1 Korin 6:19 - Aria New Testament

¹⁹ Lange? Umeile langane kovok? Pampamu lumu Ida Tapolngon Ano Itau ila ninu. Ida Tapolngon kar Ano Itau ke umu e iye dong ke aitno lumu. E pampamu lumu umu tona lumu wan kovok.

1 Korin 6:19 ပူးပေါင်းရင်းမြစ်များ

Jon 2:21

E ninu ka Yesus wai ine iye pampamu ine.

Pas ka Pol sogoe uti la ke osep Rom ina 8:9

E langka umu io elio oglou ina pagei pampamu lumu kovok. Kesua Ida Tapolngon Ano Itau ka dong ke aitno lumu plau umu vala. E osep ka Krais Ano Itau dong ke aitno lisak kovok isak Krais ila osep kovok.

1 Korin 3:16

Umeile umu Ida Tapolngon ila ninu e Ano Itau dong ke aitno lumu kovok? Aurou. Umeile ine.

1 Korin 6:13

Osep leklou tiwai ngangon wan ka itangen e itodue sep ke pele lite e pele lite dong ma itodue ngangon sepe. Pelengon ane lokono e Ida Tapolngon due agegeng ke isak orwo. E ke pampamu lite ma itodue elio soulu kovok. Aurou. Pampamu lite Ida Puda ila wan. E ma itoboko ila bokongon ine.

1 Korin 6:3

Umeile mase ma itawade ensel urok elio blang. E langka itodue langane itakaranga itawade pelengon ke wan bitna bitna ka taklak ane ina.

2 Korin 5:15

Gute tonari mete ma iye lua osep ka dau tidong ma aitno lisak mter ke isak vala kovok. Aurou. Ma aitno lisak mter ke gute ka mete e kasip amunsak deka iye poga tito ke ina denga.

2 Korin 6:16

Koke Ida Tapolngon ila ninu e sapingen tikaranga tidong pulu? Kesua ite keniye langka Ida Tapolngon ila ninu. Ila pelengon wai langane. “Ma ngadong kap isak e ngalila kap isak. E ma ngadong Inarak Tapolngon e ma tidong lou osep.”

Taitus 2:14

Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.

Jems 4:5

Ida Tapolngon ila pelengon wai langane. “Ida Tapolngon kar Ano Itau ke ite deka Ano Itau aitno kro ke ila osep lama aitno lisak la ke wan ka taklak ina vala.” Aitno lumu lange? Ida Tapolngon ila pelengon tonari pelengon adai? Aurou.

1 Pita 2:5

Umu blang umodong langka opmu ka urok mosongon dong ke isak ka Ida Tapolngon Ano Itau uri ila ninu ine. E umopolou osep loulou ina ka itau lokono e ke Yesus Krais angaine langka umodue elio opmu ina ke umu kenmu kenmu. Deka ma Ida Tapolngon aitno itau ine.