1 Korin 4:7 - Aria New Testament

⁷ Sei bitna ngen wom langka wom gute namor? Omdue lem wan ka pula keniye ke Ida Tapolngon. E langka lokono omdue wan ka pula keniye ke Ida Tapolngon limla deka ina lange amkakai angain wom ine?

1 Korin 4:7 ပူးပေါင်းရင်းမြစ်များ

Luk 19:13

E iye gi ke osep songotno ke ila wokboi nating e kar mani gol kene ke isak kene kene e wai ke isak langane. ‘Umodue burong ke mani ane la lama ngaiding ngame.’

Jon 1:16

Makaingan pula lokono dong ke iye e aling aling iye due elio itau lokono ke ite ka pula keniye.

Jon 3:27

E Jon koli wai ke isak langane. “Gute karanga due wan ka Ida Tapolngon kare ke iye vala.

Pas ka Pol sogoe uti la ke osep Rom ina 1:5

E silang blang langane. Ida Tapolngon makai imi e rere imi ma imi ila aposel leklou batne Yesus dong. Iye rere imi ma imapaur ila omon itau la ke osep ka pula keniye ka tidong ke omur pula. Iye rere imi kesua iye waiki ma osep ka pula keniye aitno lisak la dagar ke ila pelengon e ma tididie.

Pas ka Pol sogoe uti la ke osep Rom ina 12:3

Ida Tapolngon makai ngong deka ngakar umu kenmu kenmu pelengon dagar ane. Aitno lumu mter langka angainmu omba e lumu elio mole osep leklou urok elio sakam. Aurou. Ma umawade lumu elio isuk isuk itau. Umedidi aitno lumu ila dagar ka Ida Tapolngon lua umu ine e umawade umu kenmu kenmu lumu elio ine.

Pas ka Pol sogoe uti la ke osep Rom ina 12:6

Ke Ida Tapolngon ila makaingan iye kar udo kerengen bitna bitna ke ite kente kente. Ma itoboko ine karanga ke aitno lite ila dagar. E langka Ida Tapolngon kar gute gesa ila bokongon ka iye napapra ila pelengon ma iye napapra ine karanga ke aitno ila dagar ka Ida Tapolngon kare ke iye.

1 Korin 15:10

E Ida Tapolngon makai ngong e due ngong ngapolou ila aposel gesa deka ngadong langane. Ida Tapolngon ila makaingan ka me ke ngong la adai vala kovok. Aurou. Ngaboko dagar lokono deka lou bokongon mole osep aposel leklou urok bokongon. E ngong tona ngadue bokongon tonari kovok. Aurou. Ida Tapolngon makai ngong e lua ngong deka ngaboko ke ila bokongon.

1 Korin 3:5

Deka umeile umu itau. Apo-los iye gute sei? E ngong Pol ngong gute sei? Imorwo Ida Tapolngon ila osep bokongon ina vala. E Ida Puda kar imi kenmi kenmi limem bokongon. Limem bokongon ma due umu ma aitno lumu dagar ke Krais.

1 Korin 5:6

Lumu elio ka umakakai angainmu soulu lokono. Batne lange? Umeile yis sasi boto vala karanga due bret pula song polou omba kovok?

1 Korin 7:7

Ngawaiki ma umegi kovok langka ngong ngagi kovok. E Ida Tapolngon kar kerengen kene kene ke osep kene kene. Langka gute kene due kerengen kene ka iye gi e gute silang due kerengen silang ka iye gi kovok.

Jems 1:17

Wan keniye ka itau e itau lokono duru me ke Pmada ka dong egim ka tapol oklou e taiko e gigimo. Iye dong e segesege kovok langka wan ano segesege alo ka oklou lila ke egim ke sirva.

1 Pita 4:10

Umedidi kerengen ka Ida Tapolngon kare ke umu kenmu kenmu deka umolua osep leklou ine. Umu Ida Tapolngon ila osep bokongon ina deka umolua umu pulu ke kerengen ka iye kare ke umu.