1 Korin 5:10 - Aria New Testament

¹⁰ E osep ka tidong ka tingale wan e tipanako osep leklou urok wan bitna bitna e osep ka aitno lisak la ke sapingen. Aitno lumu lange? Ngawai langka umosongon osep ka pula keniye ka taklak ane ina ka tidue elio soulu? Aurou. Langka umawaiki umosongon osep tonari deka ma umosongon taklak ane lokono.

1 Korin 5:10 ပူးပေါင်းရင်းမြစ်များ

Luk 18:11

E gute Farisi ina wai ke aitno langane. ‘Ngau Tapolngon aitno lungong itau ke wom kesua ngong langka osep leklou kovok. Isak osep panakongon ina e tidue elio ka itau e osuk ke emtem kovok e isak osep ka tidue okwa. Koke isak langka gute are ka due takis.

Jon 15:19

Langka umu osep taklak ina ma isak lana isak ke umu langka isak lana isak ke isak sisrok. E umodong langka osep taklak ina kovok e ngarere umu ma umosongon isak deka ke batne langane aitno lisak engil e amnga ke umu.

Jon 17:6

“Nganis wom ke osep ka amkar isak ke ngong ke taklak ane e tile malak ke wom. Isak lem osep e amkar isak ke ngong kodong e tini lem pelengon.

Jon 17:9

“Ngawai itau ke wom ma omlua isak vala. E ngawai itau ma omlua osep taklak ina kovok. Aurou. Ngawaiki omlua osep ka amkar isak ke ngong kesua isak lem osep.

Jon 8:23

E Yesus wai blang langane. “Umodong ke taklak ane e umu osep taklak ina e ngong ngame ke egim e ngong gute ka taklak ane ina kovok.

1 Korin 1:20

­Deka ma osep ka urok ilengen ombatno tiusine? E osep ka tile omur ke Moses ila sogongon ma tiusine? E osep ka tididi ilengen ka taklak ina deka urok pelengon kalaila ma tiusine? Kesua Ida Tapolngon nis itosep ilengen ka taklak ina wan adai vala.

1 Korin 10:27

E langka gute gesa ka aitno dagar ke Ida Tapolngon kovok pmi umu ma umangen kap iye e umawaiki umala io umakaranga umodue. E umangen wan ka iye kare ke umu e aitno lumu bitna bitna ine kovok e umepmi iye ine kovok.

1 Korin 5:11

E langane. Lou pelengon batne langane. Langka gute gesa ka sir iye tona Kristen due elio okwa koke iye ngale wan koke aitno la ke sapingen koke bitna mluk gute silang koke iye inim aki dagar ma bitna balilu koke iye panako osep leklou urok wan bitna bitna deka ma umakaranga umodong kap iye kovok. E silang ma umangen kap gute ka ila elio langane kovok.

1 Korin 5:9

Ke pas silang ngasogo ke umu langane. Umodong kap osep ka tidue elio soulu langka okwa sakam.

2 Korin 4:4

Satan ka iye plau taklak ane due osep ka aitno lisak dagar ke Ida Tapolngon kovok aitno lisak aivoro ma tikaranga tivati bublongon ke Krais ila omon itau kovok. E Krais eriar langka Ida Tapolngon.

Efesus 2:2

Deka ari umodue elio epmes ina bitna bitna eriar langka osep epmes ina ka tidong ke taklak ane tidue. Alo ari Satan ka plau angelo soulu plau umu blang. Iye plau umu kesua iye plau osep ka talsak klingen Ida Tapolngon ila pelengon kovok.

Filipai 2:15

Umodue langare kovok ma umu ka Ida Tapolngon titno umu lumu moso-ngon itau e osep tikaranga tisin elio soulu gesa vri ke umu kovok. Umeile umodong airavu ke osep epmes ina e aling aling tidue elio soulu. E umopolou langka bublo-ngon ka nis isak ke elio itau.

1 Jon 4:5

Osep napaprangan yakngan ina urok poloungon batne ke taklak e tiwai pelengon ka taklak ina deka osep taklak ina tiklingen urok pelengon.

1 Jon 4:7

Sipmi. Ngong lana ngong ke umu e ngawai langane. Ite lana ite pulu kesua elio ane ina poloungon batne ke Ida Tapolngon. Osep ka isak lana isak ke osep leklou tidue langane kesua isak Ida Tapolngon ila osep e tile iye.

1 Jon 5:19

E silang blang langane. Iteile Ida Tapolngon ila osep ite e dau Satan ila arit plau osep ka pula keniye ka taklak ina.

Pelengon kukwopngon 12:9

Deka Maikel isak tisapir mota isak ke omur heven. E mota ina sirngen orwo. Sirngen kene Satan e sirngen silang Gute Ka Sin Elio Vri Ke Osep. Iye yak osep ka pula keniye e due isak tidue elio epmes ina. Maikel kap ila ensel tiuri mota kap ila angelo soulu tiduru ke taklak.