1 Korin 5:1 - Aria New Testament

¹ Ngaklingen pelengon langka elio soulu kene polou airavu ke umu. Elio ane soulu lokono e osep ka isak osep Yuda ina kovok tidue langane kovok kesua urok pelengon dagar dangdang isak ine. Elio tonari langane. Gute kene due elio soulu kap apmang ka timla esna.

1 Korin 5:1 ပူးပေါင်းရင်းမြစ်များ

Aposel 15:20

Ma itosogo pas gesa ka dangdang isak langane. ‘Ma umangen ngangon ka kakai sapingen gesa angaine e ke elio langane umopolou soulu ke Ida Tapolngon bitna sakam. Ma umodue elio okwa e elio isungon sakam. Ma umangen marau e ongwa ka osep tiger agune e ka ina marau dau dong ine sakam.’

Aposel 15:29

Ma umangen ngangon ka kakai sapi-ngen gesa angaine e ke elio langane umopolou soulu ke Ida Tapolngon bitna sakam. Ma umangen marau e ongwa ka osep tiger agune e ka ina marau dau dong ine sakam. Ma umodue elio okwa e elio isungon sakam. Langka umadar pelengon ane kovok ma umodong itau. Limem pelengon ane yagos.”

1 Korin 1:11

Sipmi. Ngawai ke umu langane kesua osep leklou ka isak apmang Kloe ila osua tipalongo lou ke lumu elio soulu. Tiwai umotuk opmu pulu ke pelengon gesa.

1 Korin 5:11

E langane. Lou pelengon batne langane. Langka gute gesa ka sir iye tona Kristen due elio okwa koke iye ngale wan koke aitno la ke sapingen koke bitna mluk gute silang koke iye inim aki dagar ma bitna balilu koke iye panako osep leklou urok wan bitna bitna deka ma umakaranga umodong kap iye kovok. E silang ma umangen kap gute ka ila elio langane kovok.

1 Korin 6:13

Osep leklou tiwai ngangon wan ka itangen e itodue sep ke pele lite e pele lite dong ma itodue ngangon sepe. Pelengon ane lokono e Ida Tapolngon due agegeng ke isak orwo. E ke pampamu lite ma itodue elio soulu kovok. Aurou. Pampamu lite Ida Puda ila wan. E ma itoboko ila bokongon ine.

1 Korin 6:18

Aling aling ma umopul dogur ke elio okwa. Kesua gute ka due elio okwa due agegeng ke pampamu ine. E elio isuk isuk ka soulu leklou ka osep tidue isak tidue agegeng ke pampamu lisak kovok.

1 Korin 6:9

Umeile langane. Osep ka tidue elio soulu ma tikaranga tisep ke Ida Tapolngon ila omur kovok. Deka umayak umu pulu ine kovok. Osep ka tidue okwa e osep ka aitno lisak la ke sapingen e osep ka tisu apmang pasinga e osep ka tidue elio ka soulu langka isak mnak isak ine ke osep leklou. Langka arang tidue elio kap arang e apmang tidue elio kap apmang.

2 Korin 12:21

Oglou umodue elio epmes ina langane. Umodue elio soulu kap apmang e umodue okwa e umodue elio soulu ke osep amtarsak. E eknikane aitno lungong kro lama ngapolou ke umu e umu dau umabauluk aitno lumu ke lumu elio soulu kovok. E Ida Tapolngon due ngong mnak ngong ke omtomu e ngakngis omba ke umu pula.

2 Korin 2:5

Gute ka oglou due elio soulu due aitno lungong vala soulu kovok. Aurou. Ngawaiki ngawai etres ke gute tonari kovok e ngawai langane. Iye due umu keniye aitno lumu soulu.

2 Korin 7:12

Alo ka ngasogo pas uti ke umu aitno lungong mter ngamosi elio ke gute ka due elio soulu kovok. E aitno lungong mter ke gute silang ka gute tonari due elio soulu ine kovok. Aurou. Ngasogoe ma lumu elio itau polou malak e ke Ida Tapolngon bitna umeile umu lana umu ke imi.

Galesia 5:19

Umeile kodong ke elio ka aitno lumu oglou ina. Elio tonari langane. Okwa e isungon e elio ka soulu lokono.

Efesus 5:3

Ida Tapolngon ila osep umu deka umedidi ila elio itau e umodue elio soulu bitna bitna sakam. Umoklou lumu sasap e lumu soboget sakam. Umeisu ulik ulik sakam. Umangale osep leklou urok wan sakam. Lama osep tiwai umodue elio epmes ina gesa ka langane.

Kolosi 3:5

Umemete kap Krais kodong deka umopul dogur ke elio bitna bitna ka taklak ina ka soulu. Elio bitna bitna langka elio ka osep tikepis pulu e elio isungon ina e elio ka aling aling osep tiwaiki tidue elio epmes ina bitna bitna e elio ka osep tingale osep leklou urok wan. Elio ngalengen ina iye langka osep tilotuim sapingen.

1 Tesalonaika 4:7

Ida Tapolngon waiki ite ka ila osep itodue elio soulu kovok. Iye waiki itodue elio itau vala.

Pelengon kukwopngon 2:21

Ngawaiki ma iye bauluk aitno ke ila elio epmes ina deka ngasongon iye dong isuk boto. E aurou. Iye bauluk aitno e pul dogur ke ila elio okwa ina kovok.”

Pelengon kukwopngon 21:8

“E osep ka tilim ke wan bitna bitna koke osep ka tisongon aitno lisak ila dagar isak blang kla ke eiou ombatno. E osep ka tidue elio epmes ina bitna bitna ka soulo lokono e osep ka tipagam osep isak blang kla ke eiou ombatno. E osep ka tidue elio isungon e osep muso ina isak blang kla ke eiou ombatno. E osep ka tilotuim sapingen e osep yakngan ina isak blang kla ke eiou ombatno. Eiou ombatno tonari engil lokono e opmu salfa ka eiou ngene dong ine blang. Eiou tonari metengen orwo ina.”