1 Korin 4:12 - Aria New Testament

¹² E imoboko engil lokono ke lipmi va e bokongon opru imi. Osep tiwai soulu ke imi e imepmi Ida Tapolngon ma iye kere isak. Tidue elio soulu ke imi e imawai ine kovok e imodong vala.

1 Korin 4:12 ပူးပေါင်းရင်းမြစ်များ

Matyu 5:11

“Alo ka osep tiwai soulu ke umu e tiwai pelengon soulu ka yakngan ke umu e tidue agegeng ke umu kesua umu lou osep aitno lumu itau itau.

Matyu 5:44

E eknikane ngawai ke umu langane. Umu lana umu ke upu oul e umawai itau ke Ida Tapolngon ke osep ka tidue agegeng ke umu.

Luk 23:34

E Yesus wai itau ke Ida Tapolngon langane. “Livou amsak urok elio kesua tile omur ke wansua ka tidue kovok.” E osep ola ina tiuri opmu ka nisngen dong ine e tiwade Yesus ila klos ine.

Luk 6:28

E umepmi Ida Tapolngon ma iye due elio itau ke osep ka tiluk umu e umawai itau ke Ida Tapolngon ke osep ka tidue elio soulu ke umu.

Jon 15:20

Omtomu sisir lou pelengon ka ngawai ke umu langane. Gute bokongon ina mole ina puda kovok. Langka osep taklak ina tidue agegeng ke ngong ma tidue agegeng ke umu blang. E langka tididi lou pelengon ma tididi lumu pelengon blang.

Aposel 18:3

Ari Pol la dong kap isak kesua isak tigosok Pol urok bokongon kene. Tiboko ke ninu molo ina langka oglou Pol boko ine. E ari tidong e tiboko ke ninu molo ina e tidue burong ke isak.

Aposel 20:34

Umeile omur oglou ngaboko ma lou mani polou dong. E mase ngakli lou wan bitna bitna e ngalua lou saten ka tidong kap ngong ke urok wan bitna bitna blang.

Aposel 7:60

Deka iye grum kamla buno deka gene duru e wai dagar lokono langane. “Ngau Puda omkoli osep ane urok elio sakam.” Iye wai langane deka mete.

Pas ka Pol sogoe uti la ke osep Rom ina 12:14

Langka osep tidue elio soulu ke umu ma umepmi Ida Tapolngon ma iye lua isak e due mada ke isak. Umepmi Ida Tapolngon ma iye lua isak e umepmi iye ma iye due agegeng ke isak sakam.

Pas ka Pol sogoe uti la ke osep Rom ina 12:20

Ida Tapolngon wai blang lang-ane. “Langka sapanga due ngap oul deka amkar iye nga-ngon. E langka aki vel iye deka ma amkar iye aki. Langka omdue langane lem elio itau ma mnak iye ke ila elio soulu.”

Pas ka Pol sogoe uti la ke osep Rom ina 8:35

Krais lana iye omba lokono ke osep ka ila osep. E sei dong ka karanga dangdang elio ka iye lana iye ke ite? Aurou. Gute kene gesa e elio kene gesa dong ka karanga dangdang elio ka iye lana iye ke ite kovok. Langka elio soulu e elio ka opru tipolou ke ite ma tikaranga tidangdang elio ka iye lana iye ke ite kovok. Langka agegeng e sapanga ombatno polou ke ite ma tibure blang. Langka udo klos kovok ma Yesus dau lana iye ke ite. Langka elio soulu polou ke ite ka itoulou tarna lite ine ma Yesus dau lana iye ke ite. Langka evlei polou ke ite ma Yesus dau lana iye ke ite blang.

1 Korin 9:6

Lange? Imorwo Barnabas vala ma imoboko ke limem mani ma lua imorwo tona e osep leklou tiboko langane kovok?

2 Korin 11:8

Alo ka ngaboko ke umu sios pula ke omur leklou tilua ngong ke mani. Are bitna langka ngapanako mani ke isak e ngalua umu ine.

Efesus 4:28

Umu ka oglou umapanako wan bitna bitna umodue elio langane sakam. Umoboko vala ma lumu wan bitna bitna tipolou e tidong. Kesua gute ka boko deka ila wan polou ma karanga tuk ila wan ma leklou la ke osep ka urok wan isuk boto vala.

1 Tesalonaika 2:9

Sipmi. Omtomu sisir ke bokongon engil ka imodue alo ka imodong kap umu. Imoboko engil lokono ke oklou e epmes ke wan ka imodue burong ine ma imakaranga imekli limem wan bitna bitna kesua imawaiki imodue elio ka opru umu kovok alo ka imanapapra Ida Tapolngon ila omon itau.

2 Tesalonaika 3:8

Oglou alo ka imodong kap umu imodue wan bitna bitna ke umu adai kovok. Imekli limem wan bitna bitna vala. Imoboko engil ke oklou e epmes ma imakaranga imekli ipem ngangon. Kesua imawaiki imodue wan gesa ka opru umu kovok.

1 Timoti 4:10

Ida Tapolngon dong vala dong e iye waiki lua osep ka pula keniye e dau iye karanga lua osep ka aitno lisak dagar ke iye vala. Aitno lite dagar lokono ke iye e itapara ma iye due elio itau ke ite. Deka aling aling ma itoboko engil ke ila bokongon.

1 Pita 2:23

Alo ka osep tiwai soulu ke iye io iye koli urok pelengon ke pelengon soulu blang kovok. Alo ka osep tidue agegeng ke iye io iye dong vala e wai ma iye koli urok elio soulu kovok. Aurou. Aitno dagar ke Ida Tapolngon e iye ile Ida Tapolngon ma didi ila elio itau e wade osep ka pula keniye ine.

1 Pita 3:14

E langka umodue elio itau vala e osep dau tidue elio soulu ke umu ine Ida Tapolngon ma kere umu itau. Umelim ke isak kovok e aitno lumu kro ine kovok.

1 Pita 3:9

Alo ka osep tidue elio soulu ke umu deka umokoli urok elio soulu kovok. E alo ka osep tiwaiki tiluk umu umokoli e umeiluk isak blang kovok. Umawai itau ke Ida Tapolngon ma iye kere isak vala. Kesua alo ka Ida Tapolngon rere umu ila osep iye wai ma iye kar umu ila kerengen.

1 Pita 4:19

Deka langane. Langka Ida Tapolngon didi aitno e songon agegeng polou ke ite ma aitno lite dong dagar ke iye e itodue elio itau. Kesua iteile omur Ida Tapolngon ma kere ite itau e didi ila pelengon keniye.

Pas ka Jut sogoe 1:9

E ensel ka urok arit omba tiwai soulu langane kovok. Alo ka Ida Tapolngon ila ensel ka mgongon ina kene ka angaine Maikel para pulu kap Satan ke Moses pampamu ine iye wai soulu ke Satan kovok. Aurou. Iye wai langane. “Ngau Puda ma wai dagar ke wom.”