1 Korin 4:20 - Aria New Testament

²⁰ Kesua elio ka Ida Tapolngon plau osep didi pelengon vala kovok. Aurou. Ane didi Ida Tapolngon ila arit.

1 Korin 4:20 ပူးပေါင်းရင်းမြစ်များ

Pas ka Pol sogoe uti la ke osep Rom ina 1:16

Eknikane ngong mnak ngong ke Ida Tapolngon ila omon itau kovok. Aurou. Aitno lungong dagar lokono ine vala. Ida Tapol-ngon ila omon itau ila arit karanga lua osep keniye ka aitno lisak dagar ine. Ida Tapolngon ila omon itau me ke itosep Yuda ina mgo. Mase omon tonari la polou ke osep ka isak osep Yuda ina kovok.

Pas ka Pol sogoe uti la ke osep Rom ina 14:17

Ke omur ka Ida Tapolngon plaue wan ka itangene e wan ka iteinime isak wan omba kovok. Aurou. E elio ka itau e osuk e elio ka aitno lite epen pulu e elio ka aitno lite neser ke Ano Itau isak wan ka omba lokono.

Pas ka Pol sogoe uti la ke osep Rom ina 15:19

E Ida Tapolngon Ano Itau lua ngong blang deka ngadue elio arit ina ka nisngen ke osep. E langane. Oglou nganogrum ke armok Jerusalem e nganapapra Krais ila omon itau ke osep. E ngalila ngala ke omur omur la lama ngaiding ke omur Ilirikum.

1 Korin 1:24

E osep ka Ida Tapolngon rere isak ila osep aitno lisak langane kovok. Osep Yuda ina e osep Grik ina ka Ida Tapolngon rere isak ila osep tile pelengon tonari la ke Krais e Ida Tapolngon ila arit e ila ilengen dong ine.

1 Korin 2:4

E pelengon ka ngawai ine e nganapapra ine ke umu didi osep taklak ina urok ilengen kovok. E ngong langka ma ngapalele aitno lumu kovok. Aurou. Lou elio nis umu ke Ano Itau ila arit.

2 Korin 10:8

Ida Puda kar arit ke imi ma imodue ila bokongon. Imoboko e imolua umu ma imodue aitno lumu ila dagar dong dagar. Iye waiki limem bokongon due pogle ke aitno lumu ila dagar kovok. Deka aitno lungong neser e imakakai angainmi ke limem bokongon tonari e ngong mnak ngong ine kovok.

1 Tesalonaika 1:5

Omon itau ka imanapapra ine ke umu polou ke umu langka pelengon adai vala kovok. Aurou. Ano Itau sruk aitno limi deka imanapapra ke ila arit. E aitno limi dagar langka omon tonari iye pelengon lokono. E umeile elio ka imodue ka lua umu alo ka imodong kap umu.