1 Korin 6:13 - Aria New Testament

¹³ Osep leklou tiwai ngangon wan ka itangen e itodue sep ke pele lite e pele lite dong ma itodue ngangon sepe. Pelengon ane lokono e Ida Tapolngon due agegeng ke isak orwo. E ke pampamu lite ma itodue elio soulu kovok. Aurou. Pampamu lite Ida Puda ila wan. E ma itoboko ila bokongon ine.

1 Korin 6:13 ပူးပေါင်းရင်းမြစ်များ

Matyu 15:17

Wan ka gute ngen koke inim sep ke pele e mase iye use koke durie la. Umeile ine koke aurou?

Matyu 15:20

Elio tonari wan ka due gute polou soulu e elio ka iye grong limla ke elio ka didi udo seia inarak apu kovok mgo alo ka iye ngen kovok due polou soulu kovok. Aurou.”

Mak 7:19

Kesua ngangon ka iye ngene la sep ke pele deka mase iye use ine. Deka ngangon karanga due aitno ma aitno mter ke elio soulu kovok.” Alo ka Yesus wai langane iye rere ngangon keniye ma isak wan itau ke Ida Tapolngon bitna.

Jon 6:27

Umoboko ma umodue ngangon ka karanga polou okus kovok. E umoboko ma umodue ngangon ka dong vala dong ka ngong ka Gute Ka Polou Langka Osep ma ngakare ke umu. Kesua Ida Tapolngon ka Pmada nis osep aitno itau ke ngong.”

Jon 6:49

Lumu seia tingen mana alo ka tidong ke omur ka dong adai vala e dau timete.

Pas ka Pol sogoe uti la ke osep Rom ina 12:1

Sipmi. Ida Tapolngon aitno due ite kodong deka ngawai dagar ke umu langane. Ma umakar pampamu lumu ke Ida Tapolngon langka wan ka ila wan. Alo ka umu dau umodong ma umodong langka Ida Tapolngon ila osep ka itau lokono ma umodue elio itau ka Ida Tapolngon aitno itau ine. Umodue langane deka elio ka langane langka aitno lumu la dagar ke Ida Tapolngon vala.

Pas ka Pol sogoe uti la ke osep Rom ina 14:17

Ke omur ka Ida Tapolngon plaue wan ka itangene e wan ka iteinime isak wan omba kovok. Aurou. E elio ka itau e osuk e elio ka aitno lite epen pulu e elio ka aitno lite neser ke Ano Itau isak wan ka omba lokono.

Pas ka Pol sogoe uti la ke osep Rom ina 6:12

Eknikane aitno lumu itau ke elio epmes ina bitna bitna kovok lama iye plau pampamu lumu. Umadangdang ine vala lama umawaiki umodue elio epmes ina bitna bitna blang.

Pas ka Pol sogoe uti la ke osep Rom ina 7:4

Sipmi. Umoklingen lou pele-ngon. Umogosok Yesus umemete kodong. Deka Moses ila sogongon plau umu kovok. Kesua umeneklep ke Yesus ka oglou mete e Ida Tapolngon due poga tito ke ina denga. Deka iye Upu Puda e plau umu kesua iye waiki umodue Ida Tapolngon ila bokongon itau vala.

1 Korin 3:16

Umeile umu Ida Tapolngon ila ninu e Ano Itau dong ke aitno lumu kovok? Aurou. Umeile ine.

1 Korin 6:15

Lange? Umeile langane ko-vok? Pampamu lumu kene kene Krais pampamu ine ongwa ine. E langka ngadue Krais pampamu ine ongwa ine e ngadue neklep ke apmang ekreng palma ina elio langane itau? Aurou lokono.

1 Korin 6:19

Lange? Umeile langane kovok? Pampamu lumu Ida Tapolngon Ano Itau ila ninu. Ida Tapolngon kar Ano Itau ke umu e iye dong ke aitno lumu. E pampamu lumu umu tona lumu wan kovok.

2 Korin 11:2

Ngong lana ngong ke umu langka Ida Tapolngon lana iye ke umu. E ngarere umu langka umegi Krais e ngawaiki umodong itau lokono langka apmang ka dau due elio kap gute kovok aitno la ke gute ka iye ma gi iye.

2 Korin 5:15

Gute tonari mete ma iye lua osep ka dau tidong ma aitno lisak mter ke isak vala kovok. Aurou. Ma aitno lisak mter ke gute ka mete e kasip amunsak deka iye poga tito ke ina denga.

Galesia 5:24

Osep ka tidong ke Krais ila osua tidue aitno lisak oglou ina kap elio soulu ka pampamu lisak waiki due e tinilim isak nepek mana ke Ida Puda ina akai e timete kodong.

Efesus 5:23

Umodue elio langane kesua gute arang mgo plau esna eriar langka Krais mgo plau ila osep. Krais tona Ida Tapolngon ila osep Inarak Luangan deka ite ka Yesus ila osep ite Krais pampamu ine.