1 Korin 4:17 - Aria New Testament

¹⁷ E ngapagei gute Timoti uti ke umu. Iye langka erigu e aitno lungong itau lokono ke iye e iye didi Ida Puda ila pelengon keniye. Ma iye sruk aitno lumu ke elio ka ngadue kesua nganeklep ke Krais. Elio ka langka nganapapra Yesus ila osep ke sios pula e ke armok ka pula keniye ma tididie.

1 Korin 4:17 ပူးပေါင်းရင်းမြစ်များ

Matyu 24:45

E Yesus wai blang langane. “Wokboi nating sei iye ile itau e didi ina puda ila pelengon alo ka ina puda la ke langan? E ina puda ma due iye plau osep bokongon ina leklou ma iye kar isak inarak ngangon alo ka ina puda rere.

Matyu 25:21

Deka ina puda wai ke iye langane. ‘Wom wokboi nating ka itau e emdidi lou pelengon keniye. Omdue elio itau. Emdidi lou pelengon keniye ke wan daudeng e oku ane ngadue wom ommgo ke wan pula. Ngawaiki aitno lugom neser kap ngong.’

Matyu 25:23

Deka ina puda wai ke iye langane. ‘Wom wokboi nating ka itau e emdidi lou pelengon keniye. Omdue elio itau. Emdidi lou pelengon keniye ke wan daudeng e oku ane ngadue wom ommgo ke wan pula. Ngawaiki aitno lugom neser kap ngong.’

Aposel 16:1

Pol e Sailas isak kla tipolou ke Derbe e ke Listra. E ke Listra tisoson gute Timoti ka iye Yesus ila disaipel gesa. Osep Kristen ka tidong ke Listra e Aikoniam tiwai Timoti iye gute ka ila elio itau. Timoti tna apmang Yuda ina ka aitno dagar ke Yesus e timla gute Grik ina.

1 Korin 11:16

E langka gute gesa waiki tuk pelengon ane ma iye ile langane. Imedidi elio silang blang kovok. E Ida Tapolngon ila sios leklou blang urok elio silang blang kovok.

1 Korin 11:2

Aling aling omtomu sisir ngong e umedidi parerengen ka ngakare ke umu kodong. Deka ngawai langane. Ke elio ane umodue elio itau lokono.

1 Korin 11:34

Langka sapanga due umu ma umangen ke lumu ninu paide. Lama lumu duningen polou soulu e Ida Tapolngon mulu umu ine. E pelengon leklou dau dong e ma ngawai ine alo ka ngame ngavati umu.

1 Korin 14:33

Ida Tapolngon ma due wan bitna bitna ulik ulik kovok. Iye waiki ma ite ka pula keniye aitno lite itau pulu. Alo ka Yesus ila osep tiduni pulu ke duningen apmang ma tiwai kovok. Ma tidong vala. Yesus ila osep ka tiduni pulu ke omur omur tidue langane. E apmang ma plau duningen kovok. Kesua Moses ila sogongon wai ine.

1 Korin 16:1

Ma ngawai ke mani ka umawaiki umotuktuke ma umolua Ida Tapolngon ila osep ka tidong ke Jerusalem ine. Ngapalongo Yesus ila osep ka tidong ke provins Galesia ine kodong e ngawaiki ma umu blang umodue elio eriar langka tidue.

1 Korin 16:10

Langka Timoti polou ke umu deka ma umolua iye ma iye dong itau kap umu e iye ulou tarna kovok. Kesua iye due Ida Puda ila bokongon eriar langka ngadue.

1 Korin 4:14

Ngasogo pelengon ane ma umu mnak umu ine kovok. Aurou. Ngasogoe kesua aitno lungong itau lokono ke umu ka dirgu umu e ma ngawaiki ngasruk aitno lumu vala.

1 Korin 4:15

Lama lumu plaungan pula pula tiplau umu kodong dau sipmomu pula ke Krais dong kovok. Aurou. Ke Krais Yesus ila elio ngong kenngong vala ngadong pmomu lokono. E umopolou langka dirgu alo ka nganapapra Ida Tapolngon ila omon itau ke umu.

1 Korin 4:2

Langka gute gesa plau gute silang ila bokongon deka lokono ma iye didi pelengon ka ina gute kare ka la ke ila bokongon.

1 Korin 7:17

Umu kenmu kenmu ma umodong vala ke lumu mosongon ka Ida Puda kare ke umu kodong. Mosongon lange ka umodong ine alo ka Ida Tapolngon rere umu ila osep umu. Ngawai pelengon dagar ane ke sios ka pula keniye.

1 Korin 7:25

Ida Puda kar pelengon dagar gesa ke ngong kovok ka la ke umu ka umegi kovok. E ngawaiki ma ngakar aitno lungong ke umu kesua Ida Tapolngon aitno due ngong e ngadidi aitno e nganapapra ila pelengon ka lokono vala.

2 Korin 8:18

E imapagei limem aten kene kap iye. Sios pula tidue anit ke gute tonari kesua iye boko engil e napapra omon itau.

Efesus 6:21

Ite lana ite ke gute Tikikus e iye boko dagar ke Ida Puda ila bokongon. Ma iye uti polou ke umu deka ma iye palongo lumu ke lou mosongon. Ma umeile ke lou elio isuk isuk e ke elio bitna bitna ka polou ke ngong.

Filipai 2:19

Langka Ida Puda Yesus aitno itau ine isuk boto ma ngapagei Timoti uti ke umu. Deka alo ka ngaklingen omon ke lumu mosongon ma aitno lungong kro ke umu kovok.

Filipai 2:22

E umeile Timoti ila elio itau. Umeile iye boko kap ngong alo ka imanapapra omon itau. Iye boko kap ngong langka gute otno arang boko kap iye ke ila bokongon.

Kolosi 1:7

Gute Epafras iye napapra omon itau ke umu e umeile ine. Epafras iye Krais ila gute bokongon ina ka itau e iye due bokongon eriar langka imi e imi lana imi ke iye lokono. Iye lua umu e due Krais ila bokongon itau.

Kolosi 4:9

E Onesimus la kap iye. Iye supmu gesa e dong dagar ke ila bokongon e imi lana imi ke iye. Isak orwo ma tipalongo lumu ke wan ka pula keniye ka tipolou ke imi.

1 Timoti 1:18

Erigu Timoti aitno lungong mter ke pelengon ka oglou osep napaprangan ina tiwai ke wom ke elio ka ma omdue. E ngawai ke wom ke pelengon ma emdidie. Deka langka emdidi osep napaprangan ina urok pelengon omdong dagar e ma ommole elio soulu.

1 Timoti 1:2

Ngasogo pas ane uti ke wom Timoti. Ngaparere wom ke Ida Tapolngon ila pelengon e ompolou langka erigu ke aitno lite ila dagar. Ma Ida Tapolngon ka Pmada orwo Ida Puda Krais Yesus aitno lisak tidue wom e timakai wom e tidue aitno lugom dong epen.

2 Timoti 1:2

Ngasogo pas ane uti ke wom Timoti ka wom langka erigu ka ngong lana ngong ke wom. Ngawaiki Ida Tapolngon ka Pmada kap Ida Puda Krais Yesus timakai wom e aitno lisak due wom e tidue aitno lugom dong epen.

2 Timoti 2:2

Emklingen pelengon ka ngawai ke osep pula kodong. Deka ngawaiki amwai pelengon tonari ke osep ka tikis dagar ke Ida Tapolngon ila pele-ngon ma tikaranga tiparere osep leklou ine blang.

2 Timoti 3:10

Oglou itodong pulu e amvati lou elio isuk isuk. Emklingen lou pelengon ka ngaparere osep ine e emile batne ke lou elio bitna bitna ka ngadue. Emile aitno lungong dagar ke Ida Tapolngon e ngadong dagar ke wan bitna bitna ka polou ke ngong. Emile ngong lana ngong ke osep pula e ngavri dagar alo ka elio polou ka opru ngong.

Taitus 1:5

Oglou alo ka itodong ke aidunu Krit itababrum udo boko-ngon kovok. Deka ngasongon wom omdong ke Krit ma ambabrum bokongon ka dau dong. Ngawaiki emrere osep leklou ma tiplau Yesus ila osep ke armok armok ka tidong ine langka oglou ngawai ke wom ine.

Pelengon kukwopngon 2:10

Isuk boto ma osep tidue agegeng ke umu. E umoulou tarna lumu ke elio tonari kovok. Umoklingen. Satan due elio ane deka osep tidue umu leklou ma tidong ke kalabus. Elio ane ma tok umu. Deka ma umanamani elio ka opru umu iding ke oklou songotno. E umekis dagar ke aitno lumu ila dagar e langka umemete kape are wan gesa kovok. Umodue langane deka ma ngakar lumu mosongon ka itau lokono ke umu langka upu prais.’”

Pelengon kukwopngon 2:13

‘Ngaile omur ke armok ka umodong ine. Satan ila kova dong ke armok tonari. E ke oglou lila me aitno lumu dong dagar ke ngong e umosongon aitno lumu ila dagar kovok. Umodong dagar lama oglou osep timluk gute Antipas ma iye mete. Iye dong kap umu e napapra lou pelengon e didie deka osep timluk iye ma iye mete. Iye mete ke lumu armok ka Satan dong ine.’”