1 Korin 4:10 - Aria New Testament

¹⁰ Aitno limi dagar ke Krais deka osep aitno lisak mter langka imi osep ka kaka e umodong langka osep ka umeile omur ke Krais. Limem arit kovok e lumu arit omba. Angainmi daudeng e angainmu omba.

1 Korin 4:10 ပူးပေါင်းရင်းမြစ်များ

Matyu 24:9

“Alo ari osep ma tidue umu umevri ke kot bitna deka tiules umu e tidue burwa ke umu. E ma osep ka pula keniye aitno lisak soulu lokono ke umu batne ke ngong.

Matyu 5:11

“Alo ka osep tiwai soulu ke umu e tiwai pelengon soulu ka yakngan ke umu e tidue agegeng ke umu kesua umu lou osep aitno lumu itau itau.

Luk 10:16

E Yesus wai ke ila osep bokongon ina tonari langane. “Gute ka klingen lumu pelengon klingen lou pelengon blang e gute ka pli umu pli ngong blang. E gute ka pli ngong pli Ida Tapolngon ka pagei ngong ngame.”

Luk 18:9

Osep leklou aitno lisak lang-ka isak tona tidong itau ke Ida Tapolngon bitna e aitno lisak mter osep leklou isak osep soulu. Deka Yesus wai pelengon ano ane ka la ke isak.

Luk 6:22

Umu ka osep aitno lisak soulu lokono ke umu e tipli umu e tiwai soulu ke umu e aitno lisak mter angainmu wan ka soulu kesua umedidi Gute Ka Polou Langka Osep aitno lumu itau itau ine.

Aposel 17:18

Ari osep Epikurian ina leklou e osep Stoik ina leklou ka urok ilengen omba timter pulu pelengon kap Pol. E isak leklou tiwai pulu langane. “Gute ane ka wai ulik ulik iye wai lange?” Deka osep leklou blang tiwai langane. “Gute ane iye wai ke tapolngon ka osep leklou inarak tapolngon e iteile ine kovok.” Tiwai langane kesua Pol napapra ke Yesus e elio ka iye mole metengen e poga tito ke ina denga.

Aposel 17:32

Pol wai ke Yesus ina metengen e ila baulukngon e osep leklou tiwai apok ke iye. E osep leklou blang tiwai langane. “Pol imawaiki ma amparere imi ke pelengon ane blang. Imawaiki imeklingen ine blang.”

Aposel 26:24

Pol wai langane deka Festus koli wai omba langane. “Pol wom manga manga lokono. Omdue skul pula e lem ilengen ka ombatno due wom manga manga lokono.”

Aposel 9:16

Ma nganis iye ke elio soulu pula ka mase iye ma namani kesua batne iye due lou bokongon.”

1 Korin 1:21

Ida Tapolngon ile omur ke wan bitna bitna deka ila ilengen ombatno lokono. E iye didi ila ilengen tonari e dangdang osep ke elio ka tididi aitno lisak ma tile omur ke iye. Imanapapra Ida Tapolngon ila pelengon ke osep e Ida Tapolngon aitno itau ma iye lua osep ka aitno lisak la dagar ke iye ke urok elio epmes ina. E osep ka tididi aitno lisak tiwai pelengon ka imanapapra ine iye pelengon adai vala.

1 Korin 1:23

E imanapapra pelengon kene ka la ke Krais ina metengen ke ina akai. Deka pelengon ka imanapapra ine due osep Yuda ina aitno lisak soulu e due osep Grik ina ma tiwai pelengon tonari pelengon adai vala.

1 Korin 1:25

E Ida Tapolngon ila ilengen ka osep leklou tiwai wan adai mole osep ka pula keniye urok ilengen. E Ida Tapolngon ila arit ka osep tiwai dong ke iye kovok ila arit mole osep ka pula keniye urok arit.

1 Korin 10:12

E langka gute gesa waiki aitno vri dagar ma iye plau iye itau lama iye due elio epmes ina.

1 Korin 2:14

Langka Ano Itau dong ke gute gesa aitno kovok iye karanga due kerengen ke Ida Tapolngon Ano Itau kovok. Kesua aitno mter langka kerengen tonari wan adai vala. Itodue kerengen ke Ida Tapolngon Ano Itau. Deka osep ka Ano Itau dong ke aitno lisak isak vala tikaranga tiwade e tile Ida Tapolngon ila kerengen.

1 Korin 2:3

E alo ka ngadong kap umu lou arit kovok. Aurou. Anngong nesik e nganakarkar omba.

1 Korin 3:18

Umeile umu itau lama uma-yak umu pulu. Lama gute gesa dong airavu ke umu e ila ilengen omba ke wan ka taklak ina e aitno mter langane. “Lou ilengen omba.” Io wan ka itau iye songon ilengen tonari e ma aitno kaka ine vala. Iye due langane ma iye ile itau ke ilengen ka omba lokono.

1 Korin 3:2

Ngakar pelengon ke umu ka langka sisu e ngakaranga ngakar pelengon ka langka ngangon dagar ke umu kovok. Kesua umakaranga ke pelengon langka ngangon da-gar kovok. E eknikane umu dau umakaranga kovok.

1 Korin 4:8

Aitno lumu lange? Lumu wan ka pula keniye bon kodong i? Lumu wan ka pula keniye dong e umodong itau lokono. Langka umomole imi kodong e umopolou langka osep ka tivri mgo ke omur omur. Aitno lumu langane i? Aisudo. Ngawaiki ma umodong umopolou langka osep ka tivri mgo ke omur omur lokono. Ma imi blang imopolou imodong langka osep ka tivri mgo ke omur omur blang kap umu.

2 Korin 10:10

Osep leklou tiwai langane. “Pol sogo pelengon ka dagar ke ila pas keniye e alo ka iye polou ke amtada itavati iye langka ila arit kovok e elio ka iye wai ke osep are wan adai vala.”

2 Korin 11:19

Umu tona aitno lumu mter lumu ilengen ombatno e umosongon osep ka isak kaka tiwai ke umu.

2 Korin 11:29

Langka gute gesa aitno ila dagar yagos aitno lungong kro ine. E langka gute kene due gute silang iye due elio epmes ina aitno lungong engil ke gute tonari ka due gute gene.

2 Korin 13:9

Aitno limi itau alo ka limem arit dong kovok e lumu arit dong kap umu. E imawai itau ke Ida Tapolngon ma aitno lumu ila dagar dong dagar vala.

2 Korin 4:12

Aling aling metengen dong olwo boto ke imi ma umodue mosongon ka dong vala dong.

2 Korin 6:8

Osep leklou tikakai angain-mi e osep leklou blang tipes angainmi. Osep leklou tidue anit ke imi e osep leklou blang tidue markan ke imi. Osep leklou tiwai imi osep yakngan ina e langane kovok. Imawai pelengon lokono vala.

1 Tesalonaika 4:8

E gute ka pli pelengon ane iye langka pli osep urok pelengon vala kovok. Aurou. Iye pli Ida Tapolngon ka kar Ano Itau ke ite ila pelengon.

1 Pita 4:14

Langka osep tiwai soulu ke umu batne umu Krais ila osep aitno lumu itau itau ine. Kesua elio ane nis ite Ida Tapolngon Ano Itau ka itau lokono dong kap umu.