1 Korin 4:5 - Aria New Testament

⁵ Kesua kot ina taim dau kovok e umawade gute silang ila elio kovok. Ma umapara ke alo ka Ida Puda ma me. Ma iye due wan ka dong kukwop ke aivoro dong malak lokono. Langka gute kukwop ila elio ma iye due polou malak blang. Ke alo ari ma Ida Tapolngon wai ke ite kente kente langka udo bokongon itau koke soulu.

1 Korin 4:5 ပူးပေါင်းရင်းမြစ်များ

Matyu 10:26

“Umelim ke osep kovok. Kesua wan keniye ka oku ane kukwop e wan keniye ka iteile ine kovok mase ma tipolou malak.

Matyu 24:30

Deka nisngen ke Gute Ka Polou Langka Osep ma polou ke sirva e osep ka pula keniye ke taklak ma tikngis. Ma tivati Gute Ka Polou Langka Osep me ke gaup ke sirva. Iye me kap ila bublongon e ila arit ka ombatno.

Matyu 24:46

E alo ka gute iding e vati ila wokboi nating didi ila pelengon ma gute bokongon ina tonari aitno itau itau.

Matyu 25:21

Deka ina puda wai ke iye langane. ‘Wom wokboi nating ka itau e emdidi lou pelengon keniye. Omdue elio itau. Emdidi lou pelengon keniye ke wan daudeng e oku ane ngadue wom ommgo ke wan pula. Ngawaiki aitno lugom neser kap ngong.’

Matyu 25:23

Deka ina puda wai ke iye langane. ‘Wom wokboi nating ka itau e emdidi lou pelengon keniye. Omdue elio itau. Emdidi lou pelengon keniye ke wan daudeng e oku ane ngadue wom ommgo ke wan pula. Ngawaiki aitno lugom neser kap ngong.’

Luk 6:37

“Umawade osep leklou urok elio kovok deka Ida Tapolngon ma wade lumu elio kovok blang. Umomulu osep leklou kovok deka Ida Tapolngon ma mulu umu kovok blang. Umasak osep urok elio soulu ka tidue ke umu deka Ida Tapolngon ma sak lumu elio soulu blang.

Jon 21:22

E Yesus koli wai ke iye langane. “Langka ngawaiki iye dong la lama ngaiding ngame are wan gesa kovok ke wom. E emdidi ngong vala.”

Jon 21:23

Mase omon ke Yesus ila pelengon ane kes lila ke osep ka tididi Yesus. E aitno lisak mter langka disaipel are ma mete kovok. E dau Yesus wai langare kovok. Aurou. Iye wai langane vala. “Langka ngawaiki iye dong la lama ngaiding ngame are wan gesa kovok ke wom.”

Jon 5:44

Umawaiki osep leklou tikakai angainmu e dau umawaiki Ida Tapolngon kakai angainmu kovok. Lange ka aitno lumu karanga la dagar ke Ida Tapolngon alo ka umodue elio langare?

Pas ka Pol sogoe uti la ke osep Rom ina 14:4

Wom sei ma amkaranga amwade gute silang ila osep bokongon ina? Langka tiboko itau koke tiboko sasi gute ka plau isak vala ma wai ine. E Ida Puda vala ma karanga due isak tipolou dagar e ma tidong dagar.

Pas ka Pol sogoe uti la ke osep Rom ina 2:1

Umoklingen. Umu osep Israel ina umesin elio vri ke osep pula. Umawai tidar pelengon dagar pula ka vri ke isak. Umawai tidar Moses ila sogongon e umu tona umadar sogongon tonari eriar langka umawai tidare. Alo ka umawai sinngen elio vri ke osep tonari lumu sinngen elio bauluk ke umu vala e munu pes umu. Deka lumu pelengon yagos.

Pas ka Pol sogoe uti la ke osep Rom ina 2:16

Ma aitno lisak langane ke oklou ka Ida Tapolngon klingen osep ka pula keniye urok pelengon. Iye rere oklou kene ma iye klingen osep ka pula keniye urok pelengon ine. Deka ke oklou tonari ma Yesus Krais wade osep ka pula keniye aitno lisak lama oglou tibisi ine. Mase ma elio ane polou eriar langka Ida Tapolngon ila omon itau ka nganapapra ine wai ine.

Pas ka Pol sogoe uti la ke osep Rom ina 2:7

E osep ka tidong dagar ke elio itau tiwaiki ma Ida Tapolngon kar isak urok mosongon ka itau lokono ka dong vala dong. Tiwaiki ma tidong kap iye e ma iye kakai angainsak. E ma Ida Tapolngon due osep urok mosongon itau lokono dong vala dong.

1 Korin 1:7

­Deka Ida Tapolngon Ano Itau lua umu ke Ida Tapolngon ila kerengen keniye ka iye lua ila osep ine. E kerengen gesa dong kovok ka iye lua umu ine dau kovok. Umodong itau e umapara ke alo ka Ida Puda Yesus Krais ma polou ke omtomu.

1 Korin 11:16

E langka gute gesa waiki tuk pelengon ane ma iye ile langane. Imedidi elio silang blang kovok. E Ida Tapolngon ila sios leklou blang urok elio silang blang kovok.

1 Korin 11:26

Yesus ila pelengon nisngen langane. Aling aling alo ka umangen bret e umeinim aki wain ane umapalongo osep ke Ida Puda ina metengen la lama alo ka ma iye iding me.

1 Korin 15:23

Deka langane. Ite ka pula keniye ma itopoga itetito ke ida denga alo ka Ida Tapolngon rere ke ite ma iye due langane. Mgongon iye due Krais poga tito ke ina denga e mase alo ka iye iding me ite ka pula keniye ka ila osep ma itopoga itetito ke ida denga.

1 Korin 3:13

Mase bokongon ka osep ka pula keniye tidue ma tipolou malak ke oklou ka Ida Tapolngon ma wade osep ka pula keniye ine. Oklou tonari ma polou langka eiou e Ida Tapolngon ma tok osep ka pula keniye kensak kensak urok bokongon ine ma tile urok bokongon itau koke soulu.

1 Korin 3:14

Langka gute gesa uri ninu napal munu ke opmu tonari e eiou ngen ila ninu kovok ma gute tonari due ila klingen ine.

1 Korin 3:8

Gute ka usak wan e gute ka baser aki duru ine isak eriar e isak orwo Ida Tapolngon ila osep bokongon ina. E isak kensak kensak ma tidue urok klingen karanga ke urok bokongon.

2 Korin 10:18

Deka langane. Langka gute kakai iye tona angaine ke ila bokongon ane wan adai vala. E langka Ida Puda kakai gute angaine ke ila bokongon ane wan omba.

2 Korin 10:9

E ngawaiki aitno lumu digrik ke pas ka oglou ngapagei uti ke umu kovok. Aurou.

2 Korin 4:2

Imopul dogur ke elio bitna bitna ka osep tikukwop isak kesua batne isak mnak isak ine alo ka tidue. Imedidi elio ka yakngan kovok e imobuli wan sasi kap Ida Tapolngon ila pelengon kovok. Aurou. Imanapapra pelengon ka lokono malak ma osep tikaranga tiwade limem elio e tikaranga tile omur ke limem mosongon ke Ida Tapolngon bitna.

2 Korin 5:10

Iteile mase ma ite kente kente itevri ke Krais bitna ma iye wade ite. Ma iye wade wan bitna bitna ka itodue ke taklak ane. Langka isak elio itau koke elio soulu.

1 Tesalonaika 5:2

Umeile omur Ida Puda ila baulukngon ma suong polou langka gute panakongon ina me panako ke epmes alo ka osep aitno lisak mter ine kovok.

Hibru 4:13

Ida Tapolngon tapol wan ka pula keniye deka wan gesa dong ka karanga kukwop ke iye kovok. Wan ka pula keniye dong malak ke bitna e mase ma itawai ke iye ke elio isuk isuk ka itodue kodong.

Jems 4:11

Sipmi. Umawai soulu ke Ida Tapolngon ila osep leklou kovok. Gute ka wai soulu ke ila aten koke wade ila aten iye wai soulu ke Moses ila sogongon e wade sogongon tonari blang. E langka amwade Moses ila sogongon ane langka emdidi sogongon tonari kovok e omdong ommgo e amwade sogongon tonari.

Jems 5:7

Sipmi ngawai ke umu lang-ane. Langka osep tidue elio soulu ke umu deka umapara ke alo ka Ida Puda ma iding me. Ma ngawai pelengon ano ke umu. Langka gute due yage iye para ke alo ka wan ka iye usake anino. Iye usak wan deka iye para ke aragu e oklou ka due wan ka iye usake polou anino.

Jems 5:9

Sipmi. Ngawaiki umongurngur pulu kovok. Kesua langka umodue elio langane Ida Tapolngon ma wade umu ine. Umoklingen. Isuk boto Ida Tapolngon ka wade ite ma me.

1 Pita 1:7

Tokngon bitna bitna tonari polou ke umu ma tok aitno lumu ila dagar langka iye wan lokono koke aurou. Iteile gol karanga polou yagos e dau langka osep tiwaiki tile gol tonari gol lokono tidue eiou ngene ma tile langka wan sasi dong ine koke aurou. E aitno lite ila dagar mole gol lokono deka tokngon tonari tok aitno lumu ila dagar. Deka ke oklou ka Yesus Krais iding me Ida Tapolngon ma kakai angainmu e due anit ke umu.

1 Pita 5:4

Umu osep plaungan ina umodue langane e alo ka Udo Plaungan Ka Mgongon Ina polou iye ma kar umu lumu prais ka karanga polou yagos kovok.

2 Pita 3:12

Deka umapara ke oklou ka Ida Tapolngon ma iding me ine e umoboko dagar ma oklou tonari suong polou. Ke oklou tonari ma iye due eiou ka engil lokono ngen sirva e ngen wan ka pula keniye ka iye tapol taklak ine ma isak yagos la.

2 Pita 3:4

Ma tiwai langane. “Yesus wai ke umu ma iye iding me i? E iye iding me dau kovok. Oglou oglou ari Ida Tapolngon tapol wan ka pula keniye oku deka mase nogrum ke alo ka udo seia ka oglou timete la lama iding ke eknikane wan ka pula keniye tidong eriar langare.”

Pas ka Jut sogoe 1:14

Oglou gute Enok ka Adam ila napakngan lumorwo ina dong e iye napapra ke osep ke wan tonari langane. “Umoklingen. Ngavati Ida Puda me kap ila ensel ka pula pula lokono.

Pelengon kukwopngon 1:7

E umoklingen. Yesus dong airavu ke gaup e iye me e osep ka pula keniye ma tivati iye. E osep ka timter iye isak blang ma tivati iye. Deka osep ka pula keniye ka tidong ke taklak ma tikngis omba ine. Elio ane ma polou suong. Lokono.

Pelengon kukwopngon 20:12

E ngavati osep ka pula keniye ka timete kodong langka angainsak omba koke angainsak omba kovok tidong mgongon ke kova. Deka ensel tiklok buk ka sogongon dong ine ka wai ke elio isuk isuk ka osep tidue alo ka tidong ke taklak. E tiklok buk silang ka mosongon ina ka osep ka tidue mosongon ka dong vala dong angainsak dong ine. Deka Ida Tapolngon wade osep ka timete kodong ke sogongon ka dong ke buk orwo tonari.