21 E umawaiki ma ngadue elio ka lange? Umawaiki ma ngadue kanda e ma ngaules umu ine koke aurou? Koke umawaiki ngauti ke umu e ngong lana ngong ke umu e aitno lungong epen ke umu?
Deka umapaur gute tonari ma iye dong ke Satan limla ma Satan due agegeng ke pampamu ine. Umodue langane e alo ka Ida Puda ma polou lokono gute tonari ano ma dong itau kap iye.
Langka ngawai lokono ke umu kovok ngawaiki Ida Tapolngon mluk ngong ine. Ngauti ke Korin kovok lama lou langan due wan ka opru umu. E ngawaiki ngadue langane kovok.
Ida Puda kar arit ke imi ma imodue ila bokongon. Imoboko e imolua umu ma imodue aitno lumu ila dagar dong dagar. Iye waiki limem bokongon due pogle ke aitno lumu ila dagar kovok. Deka aitno lungong neser e imakakai angainmi ke limem bokongon tonari e ngong mnak ngong ine kovok.
Oglou ngawai dagar ke Taitus e ke sudo leklou blang ma isak kla ke umu. Aitno lumu lange? Taitus wai dikngen ke umu e due lumu wan? Aurou. Umeile ngong e Taitus aitno limi kene e imodue elio eriar.
Ngasogo pas ane uti ke umu alo ka ngong dau ngadong mawa ke umu. Ngasogoe batne langane. Ngasogoe lama alo ka ngapolou ke umu lumu elio soulu dau dong e ma ngamosi umu ine. Ida Puda rere ngong ma ngakaranga ngadue elio langane e dau ngawaiki ngalua umu e ngaules umu kovok.
Alo ka ngadong kap umu aling orwo ina ngawai dagar kodong ke osep ka oglou tidue elio epmes ina e ke osep leklou blang ma tidue langare kovok. Eknikane ngadong mawa ke umu e ngawai ke umu blang langane. Alo ka ngapolou aling silang blang ngasongon umu ma umodue elio epmes ina kovok.
Bublongon ka oglou dong kap pelengon dagar oglou ina eknikane bitna langka bublongon kovok kesua bublongon ka dong kap Ano Itau ila bokongon mole bublongon tonari lokono.
Sipmi. Ngawaiki umeile lang-ane. Langka lumu aten gesa due elio epmes ina deka umu ka umedidi Ano Itau umodue elio itau ke iye e umolua iye ma iye mosi ila elio epmes ina. E umaplau umu itau lama Satan tok umu deka umu blang umegene ke elio epmes ina.
Lama imi Krais ila aposel leklou e imakaranga imepmi umu ma umolua imi ke wan bitna bitna alo ka imodong kap umu imodue langane kovok. Alo ari imodue mada ke umu. Imodong langka apmang ka kere titno itau.
E langka gute didi ilengen ka me ke omur heven ila elio langane. Aitno mter ke elio itau vala e aitno epen ke osep. E ila elio molil e iye klingen osep urok pelengon. E aitno due osep e iye due elio itau ke isak. Iye didi elio kene ke osep ka pula keniye e yakyak ine kovok.