1 Korin 6:9 - Aria New Testament

⁹ Umeile langane. Osep ka tidue elio soulu ma tikaranga tisep ke Ida Tapolngon ila omur kovok. Deka umayak umu pulu ine kovok. Osep ka tidue okwa e osep ka aitno lisak la ke sapingen e osep ka tisu apmang pasinga e osep ka tidue elio ka soulu langka isak mnak isak ine ke osep leklou. Langka arang tidue elio kap arang e apmang tidue elio kap apmang.

1 Korin 6:9 ပူးပေါင်းရင်းမြစ်များ

Matyu 19:29

E gute gesa ka songon ila ninu koke ina saiver koke ina titovro koke sulutno koke timla koke tna koke titno koke ila yage kesua batne iye didi ngong ma iye due wan tonari polou langka aling bunokene. E ma iye due mosongon ka dong vala dong.

Matyu 25:34

Deka ma gute ka vri mgo ke omur are wai ke osep ka tidong ke galna odung langane. ‘Umu osep ka Livou due aitno lumu itau itau umomo e umodue omur ka Ida Tapolngon rere ke umu alo ka iye tapol wan ka pula keniye.

Luk 21:8

E Yesus koli wai ke isak langane. “Umaplau umu itau lama osep tiyak umu. Kesua osep pula ma time e tisir angain ngong e tiwai langane. ‘Ngong tona gute Krais.’ E osep leklou ma tiwai langane. ‘Alo ka Krais iding me isuk boto polou.’ E umedidi urok pelengon sakam.

Aposel 20:32

“E eknikane ngawai ke umu langane. Ida Tapolngon kis umu dagar e kere umu itau. E ila pelengon ka didi ila makaingan karanga due umu umodong dagar lokono e ma iye lua umu ke ila kerengen langka iye lua osep keniye ka iye rere isak ila osep.

Aposel 24:25

Pol wai pula ke elio ka itau e osuk e ke elio ka osep tiplau isak itau. Silang iye palongo Feliks ila ke elio ka mase Ida Tapolngon ma wade osep ka pula keniye urok elio. Feliks klingen ila pelengon deka ulou tarna ine e wai langane. “Yagos. Ngaklingen lem pelengon iding ke ane deka yagos. Amla omdong la lama aling gesa alo ka ngawaiki ngaklingen lem pelengon blang deka ma ngapalongo lem ine.”

Pas ka Pol sogoe uti la ke osep Rom ina 1:18

Ida Tapolngon nis itosep kodong ma iye pagei aitno ila engil duru ke osep epmes ina. Kesua tipli ila elio itau e urok elio bitna bitna keniye tipes ila pelengon lokono.

1 Korin 15:33

Umeile umu itau lama osep leklou tipagolgol aitno lumu. Umeile pelengon langane. Langka umodong kap osep soulu bitna ma tidue agegeng ke lumu elio itau.

1 Korin 15:50

Sipmi. Ngawai ke umu lang-ane. Pampamu lite ka okur lisak e inarak marau dong lisak tikaranga tipolou okus. E tikaranga tidong ke omur ka Ida Tapolngon plaue kovok kesua wan ka tipolou okus tikaranga tidong ke omur tonari kovok.

1 Korin 3:16

Umeile umu Ida Tapolngon ila ninu e Ano Itau dong ke aitno lumu kovok? Aurou. Umeile ine.

1 Korin 5:1

Ngaklingen pelengon langka elio soulu kene polou airavu ke umu. Elio ane soulu lokono e osep ka isak osep Yuda ina kovok tidue langane kovok kesua urok pelengon dagar dangdang isak ine. Elio tonari langane. Gute kene due elio soulu kap apmang ka timla esna.

1 Korin 5:10

E osep ka tidong ka tingale wan e tipanako osep leklou urok wan bitna bitna e osep ka aitno lisak la ke sapingen. Aitno lumu lange? Ngawai langka umosongon osep ka pula keniye ka taklak ane ina ka tidue elio soulu? Aurou. Langka umawaiki umosongon osep tonari deka ma umosongon taklak ane lokono.

1 Korin 5:11

E langane. Lou pelengon batne langane. Langka gute gesa ka sir iye tona Kristen due elio okwa koke iye ngale wan koke aitno la ke sapingen koke bitna mluk gute silang koke iye inim aki dagar ma bitna balilu koke iye panako osep leklou urok wan bitna bitna deka ma umakaranga umodong kap iye kovok. E silang ma umangen kap gute ka ila elio langane kovok.

1 Korin 6:10

E osep ka tipanako e osep ka tingale osep leklou urok wan e osep ke tinim aki dagar ma amtarsak balilu e osep ka amtarsak mluk osep leklou e osep ka tinak osep leklou urok wan. Osep ka langane ma tikaranga tidong ke omur ka Ida Tapolngon plaue kovok.

1 Korin 6:18

Aling aling ma umopul dogur ke elio okwa. Kesua gute ka due elio okwa due agegeng ke pampamu ine. E elio isuk isuk ka soulu leklou ka osep tidue isak tidue agegeng ke pampamu lisak kovok.

1 Korin 6:19

Lange? Umeile langane kovok? Pampamu lumu Ida Tapolngon Ano Itau ila ninu. Ida Tapolngon kar Ano Itau ke umu e iye dong ke aitno lumu. E pampamu lumu umu tona lumu wan kovok.

1 Korin 9:24

Umeile langane. Osep ka tidue resis isak keniye tisuong dagar e dau gute kene vala due prais. E umu blang umosuong dagar ma umodue prais.

2 Korin 12:21

Oglou umodue elio epmes ina langane. Umodue elio soulu kap apmang e umodue okwa e umodue elio soulu ke osep amtarsak. E eknikane aitno lungong kro lama ngapolou ke umu e umu dau umabauluk aitno lumu ke lumu elio soulu kovok. E Ida Tapolngon due ngong mnak ngong ke omtomu e ngakngis omba ke umu pula.

Galesia 6:7

Langka umayak umu tona e langka aitno lumu mter langka umakaranga umayak Ida Tapolngon are itau kovok. Umakaranga umayak Ida Tapolngon kovok. Ma ngawai pelengon ano langane. Umousak wansua londo ke lumu yage deka wan ka langare vala ma polou.

Kolosi 3:5

Umemete kap Krais kodong deka umopul dogur ke elio bitna bitna ka taklak ina ka soulu. Elio bitna bitna langka elio ka osep tikepis pulu e elio isungon ina e elio ka aling aling osep tiwaiki tidue elio epmes ina bitna bitna e elio ka osep tingale osep leklou urok wan. Elio ngalengen ina iye langka osep tilotuim sapingen.

Hibru 12:14

Umu arit umu ma aitno lumu epen kap osep ka pula keniye e umodue elio isuk isuk ka Ida Tapolngon aitno itau ine. E langka osep tidue elio isuk isuk ka Ida Tapolngon aitno itau ine kovok deka tikaranga tivati Ida Puda kovok.

Hibru 12:16

Umeile umu itau lama gute gesa airavu ke umu due elio isungon ina. Koke gute pul dogur ke Ida Tapolngon langka Iso pul dogur ke ila elio ka sirngen ina. Iso pli ila elio ka sirngen ina kesua sapanga due e iye waiki ngen ngangon vala.

Hibru 13:4

Pelengon silang blang lang-ane. Gingen elio itau e osep ka tigi ma tidue anit pulu. Ma gute due elio kap apmang silang koke apmang due elio kap gute arang silang kovok. Kesua Ida Tapolngon ma wade osep ka tidue okwa e osep ka tiusu pulu.

Jems 1:16

Sipmi. Ngong lana ngong ke umu. Deka umayak umu kenmu kenmu ke pelengon tonari kovok.

1 Jon 3:7

Lou mimi daudeng. Umaplau umu itau lama osep tiyak umu. Gute ka aling aling iye due elio ka itau e osuk vala dong itau e iye dong osuk ke Ida Tapolngon bitna eriar langka Krais dong itau e osuk.

Pelengon kukwopngon 21:8

“E osep ka tilim ke wan bitna bitna koke osep ka tisongon aitno lisak ila dagar isak blang kla ke eiou ombatno. E osep ka tidue elio epmes ina bitna bitna ka soulo lokono e osep ka tipagam osep isak blang kla ke eiou ombatno. E osep ka tidue elio isungon e osep muso ina isak blang kla ke eiou ombatno. E osep ka tilotuim sapingen e osep yakngan ina isak blang kla ke eiou ombatno. Eiou ombatno tonari engil lokono e opmu salfa ka eiou ngene dong ine blang. Eiou tonari metengen orwo ina.”

Pelengon kukwopngon 22:15

E osep ka tidue elio isuk isuk ka soulu lokono e osep muso ina e osep ka tidue elio isungon e osep ka tipagam osep e osep ka tilotuim sapingen e osep yakngan ina ka tidue langane aling aling tidong dogur ke armok tonari e tikaranga tisepe kovok.