1 Korin 4:11 - Aria New Testament

¹¹ Ke oglou me iding ke eknikane imodong langka sapanga due imi e kre limi kakrak lokono. E imetnei klos ka itau kovok. Osep timluk imi e limem ninu gesa dong ka imodong ine kovok.

1 Korin 4:11 ပူးပေါင်းရင်းမြစ်များ

Matyu 8:20

E Yesus koli wai langane. “Pokis tidong ke urok ovuk ke taklak e monuk tidong ke urok onuk e ngong Gute Ka Polou Langka Osep lou omur ka ngamunu ine dong ke taklak ane kovok.”

Aposel 14:19

Alo ari osep Yuda ina leklou ka tidong ke Antiok e Aikoniam tipolou ke Listra. E tisruk osep pula aitno lisak deka osep tonari tidue opmu e timluk Pol ine. Deka tiriri iye la munu ke armok ina boul kesua aitno lisak mter iye mete kodong.

Aposel 16:23

E osep timluk Pol e Sailas pula. Timluk isak yagos deka tipaur isak kla tisep ke kalabus e tidong ine. E osep ka tiplau armok tiwai dagar ke gute ka plau kalabus langane. “Amplau osep orwo ane itau lokono.”

Aposel 23:2

Pol wai langane deka gute Ananaias ka gute loulou ina ka mgo wai ke osep ka tivri olwo boto ke Pol langane. “Osep. Umomluk Pol ene.”

Pas ka Pol sogoe uti la ke osep Rom ina 8:35

Krais lana iye omba lokono ke osep ka ila osep. E sei dong ka karanga dangdang elio ka iye lana iye ke ite? Aurou. Gute kene gesa e elio kene gesa dong ka karanga dangdang elio ka iye lana iye ke ite kovok. Langka elio soulu e elio ka opru tipolou ke ite ma tikaranga tidangdang elio ka iye lana iye ke ite kovok. Langka agegeng e sapanga ombatno polou ke ite ma tibure blang. Langka udo klos kovok ma Yesus dau lana iye ke ite. Langka elio soulu polou ke ite ka itoulou tarna lite ine ma Yesus dau lana iye ke ite. Langka evlei polou ke ite ma Yesus dau lana iye ke ite blang.

1 Korin 9:4

Imi aposel imakaranga imodue ipem ngangon e ipem aki langka ipem klingen ke limem bokongon koke aurou?

2 Korin 11:20

E ngaile osep leklou tiwaiki tipagei umu e tiplau umu koke tiwaiki tipi lumu wan bitna bitna deka umosongon isak ma tidue langane. Koke tiwaiki tiyak umu ma umedidi isak koke aitno lisak langka isak itau e timole umu koke tiwaiki tiuri limsak ke banga lumu deka umosongon isak tidue langane.

2 Korin 4:8

Aling pula elio ka opru polou ke imi e dau elio tonari due limem arit polou yagos kovok. E aling leklou imeile omur ke wan ka ma imodue kovok e dau imeile sasi boto ine.

Filipai 4:12

Oglou aling kene lou wan isuk boto vala e aling silang lou wan pula dong. Ngaile kodong ke elio ka aitno lungong itau ke elio bitna bitna ka polou ke ngong. Lama ngau ngangon pula dong koke sapanga due ngong e langka lou wan pula dong koke lou wan isuk boto vala. Lama langane ngadong itau ine.

2 Timoti 3:11

Emile osep tidue agegeng e tidue elio soulu ke ngong ke Antiok e Aikoniam e Listra. Tidue agegeng ke ngong e Ida Puda lua ngong ma ngadong itau ine.