1 Korin 4:1 - Aria New Testament

¹ Aitno lumu mter ke imi langane. Imi Krais ila osep boko-ngon ina. E imoboko ma imaplau Ida Tapolngon ila pelengon ka kukwop.

1 Korin 4:1 ပူးပေါင်းရင်းမြစ်များ

Matyu 13:11

E Yesus koli wai ke isak langane. “Ida Tapolngon songon ngong ma ngapalongo lumu ke pelengon kukwop ka omur heven ina e ngakukwop pelengon tonari ke osep leklou.

Matyu 24:45

E Yesus wai blang langane. “Wokboi nating sei iye ile itau e didi ina puda ila pelengon alo ka ina puda la ke langan? E ina puda ma due iye plau osep bokongon ina leklou ma iye kar isak inarak ngangon alo ka ina puda rere.

Mak 4:11

Deka iye wai ke isak langane. “Osep pula tile pelengon ano lana ine kovok. E ma ngakere pelengon tonari ka kukwop ka la ke alo ka Ida Tapolngon plau osep lana ine ke umu. Ma umeile omur ine itau.”

Luk 1:2

Eriar langka osep ka tidong oglou lila me tivati wan ka tipolou e tinapapra omon itau deka tiwai ke imi ine blang.

Luk 12:42

E Ida Puda koli wai langane. “Gute bokongon ina sei ka ile itau e didi ina puda ila pelengon e ina puda rere ma iye mgo plau ila osep bokongon ina leklou e ma iye kar inarak ngangon ke isak alo ka ina puda rere?

Luk 8:10

Deka Yesus koli wai ke isak langane. “Ida Tapolngon songon ngong ma ngapalongo lumu ke pelengon kukwop ka la ke omur heven ka Ida Tapolngon plaue. E ke osep leklou ngawai ke pelengon ano vala ma amtarsak vati wan bitna bitna e dau tivati itau kovok e talsak klingen e dau tile ine kovok.

Pas ka Pol sogoe uti la ke osep Rom ina 11:25

Sipmi. Ngawaiki ma umeile omur ke pelengon ka kukwop ka oglou itosep iteile ine kovok lama aitno lumu mter langka lumu ilengen omba lokono. E ma ngapalongo lumu ke pelengon ka kukwop ane. Osep Israel ina leklou tipono aitno lisak ke Ida Tapolngon ila makaingan. Tidue langane la lama Ida Tapolngon makai osep ka isak osep Yuda ina kovok ka iye rere isak ila osep kodong.

Pas ka Pol sogoe uti la ke osep Rom ina 16:25

Ma itakakai Ida Tapolngon angaine tito la egim. Kesua iye tona karanga due aitno lite ila dagar kis dagar ke Ida Tapolngon ila omon itau ka la ke Yesus Krais ka nganapapra ine. Oglou ari osep tile omur ke Ida Tapolngon ila omon itau kovok. E eknikane iteile ine kesua Ida Tapolngon lua ite ine.

1 Korin 2:7

Imanapapra pelengon itau e Ida Tapolngon ila ilengen itau ka oglou iye kukwope ke osep ke umu. Alo ka Ida Tapolngon dau tapol taklak kovok iye ile kodong e iye rere oklou ka ma iye due umu umodong kap iye ke omur heven.

1 Korin 3:5

Deka umeile umu itau. Apo-los iye gute sei? E ngong Pol ngong gute sei? Imorwo Ida Tapolngon ila osep bokongon ina vala. E Ida Puda kar imi kenmi kenmi limem bokongon. Limem bokongon ma due umu ma aitno lumu dagar ke Krais.

1 Korin 4:13

Tiluk imi soulu e imokoli urok pelengon ke pelengon itau vala. E imopolou kodong langka tokonkon ka sasi lokono ka osep tisere la. Ke osep pula amtarsak imodong langka tokonkon vala e langka wan ka sasi lokono. Imodong langane ke oglou la lama iding ke eknikane.

1 Korin 4:2

Langka gute gesa plau gute silang ila bokongon deka lokono ma iye didi pelengon ka ina gute kare ka la ke ila bokongon.

2 Korin 11:23

Tiwai langka isak Krais ila osep bokongon ina i? Ma ngawai langka gute ka kaka. Ngong Krais ila gute bokongon ina e ngamole isak. Ngaboko engil lokono e aling pula osep tidue ngong ngasep ke kalabus e aling pula osep timluk ngong omba e aling pula isuk boto ngamete.

2 Korin 12:6

E dau langka ngakakai angain ngong ngawai langka gute ka kaka kovok. Kesua ngawai pelengon lokono vala. E ngawaiki ngakakai angain ngong kovok lama osep ka tivati lou elio e tiklingen lou pelengon aitno lisak mter ngong gute ka itau lokono.

2 Korin 4:5

E imanapapra ke limem elio kovok. Aurou. Imanapapra langane. Krais Yesus iye Ida Puda e imi lumu osep bokongon ina batne ke Yesus.

2 Korin 6:4

Aurou. Imodue elio itau vala ka nis osep imi Ida Tapolngon ila osep bokongon ina. Imodong dagar lokono alo ka agegeng e wan soulu e wan polou ka opru imi.

Efesus 1:9

E iye nis itosep ke elio ka oglou iye waiki due polou ke itosep. Alo ari iye dau kukwop iye ke osep. Deka ari me iding ke alo ka Krais polou ke itosep isak tile ke iye kovok. Mase Krais me polou lite e elio tonari polou malak lokono. E eknikane iteile omur ine.

Efesus 6:19

E silang blang langane. Umawai itau ke Ida Tapolngon ma iye lua ngong ma ngaulou tarna lungong kovok. E ma ngawai malak ke ila omon itau vala. Umolua ngong ma ngawai malak ke osep ke Ida Tapolngon ila omon itau ka oglou osep tile ine kovok.

Kolosi 2:2

Ngadue bokongon tonari ma umodong dagar e ma umu ka pula keniye lana umu pulu e elio langane res polou omba. Ngawaiki ma umodue ilengen itau e ma umeile omur ke pelengon lokono. E ngawaiki ma umeile batne lokono ke Ida Tapolngon ila pelengon ka dong kukwop. Krais iye tona pelengon ka dong kukwop batne.

Kolosi 4:3

Alo ka umawai itau umepmi Ida Tapolngon ke imi blang ma iye due ekreng ma imakaranga imanapapra ila pelengon ka oglou dong kukwop ka lana ine la ke Krais. Nganapapra ila pelengon e ke batne langane ngadong ke kalabus ane.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

1 Timoti 3:6

Gute ka Kristen oku iye karanga polou sios ina plaungan kovok. Lama aitno mter langka iye gute ka itau lokono e tala kovok. Langka Satan ka tala klingen kovok. Deka ma Ida Tapolngon mulu iye langka iye mulu Satan.

1 Timoti 3:9

E tikis Ida Tapolngon ila pelengon dagar ka nis ite ke aitno lite ila dagar. E ma tile elio ka itau e elio ka soulu e tidue elio ka itau vala.

Taitus 1:7

E emile gute ka plau sios plau Ida Tapolngon ila bokongon. Deka ngawaiki iye due elio itau vala ma osep ka pula keniye tikaranga tivati elio soulu gesa vri ke iye kovok. Aitno mter langka angaine omba e iye karanga pagei osep kovok. E aitno nevlik kovok. Iye inim aki dagar ma bitna balilu kovok. Aitno amnga suong deka iye mluk osep kovok. E aitno vri ke mani vala kovok.

1 Pita 4:10

Umedidi kerengen ka Ida Tapolngon kare ke umu kenmu kenmu deka umolua osep leklou ine. Umu Ida Tapolngon ila osep bokongon ina deka umolua umu pulu ke kerengen ka iye kare ke umu.