1 Korin 7:31 - Aria New Testament

³¹ E osep ka tiboko ke wan ka taklak ina ma aitno lisak mter ke bokongon tonari kovok. Iteile isuk boto ma taklak ane e wan ka pula keniye ine ma polou yagos.

1 Korin 7:31 ပူးပေါင်းရင်းမြစ်များ

Luk 21:34

“E umaplau umu itau lama aitno lumu bon ke wan bitna bitna e umodue elio kepisngen ina e umeinim aki dagar ma omtomu balilu e aitno lumu mter pula ke wan ka taklak ina vala. Kesua oklou tonari ma suong polou ke umu alo ka aitno lumu mter ine kovok langka aure due ongwa suong.

1 Korin 7:29

Sipmi. Ngawai langane. Dau tauni kovok e ma taim ane yagos. Deka ke eknikane osep ka tigi sasarak kodong ma tidong langka sasarak kovok.

1 Korin 7:30

E osep ka tikngis omba ma tidong langka tikngis kovok. E osep ka tisandir ma tidong langka tisandir kovok. E osep ka tikli wan ma tidong langka osep ka urok wan dong kovok.

1 Korin 9:18

E ma ngadue klingen sua? Lou klingen langane. Wan ka ngakaranga ngadue ke lou bokongon ka nganapapra omon itau ane ngadue kovok. Ngaketir lokono ke elio ka nganapapra omon itau adai ke osep. E ketirngen ka ngadue ane langka lou klingen.

Hibru 12:27

Ida Tapolngon ila pelengon palma ka wai “aling silang blang” lana ine langane. Wan keniye ka Ida Tapolngon due e tinemilmil ma polou yagos. E wan ka karanga nemilmil kovok ma dong vala.

Jems 4:14

Umawai langane e dau umeile wansua ka ma polou kotu kovok. Lumu mosongon ke taklak ane langka gaup ka polou e dong isuk boto deka suong la kodong.

1 Pita 1:24

Ida Tapolngon ila pelengon wai langane. “Osep ka pula keniye isak langka gras e wan ka tikakai angainsak ine langka plaua. Gras tonari polou kakrak e plaua gene duru ke taklak.

1 Pita 4:7

Oku ane isuk boto wan ka pula keniye yagos. E ke batne langane ngawaiki aitno lumu mter itau e umaplau umu itau. Umodue langane ma umakaranga umawai itau ke Ida Tapolngon.

1 Jon 2:17

Mase taklak ane e wan ka pula keniye ka taklak ina ma tipolou yagos. E gute ka didi Ida Tapolngon aitno ma dong vala dong.