1 Korin 4:6 - Aria New Testament

⁶ Sipmi. Ngawaiki ngalua umu deka ngawai ke umu ke pelengon ane ka la ke ngong orwo Apolos. E ngawaiki ma aitno lumu mter ke imorwo limem elio itau ma umeile Ida Tapolngon ila pelengon ka wai langane lana ine. Ma umoklou pelengon kovok. E ngawaiki aitno lumu vri ke umu kovok. E umakakai gute gesa angaine tito e umepes gute silang angaine duru kovok.

1 Korin 4:6 ပူးပေါင်းရင်းမြစ်များ

Aposel 18:24

Alo ari gute gesa ka angaine Apolos la polou ke Efesus. Iye gute Yuda ina gesa ka ila armok batne armok Aleksandria. Iye gute ka wai pelengon itau e ile omur ke Ida Tapolngon ila pelengon.

Aposel 19:1

Alo ka Apolos dau dong ke Korin Pol didi ekreng ka munu airavu ke provins Esia e la polou ke Efesus e soson Yesus ila disaipel leklou.

Pas ka Pol sogoe uti la ke osep Rom ina 12:3

Ida Tapolngon makai ngong deka ngakar umu kenmu kenmu pelengon dagar ane. Aitno lumu mter langka angainmu omba e lumu elio mole osep leklou urok elio sakam. Aurou. Ma umawade lumu elio isuk isuk itau. Umedidi aitno lumu ila dagar ka Ida Tapolngon lua umu ine e umawade umu kenmu kenmu lumu elio ine.

1 Korin 1:12

Umotuk opmu pulu ke pelengon deka umu leklou umawai langane. “Ngadidi gute Pol.” E gute silang wai langane. “Ngadidi gute Apolos.” E gute silang blang wai langane. “Ngadidi gute Pita.” E gute silang blang wai langane. “Ngadidi Krais.”

1 Korin 1:19

Osep ka tisogo Ida Tapolngon ila pelengon tisogo langane. “Ma ngapaiavu osep ka isak osep ka tile omur ke wan ka taklak ina urok ilengen. Ma ngapaiavu osep ka aitno lisak mter tile itau e tilege itau ke ilengen bitna bitna urok ilengen. Ma ngapaiavu osep tonari urok ilengen.”

1 Korin 1:31

Ida Tapolngon lua ite itau lokono ke Krais. E iye waiki ma itedidi ila pelengon ka oglou osep leklou tisogo ine ka wai langane. “Gute ka waiki aitno itau ke elio gesa ma iye kakai Ida Puda angaine tito la egim. Kesua batne ke ila elio itau ka iye lua ite ine.”

1 Korin 13:4

Gute ka lana iye ke osep leklou ma aitno engil suong kovok e ma koli osep urok elio soulu ka tidue ke iye kovok. Ma iye due mada ke isak. Ma aitno rim ke osep kovok. Ma iye kakai iye tona angaine kovok e ma aitno vri ke iye kovok.

1 Korin 3:19

Kesua Ida Tapolngon vati ilengen ka taklak ina langka wan adai vala. Ida Tapolngon ila pelengon wai langane. “Osep leklou aitno lisak mter langka urok ilengen ombatno e isak tona ti-karanga tidue wan bitna bitna. E Ida Tapolngon due elio tonari ma mke isak langka aure mke ongwa gesa.”

1 Korin 3:21

E langane. Umosongon elio ka umakakai osep angainsak. Wan ka pula keniye tidong ma tilua umu.

1 Korin 5:2

E aitno lumu vri ke umu vala. Wan ka itau umosongon elio ka umakakai angainmu e aitno lumu soulu e umekngis ine. Wan ka itau umasapir gute tonari ka due elio soulu ma iye karanga dong kap umu kovok.

1 Korin 5:6

Lumu elio ka umakakai angainmu soulu lokono. Batne lange? Umeile yis sasi boto vala karanga due bret pula song polou omba kovok?

1 Korin 8:1

E eknikane ma ngawai ke umu ke elio ka osep tingen ongwa okurne ka tidue elio opmu ina ke sapingen ine. Osep leklou tiwai langane. “Ite ka pula keniye iteile omur ke sapingen.” Pelengon ane lokono e dau ilengen vala due ite ma aitno lite vri ke ite e itakakai angainte ine. E elio ka ite lana ite ke sudo leklou due ite ma aitno lite polou dagar lokono.

1 Korin 9:23

Ngadidi elio bitna bitna tonari kesua ngawaiki nganapapra Ida Tapolngon ila omon itau ke osep e ma Ida Tapolngon lua ngong gosok osep ka aitno lisak dagar ke iye ke ila kerengen.

2 Korin 10:12

Imawai imi eriar langka osep leklou ka tikakai isak tona angainsak kovok. E imawai limem elio eriar langka urok elio kovok. Aurou. Aitno lisak mter ke isak tona urok elio e isak kensak kensak tiwade isak ine. E gute kene wade ila elio kap gute silang ila elio. Osep ka tidue langane tile omur kovok.

2 Korin 10:15

E imawai ke bokongon ka osep leklou tidue ke omur silang kovok e imakakai angainmi ine kovok. Aurou. Imawaiki aitno lumu ila dagar res polou omba ma imakaranga imoboko dagar lokono airavu ke umu. E imoboko ke omur ka Ida Tapolngon rere ke imi e imoboko ke omur silang kovok.

2 Korin 10:7

Umawade elio bitna bitna ka umavati. Langka gute gesa aitno mter iye Krais ila gute ma aitno mter langane blang. Imi Krais ila osep eriar langka iye Krais ila gute.

2 Korin 11:4

Ngawai langare kesua ngaile langane. Langka gute gesa me ke umu e yak umu ke basikngen silang ka la ke Yesus ma umoklingen ine e umedidie. Koke umodue ano silang ka Ano Itau kovok ma aitno lumu itau ke iye. Koke umodue omon silang ka eriar langka omon itau ka imanapapra umu ine kovok ma umoklingen ine. Ngaile osep tidue langane ke umu deka umekis dagar ine. E ngawaiki umodue langane kovok.

2 Korin 12:19

Aitno lumu lange? Imosogo pelengon ane ma imomosi limem elio ke omtomu? Aurou. Imi Krais ila osep e imawai pelengon ane ke Ida Tapolngon bitna. Sipmi. Imi lana imi ke umu e imawaiki aitno lumu ila dagar dong dagar.

2 Korin 12:20

Ma ngapolou ke umu e dau aitno lungong nesik lama lumu elio langka elio ka ngawaiki umodue kovok. E silang blang ngawaiki aitno lumu itau ke lou elio blang. Aitno lungong kro lama ngavati elio soulu ke umu ka langane. Opmu mluk pulu e aitno lumu rim ke osep leklou e aitno lumu nevlik amnga. E aitno lumu mter ke umu kenmu kenmu vala e umawai soulu ke osep e umodue adis. E aitno lumu mter langka umomole osep leklou e umodue elio ulik ulik vala.

2 Korin 12:6

E dau langka ngakakai angain ngong ngawai langka gute ka kaka kovok. Kesua ngawai pelengon lokono vala. E ngawaiki ngakakai angain ngong kovok lama osep ka tivati lou elio e tiklingen lou pelengon aitno lisak mter ngong gute ka itau lokono.

2 Korin 4:15

Wan bitna bitna tonari tidong ma tilua umu ke lumu mosongon. E ke elio langane Ida Tapolngon ila makaingan kes lila ke osep pula ma tiwai tenkyu ke wan ka Ida Tapolngon kare ke isak e tikakai angaine tito la egim ine.

Kolosi 2:18

Langka gute gesa waiki pi lumu wan itau batne ke wan ka iye vati alo ka iye munu ano koke langka iye waiki umepes umu umoduru e umolotuim ensel io umosongon iye ma iye due langane kovok. Gute ka ila elio langare didi aitno oglou ina e aitno mter langka iye itau lokono e iye due ilengen itau.

1 Tesalonaika 1:5

Omon itau ka imanapapra ine ke umu polou ke umu langka pelengon adai vala kovok. Aurou. Ano Itau sruk aitno limi deka imanapapra ke ila arit. E aitno limi dagar langka omon tonari iye pelengon lokono. E umeile elio ka imodue ka lua umu alo ka imodong kap umu.

2 Timoti 2:10

Osep tidue agegeng ke ngong e dau ngadong dagar ine kesua ngawaiki ngalua osep ka Ida Tapolngon rere isak ila osep. Ma Krais Yesus lua isak ke urok elio epmes ina e tidue mosongon ka dong vala dong kap iye.