1 Korin 5:13 - Aria New Testament

¹³ E osep ka tidong ke dogur Ida Tapolngon ma wade urok elio. Ida Tapolngon ila pelengon wai langane. “Ma umasapir gute ka due elio soulu ka dong airavu ke umu la.”

1 Korin 5:13 ပူးပေါင်းရင်းမြစ်များ

Matyu 18:17

E langka iye klingen lumu pelengon kovok deka umapalongo sios ine e langka iye dau klingen lumu pelengon kovok io ma iye dong ke umu langka gute ka ile Ida Tapolngon kovok koke gute ka due takis.”

Aposel 17:31

Kesua oglou kodong Ida Tapolngon rere oklou kene ma gute ka iye rere kodong ma iye didi ila elio itau e wade osep ka pula keniye ine. Pelengon ane lokono lokono kesua gute tonari mete kodong deka Ida Tapolngon due poga tito ke ina denga.”

Pas ka Pol sogoe uti la ke osep Rom ina 2:16

Ma aitno lisak langane ke oklou ka Ida Tapolngon klingen osep ka pula keniye urok pelengon. Iye rere oklou kene ma iye klingen osep ka pula keniye urok pelengon ine. Deka ke oklou tonari ma Yesus Krais wade osep ka pula keniye aitno lisak lama oglou tibisi ine. Mase ma elio ane polou eriar langka Ida Tapolngon ila omon itau ka nganapapra ine wai ine.

1 Korin 5:1

Ngaklingen pelengon langka elio soulu kene polou airavu ke umu. Elio ane soulu lokono e osep ka isak osep Yuda ina kovok tidue langane kovok kesua urok pelengon dagar dangdang isak ine. Elio tonari langane. Gute kene due elio soulu kap apmang ka timla esna.

1 Korin 5:2

E aitno lumu vri ke umu vala. Wan ka itau umosongon elio ka umakakai angainmu e aitno lumu soulu e umekngis ine. Wan ka itau umasapir gute tonari ka due elio soulu ma iye karanga dong kap umu kovok.

1 Korin 5:5

Deka umapaur gute tonari ma iye dong ke Satan limla ma Satan due agegeng ke pampamu ine. Umodue langane e alo ka Ida Puda ma polou lokono gute tonari ano ma dong itau kap iye.

1 Korin 5:7

E langane. Ma umasapir yis ka oglou ina e ma umodong langka bret ka oku ina ka yis dong ine kovok. E ngaile umodong langka bret ka yis dong ine kovok. Kesua osep tidue elio opmu ina ke Krais kodong. Ane langka osep timluk sipsip e tidue elio opmu ina ine ke oklou ka amtada sisir Ida Tapolngon lua osep Yuda ina tisongon omur Isip.

Hibru 13:4

Pelengon silang blang lang-ane. Gingen elio itau e osep ka tigi ma tidue anit pulu. Ma gute due elio kap apmang silang koke apmang due elio kap gute arang silang kovok. Kesua Ida Tapolngon ma wade osep ka tidue okwa e osep ka tiusu pulu.

2 Pita 2:9

Deka iteile omur langane. Ida Puda karanga lua osep ka tidue elio isuk isuk ka itau ma tikos ke elio ka opru isak. E silang blang iye karanga ules osep epmes ina la lama iding ke oklou ka Ida Tapolngon ma wade osep ka pula keniye ine.