1 Korin 5:5 - Aria New Testament

⁵ Deka umapaur gute tonari ma iye dong ke Satan limla ma Satan due agegeng ke pampamu ine. Umodue langane e alo ka Ida Puda ma polou lokono gute tonari ano ma dong itau kap iye.

1 Korin 5:5 ပူးပေါင်းရင်းမြစ်များ

Matyu 4:10

Deka Yesus koli wai langane. “Satan amla. Kesua gute sogo Ida Tapolngon ila pelengon palma langane. ‘Omlotuim Ngap Puda ka Ngap Tapolngon e due ila bokongon vala.’”

Luk 22:31

E Yesus wai blang langane. “Saimon emklingen. Satan pmi Ida Tapolngon ma iye karanga tok aitno lumu ila dagar langka gute uri wit otna ke egim ma engen ipu wit tarna la. E Ida Tapolngon songon iye ma iye due.

Aposel 26:18

Ngapagei wom ke isak ma lem pelengon due osep ari amtarsak pal ma tibauluk aitno lisak ke urok elio epmes ina e aitno lisak la ke elio itau. E ma tisongon Satan limla e tidong ke Upu Tapolngon limla vala. Ma aitno lisak la dagar ke ngong e ma ngasak urok elio epmes ina la e ma tidong kap osep ka Upu Tapolngon rere isak ila osep itau lokono kodong.’”

1 Korin 1:8

Ma Ida Puda due aitno lumu ma aitno lumu dong dagar la lama oklou ka iye ma iding blang. Deka ke alo ari ma Ida Puda Yesus Krais vati elio gesa vri ke ite kovok.

1 Korin 11:32

E alo ka Ida Puda wade udo elio ma iye kar ite wan ka opru ite. Iye due langane ma mosi ite ma iye mulu ite kap osep ka taklak ina kovok.

1 Korin 5:13

E osep ka tidong ke dogur Ida Tapolngon ma wade urok elio. Ida Tapolngon ila pelengon wai langane. “Ma umasapir gute ka due elio soulu ka dong airavu ke umu la.”

2 Korin 10:6

E imapara ke alo ka umeini limem pelengon keniye. E langka umeini limem pelengon keniye deka ma imoules osep ka tiklingen limem pelengon kovok.

2 Korin 12:7

Ida Tapolngon nis ngong ke wan ka itau lokono deka lama aitno lungong mter langka ngong gute ka itau lokono Ida Tapolngon songon Satan ma iye due wan soulu polou ke pampamu lungong. E wan soulu tonari polou ke ngong ma lua ngong lama ngakakai angain ngong ke elio itau lokono ka polou ke ngong.

2 Korin 13:10

Ngasogo pas ane uti ke umu alo ka ngong dau ngadong mawa ke umu. Ngasogoe batne langane. Ngasogoe lama alo ka ngapolou ke umu lumu elio soulu dau dong e ma ngamosi umu ine. Ida Puda rere ngong ma ngakaranga ngadue elio langane e dau ngawaiki ngalua umu e ngaules umu kovok.

Filipai 1:6

E ngaile langane. Oglou Ida Tapolngon nogrum ila bokongon ke aitno lumu e eknikane iye dau boko ke aitno lumu la lama iding ke alo ka Krais Yesus ma iding me.

1 Timoti 1:20

Himeneus e Aleksander tidue langane. E ngakar isak ke Satan limla ma iye due agegeng ke isak ma tile langane. Ma tiwai soulu ke Ida Tapolngon kovok.

2 Timoti 1:18

Ngawaiki ma Ida Puda makai iye ke oklou ka Ida Puda wade osep ka pula keniye ine. E emile omur oglou alo ka ngadong ke armok Efesus iye lua ngong itau lokono.

2 Pita 3:12

Deka umapara ke oklou ka Ida Tapolngon ma iding me ine e umoboko dagar ma oklou tonari suong polou. Ke oklou tonari ma iye due eiou ka engil lokono ngen sirva e ngen wan ka pula keniye ka iye tapol taklak ine ma isak yagos la.

1 Jon 5:16

Langka gute gesa vati ila aten due elio epmes ina e elio epmes ina tonari due gute tonari mete kovok ma iye wai itau ke Ida Tapolngon ine ma gute tonari mete kovok. Lou pelengon ane la ke osep ka tidue elio epmes ina ka timete ine kovok. Aurou. E osep leklou tidue elio epmes ina ka timete ine e ngawai ma umawai itau ke isak kovok.