1 Korin 5:7 - Aria New Testament

⁷ E langane. Ma umasapir yis ka oglou ina e ma umodong langka bret ka oku ina ka yis dong ine kovok. E ngaile umodong langka bret ka yis dong ine kovok. Kesua osep tidue elio opmu ina ke Krais kodong. Ane langka osep timluk sipsip e tidue elio opmu ina ine ke oklou ka amtada sisir Ida Tapolngon lua osep Yuda ina tisongon omur Isip.

1 Korin 5:7 ပူးပေါင်းရင်းမြစ်များ

Matyu 13:33

E iye wai pelengon ano silang langane. “Omur ka Ida Tapolngon plaue langka yis ka apmang due sep ke dram plaua la lama plaua keniye tonari song polou omba.”

Mak 14:12

Rogo ka lana ine la ke alo ka Ida Tapolngon lua osep Yuda ina tisongon omur Isip ina oklou mgongon ina polou. Deka osep Yuda ina tingen inarak bret ka yis dong ine kovok e timter sipsip titno ka tiwaiki tidue elio opmu ina ke isak. Deka ari Yesus ila disaipel tipmi iye langane. “Ma imala ge ma imekere rogo ka lana ine la ke alo ka Ida Tapolngon lua udo seia tisongon omur Isip ina ngangon ma itangene?”

Jon 1:29

E ke oklou silang Jon vati Yesus lila me ke iye e wai ke osep langane. “Umavati. Gute are gute ka Ida Tapolngon ila Sipsip Otno ka due osep ke taklak urok elio epmes ina noklok la.

Jon 1:36

E alo ka iye vati Yesus lila iye wai langane. “Umavati. Gute are Ida Tapolngon ila Sipsip Otno.”

Jon 19:14

E oklou ari oklou ka osep Yuda ina tikere ngangon e wan bitna bitna ke oklou ka me ka tidue rogo omba ka lana ine la ke alo ka Ida Tapolngon lua osep Yuda ina tisongon omur Isip. E ari langka oklou airavu. E Pailat wai ke osep Yuda ina langane. “Umavati gute ka vri mgo ke umu.”

Pas ka Pol sogoe uti la ke osep Rom ina 3:25

Ida Tapolngon rere Yesus ma iye polou Ida Kasipngen ma ina metengen e ina marau kasip amunte. E Ida Tapolngon due osep ka pula keniye ka aitno lisak la dagar ke iye urok elio epmes ina noklok la. Ida Tapolngon rere Yesus Ida Kasipngen kesua iye waiki osep ka pula keniye tile omur ke ila elio itau lokono. Oglou alo ka Ida Tapolngon vati osep ka pula keniye urok elio epmes ina lokono iye koli urok elio kovok. Aurou. Iye dong tauni ine vala.

1 Korin 10:17

Bret ka kene vala dong ka ite pula itangene. Deka bret tonari due ite pula itodong langka pampamu lite ka kene vala.

1 Korin 5:13

E osep ka tidong ke dogur Ida Tapolngon ma wade urok elio. Ida Tapolngon ila pelengon wai langane. “Ma umasapir gute ka due elio soulu ka dong airavu ke umu la.”

Efesus 4:22

Deka umosongon lumu elio epmes ina bitna bitna ka oglou tiplau umu. Umosongon elio tonari kesua elio epmes ina bitna bitna tonari due aitno lumu soulu lokono e paiavu umu.

Pelengon kukwopngon 5:12

E tidue sakul omba langane. “Sipsip Otno ka oglou timke iye mete iye itau lokono. Ida Tapolngon kar iye arit ma iye plau wan ka pula keniye e iye due wan ka pula keniye ka itau e iye due ilengen omba e iye due ila arit ka ombatno. E osep ka pula keniye tidue anit ke iye e tikakai angaine tito la egim lokono.”