1 Korin 4:15 - Aria New Testament

¹⁵ Lama lumu plaungan pula pula tiplau umu kodong dau sipmomu pula ke Krais dong kovok. Aurou. Ke Krais Yesus ila elio ngong kenngong vala ngadong pmomu lokono. E umopolou langka dirgu alo ka nganapapra Ida Tapolngon ila omon itau ke umu.

1 Korin 4:15 ပူးပေါင်းရင်းမြစ်များ

Pas ka Pol sogoe uti la ke osep Rom ina 15:20

Ke bokongon tonari aitno lungong neser omba lokono ine ma nganapapra Krais ila omon itau ke armok armok ke osep ka dau tiklingen ke Krais kovok. Ngawaiki ngauri ninu napal munu ke kadangdanga ka gute silang sinsin isak kovok.

1 Korin 1:30

E Ida Tapolngon due umu umeneklep ke Krais Yesus. E Krais tona udo ilengen ka itau batne. Krais due ite itopolou itau e osuk ke Ida Tapolngon bitna. Iye due ite itopolou Ida Tapolngon ila osep ka itau lokono. Deka udo elio epmes ina munu pes ite kovok.

1 Korin 15:1

Sipmi. Ngawaiki ngasruk aitno lumu ke omon itau ka oglou nganapapra ke umu. Alo ari aitno lumu la dagar ke omon itau deka umodong dagar ine.

1 Korin 3:10

Ida Tapolngon ila makai-ngan due ngong e ngapolou langka gute ka ile omur lokono ke ninu ina uringen. E ngasinsin opmu ka ninu napal munu ine. E gute silang uri ninu napal munu ke opmu tonari. Io osep pula ma tikere isak itau ke elio ka tiuri ninu ine.

1 Korin 3:6

Ngong langka ngausak londo koke wan esle e Apolos langka iye baser aki duru ine. E Ida Tapolngon vala due ngangon polou anino.

1 Korin 3:8

Gute ka usak wan e gute ka baser aki duru ine isak eriar e isak orwo Ida Tapolngon ila osep bokongon ina. E isak kensak kensak ma tidue urok klingen karanga ke urok bokongon.

1 Korin 9:12

Langka osep leklou tidue wan sasi boto ke umu deka imi blang ma imakaranga imodue wan pula ke umu. E dau wan ka imakaranga imodue ke umu imodue kovok. Imodong vala lama imodue wan ka dangdang osep leklou ma tinapapra Yesus ila omon itau kovok.

1 Korin 9:14

Deka langane. Ida Puda kar pelengon langane ke ite. “Osep ka tinapapra omon itau tikaranga tidue inarak ngangon e wan bitna bitna ke osep ka tinapapra omon ke isak.”

1 Korin 9:16

Langka nganapapra Ida Puda ila omon itau ngakaranga ngakakai angain ngong ine kovok. Aurou. Ida Puda kar bokongon ane ke ngong ma ngaboko ine. Aisudo. Langka nganapapra omon itau kovok ma ngadong soulu va.

1 Korin 9:18

E ma ngadue klingen sua? Lou klingen langane. Wan ka ngakaranga ngadue ke lou bokongon ka nganapapra omon itau ane ngadue kovok. Ngaketir lokono ke elio ka nganapapra omon itau adai ke osep. E ketirngen ka ngadue ane langka lou klingen.

1 Korin 9:23

Ngadidi elio bitna bitna tonari kesua ngawaiki nganapapra Ida Tapolngon ila omon itau ke osep e ma Ida Tapolngon lua ngong gosok osep ka aitno lisak dagar ke iye ke ila kerengen.

2 Korin 4:5

E imanapapra ke limem elio kovok. Aurou. Imanapapra langane. Krais Yesus iye Ida Puda e imi lumu osep bokongon ina batne ke Yesus.

Galesia 3:24

Moses ila sogongon dong langka plaungan ka plau ite la lama Krais polou. Ma aitno lite dagar ke Krais deka itodong itau ke Ida Tapolngon bitna.

Galesia 3:25

E alo ka aitno lite ila dagar polou deka itodong moli ke plaungan tonari kovok.

Galesia 4:19

Dirgu. Eknikane blang nganamani omba lokono langka apmang ka namani mimi ngen iye. Umu Ida Tapolngon titno kodong e dau ngawaiki umopolou eriar langka Krais.

2 Timoti 4:3

Kesua mase osep ma tiwaiki tiklingen pelengon ka lokono kovok. Aurou. Ma tiwaiki tiklingen pelengon bitna bitna ka didi aitno lisak vala. E tidue osep parerengen ina ka tiparere isak ke pelengon ka tiwaiki tiklingen ine.

Taitus 1:4

E Taitus ngasogo pas ane uti ke wom. Aitno lite ila dagar eriar e ompolou langka erigu gesa. Nga-waiki Ida Tapolngon ka Pmada kap Ida Luangan Krais Yesus timakai wom e tidue aitno lugom dong epen.

Filemon 1:19

Ngong Pol ngasogo pas ane. Ma ngakoli batne ke wan tonari. Ngawai langane lama emtem uli ke lem aglunga omba ke ngong kesua ompolou Krais ila gute batne ke lou bokongon.

Jems 1:18

Iye didi aitno e due ite itopolou ila osep alo ka iteklingen ila pelengon ka lokono. Ma ite langka titno ka ina sirngen sirngen ke wan ka pula keniye ka mase ma polou oku.

1 Pita 1:23

Umopolou osep oku ina langka mimi edimor batne ke Ida Tapolngon ila pelengon ka umoklingen ine. Ngawai pelengon ano langane. Langka osep tiser wit londo ke yage io londo tonari karanga polou okus. E Ida Tapolngon ila pelengon langka londo ka karanga polou okus kovok. Aurou. E mosongon dong ine e ina yagosngon kovok.