1 Korin 5:11 - Aria New Testament

¹¹ E langane. Lou pelengon batne langane. Langka gute gesa ka sir iye tona Kristen due elio okwa koke iye ngale wan koke aitno la ke sapingen koke bitna mluk gute silang koke iye inim aki dagar ma bitna balilu koke iye panako osep leklou urok wan bitna bitna deka ma umakaranga umodong kap iye kovok. E silang ma umangen kap gute ka ila elio langane kovok.

1 Korin 5:11 ပူးပေါင်းရင်းမြစ်များ

Matyu 18:17

E langka iye klingen lumu pelengon kovok deka umapalongo sios ine e langka iye dau klingen lumu pelengon kovok io ma iye dong ke umu langka gute ka ile Ida Tapolngon kovok koke gute ka due takis.”

Matyu 23:25

Aisudo. Umu osep ka umeile itau ke Moses ila sogongon e umu osep Farisi ina aitno lumu orwo ke Ida Tapolngon. Elio ane langka umeris kap e dis dogur e dau umeris wan aitno kovok. E wan ka dong ke kap e dis aitno langka wan ka umodue ke lumu elio panakongon ina ka umedidi aitno lumu ine vala.

Luk 18:11

E gute Farisi ina wai ke aitno langane. ‘Ngau Tapolngon aitno lungong itau ke wom kesua ngong langka osep leklou kovok. Isak osep panakongon ina e tidue elio ka itau e osuk ke emtem kovok e isak osep ka tidue okwa. Koke isak langka gute are ka due takis.

Luk 21:34

“E umaplau umu itau lama aitno lumu bon ke wan bitna bitna e umodue elio kepisngen ina e umeinim aki dagar ma omtomu balilu e aitno lumu mter pula ke wan ka taklak ina vala. Kesua oklou tonari ma suong polou ke umu alo ka aitno lumu mter ine kovok langka aure due ongwa suong.

Aposel 1:15

Alo ari Pita vri airavu ke osep ka tiduni pulu ke ninu tonari. Osep tonari inarak sasa langka 120.

Aposel 9:17

Deka Ananaias songon ila ninu e la ke ninu ka Sol dong ine e sepe. Deka iye polou ke Sol e limla duru kai iye deka iye wai langane. “Lou aten Sol emklingen. Ida Puda Yesus ka polou ke wom ke ekreng ka emdidie pagei ngong deka ngame ke wom. Iye pagei ngong ke wom kesua iye waiki emtem polou itau blang e ma Ano Itau due aitno lugom e plau wom.”

Pas ka Pol sogoe uti la ke osep Rom ina 13:13

Ma itodue elio itau vala eriar langka osep tidue ke osep ka pula amtarsak langka ke oklou. Ma itekepis kovok. E ma iteinim aki dagar ma amtada balilu kovok. Ma itodue okwa kovok e ma itodue wan ulik ulik kovok. Ma itodue amnga kovok e ma aitno lite soulu ke gute silang kovok.

Pas ka Pol sogoe uti la ke osep Rom ina 16:17

Sipmi. Ngawaiki ngawai dagar ke umu langane. Umeile umu itau lama supmu leklou tipagolgol aitno lumu ila dagar ke pelengon yakngan. Kesua tiwaiki urok pelengon yakngan pono aitno lumu ke pelengon ka lokono ka aitno lumu la dagar ine kodong. E umu ma umodong mawa ke osep ka tidue elio langane. Lama urok pelengon ka soulu due aitno lumu ma aitno lumu kene pulu kovok.

1 Korin 10:14

Sipmi. Ngong lana ngong ke umu e ma umoulou ke elio ka aitno lumu la ke sapingen.

1 Korin 11:21

Deka umu kene kene umosuong e umangen umu tona upu ngangon. E osep leklou tidong e sapanga due isak e osep leklou tinim aki wain pula ma amtarsak balilu.

1 Korin 5:13

E osep ka tidong ke dogur Ida Tapolngon ma wade urok elio. Ida Tapolngon ila pelengon wai langane. “Ma umasapir gute ka due elio soulu ka dong airavu ke umu la.”

1 Korin 6:10

E osep ka tipanako e osep ka tingale osep leklou urok wan e osep ke tinim aki dagar ma amtarsak balilu e osep ka amtarsak mluk osep leklou e osep ka tinak osep leklou urok wan. Osep ka langane ma tikaranga tidong ke omur ka Ida Tapolngon plaue kovok.

1 Korin 6:6

Ina lange gute Kristen kene paur ila aten ka Kristen blang la ke kot e lasu ke osep ka aitno lisak dagar ke Krais kovok amtarsak?

1 Korin 6:9

Umeile langane. Osep ka tidue elio soulu ma tikaranga tisep ke Ida Tapolngon ila omur kovok. Deka umayak umu pulu ine kovok. Osep ka tidue okwa e osep ka aitno lisak la ke sapingen e osep ka tisu apmang pasinga e osep ka tidue elio ka soulu langka isak mnak isak ine ke osep leklou. Langka arang tidue elio kap arang e apmang tidue elio kap apmang.

1 Korin 7:12

Deka lou pelengon ke osep langane. Ane Ida Puda ila pelengon kovok. Ngong vala ngawai langane. Langka gute Kristen gesa gi apmang gesa ka aitno dagar ke Yesus kovok e apmang waiki dong kap iye deka gute Kristen ma sapir iye sakam.

1 Korin 7:15

E langka gute arang koke apmang ka aitno dagar ke Yesus kovok waiki songon apmang koke arang ka esna iye karanga didi aitno e songon iye. Iye karanga songon iye la kesua Ida Tapolngon waiki ma umodong itau kap osep leklou blang.

1 Korin 8:11

Deka lumu ilengen due agegeng ke supmu ka aitno lisak ila dagar dau dagar kovok. Kesua isak supmu ka Krais mete ke isak e kasip amunsak.

Galesia 2:12

Alo ka Jems ila osua time dau kovok Pita ngen kap osep ka isak osep Yuda ina kovok. E alo ka osep tonari time deka Pita lim ke osep Kristen ka aitno lisak dau dagar ke elio ulangngan ina. Deka iye dong mawa ke osep ka isak osep Yuda ina kovok e dong kap isak kovok.

Efesus 5:18

E umeinim aki galou wain pula sakam lama omtomu balilu. Langka umodue elio langane ma paiavu umu. E umosongon Ano Itau ma plau umu vala.

Efesus 5:5

E umeile kodong osep ka tiklou sasarak e urok soboget ma tidong ke omur ka Ida Tapolngon e Krais tiplaue kovok. E osep ka tidue elio soulu bitna bitna e tingale osep leklou urok wan ma tidong ke omur ka Ida Tapolngon e Krais tiplaue kovok. Osep ka tingale wan bitna bitna urok elio eriar langka aitno lisak la ke sapingen gesa ka tiwaiki isak inarak tapolngon.

Kolosi 3:5

Umemete kap Krais kodong deka umopul dogur ke elio bitna bitna ka taklak ina ka soulu. Elio bitna bitna langka elio ka osep tikepis pulu e elio isungon ina e elio ka aling aling osep tiwaiki tidue elio epmes ina bitna bitna e elio ka osep tingale osep leklou urok wan. Elio ngalengen ina iye langka osep tilotuim sapingen.

2 Tesalonaika 3:14

Langka gute gesa pul dogur ke pelengon ka imosogo ke pas ane deka umavati iye e umeile itau ke iye e umodong mawa ke iye. Umodue langane ma iye mnak iye ke ila elio ka iye due.

2 Tesalonaika 3:6

Sipmi. Imedidi Ida Puda Yesus Krais aitno e imawai dagar ke umu langane. Langka sudo gesa tiwaiki tiboko kovok e tidong adai vala e tididi pelengon ka imakare ke isak kovok deka umodong kap isak kovok.

1 Timoti 3:3

E ma iye inim aki dagar ma bitna balilu kovok. Silang blang ma aitno nevlik e due evlei ke osep kovok. E ma aitno itau ke isak e due mada lisak. Ma aitno la ke mani kovok.

1 Timoti 6:5

E ma tituk orsak pulu e aitno lisak soulu ke osep leklou. Osep ka aitno lisak langane aitno lisak kaka lokono e tile pelengon lokono kovok. Aitno lisak langka Ida Tapolngon ila elio e ila pelengon ekreng ka tididie e ma urok brokngon polou.

2 Jon 1:10

Langka gute gesa me ke umu e parere umu eriar langka ngaparere umu kovok deka umodue sep ke lumu ninu kovok. E umawai “oklou itau” ke iye kovok.

Pelengon kukwopngon 2:14

“E lou pelengon kene ka uti ke umu langane. Osep leklou ke umu ka tidong ke Pergamum tikis dagar ke gute Balam ila elio. Balam ila elio langane. Ke oglou iye nis gute Balak ke elio ka iye yak osep Israel ina pula ma tigene ke elio epmes ina. Deka Balak due osep Israel ina tingen ongwa ka tidue elio opmu ina ke tapolngon yakngan ine e tidue elio okwa blang.

Pelengon kukwopngon 2:20

“E lama umodue elio itau lou pelengon kene ke umu langane. Umosongon apmang ka angaine Jesebel dong kap umu. Apmang tonari wai langane. ‘Ngong apmang napaprangan ina.’ E iye yak lou osep wokboi nating ke ila parere-ngen e iye nis isak ke elio okwa e ke elio ka tingen ongwa ka tidue elio opmu ina ine ke sapingen leklou.

Pelengon kukwopngon 21:8

“E osep ka tilim ke wan bitna bitna koke osep ka tisongon aitno lisak ila dagar isak blang kla ke eiou ombatno. E osep ka tidue elio epmes ina bitna bitna ka soulo lokono e osep ka tipagam osep isak blang kla ke eiou ombatno. E osep ka tidue elio isungon e osep muso ina isak blang kla ke eiou ombatno. E osep ka tilotuim sapingen e osep yakngan ina isak blang kla ke eiou ombatno. Eiou ombatno tonari engil lokono e opmu salfa ka eiou ngene dong ine blang. Eiou tonari metengen orwo ina.”

Pelengon kukwopngon 22:15

E osep ka tidue elio isuk isuk ka soulu lokono e osep muso ina e osep ka tidue elio isungon e osep ka tipagam osep e osep ka tilotuim sapingen e osep yakngan ina ka tidue langane aling aling tidong dogur ke armok tonari e tikaranga tisepe kovok.