gute karanga plau esna e titno kovok ina lange iye karanga plau Ida Tapolngon ila osep?

1 Timoti 5:5

Langka apmang ka sasap batne tidong kensak vala ma apmang tonari tidue elio langane. Ma aitno lisak dagar lokono ke Ida Tapolngon ma iye lua isak e kere isak itau. Deka ke oklou e ke epmes ma tiwai itau ke Ida Tapolngon e tipmi iye ma iye lua isak.

Taitus 3:8

Pelengon ane lokono lokono. Ngawaiki amwai pelengon dagar ke osep ka pula keniye ka aitno lisak dagar ke Ida Tapolngon. Amwai ke isak ma aling aling tidue elio itau vala. Tidue elio isuk isuk ka itau ma tilua osep pula ine.