1 Korin 3:8 - Aria New Testament

⁸ Gute ka usak wan e gute ka baser aki duru ine isak eriar e isak orwo Ida Tapolngon ila osep bokongon ina. E isak kensak kensak ma tidue urok klingen karanga ke urok bokongon.

1 Korin 3:8 ပူးပေါင်းရင်းမြစ်များ

Matyu 16:27

Kesua Gute Ka Polou Langka Osep ma me ke Timla ila bublongon kap ila ensel. E alo ari ma iye kar klingen ke elio bitna bitna ka osep tidue.

Luk 19:19

E ina puda koli wai ke iye langane. ‘Wom ma amplau armok elme.’

Pas ka Pol sogoe uti la ke osep Rom ina 2:6

Alo ari ma Ida Tapolngon koli batne ke osep ka pula keniye urok elio ka oglou tidue. Langka oglou tidue elio itau ma iye kar isak elio itau. E langka oglou tidue elio soulu ma iye kar isak elio soulu.

1 Korin 15:58

E langane. Sipmi. Ma umo-dong dagar ke Ida Tapolngon ila elio e aitno lumu orwo ine sakam. Umodong umoboko dagar ke Ida Puda ila bokongon vala. Kesua Ida Puda ila bokongon ka umodue ma la adai kovok. Aurou. Ma dong vala kesua bokongon tonari Ida Puda ila bokongon.

1 Korin 3:14

Langka gute gesa uri ninu napal munu ke opmu tonari e eiou ngen ila ninu kovok ma gute tonari due ila klingen ine.

1 Korin 3:7

E langane. Gute ka usak wan angaine omba kovok e gute ka baser aki duru ine angaine omba kovok blang. Aurou. Ida Tapolngon ka due ngangon polou anino vala angaine omba.

1 Korin 3:9

Imorwo Ida Tapolngon ila osep bokongon ina. E umu langka Ida Tapolngon ila yage. E umu blang langka Ida Tapolngon ila ninu.

1 Korin 4:15

Lama lumu plaungan pula pula tiplau umu kodong dau sipmomu pula ke Krais dong kovok. Aurou. Ke Krais Yesus ila elio ngong kenngong vala ngadong pmomu lokono. E umopolou langka dirgu alo ka nganapapra Ida Tapolngon ila omon itau ke umu.

1 Korin 9:7

Gute sei due bokongon langka gute ola ina e iye tona kli ila wan bitna bitna? Gute sei due yage e due ina ngangon ine kovok? Koke gute sei vaken sipsip e inim inarak sisu kovok?

Galesia 6:4

Osep ka pula keniye ma isak kensak kensak tiwade urok bokongon langka bokongon itau koke soulu. Gute ka due langane ma aitno itau ke iye tona ila elio e iye ma wade ila elio kap osep leklou urok elio kovok.

Galesia 6:5

E silang blang osep ka pula keniye ma isak kensak kensak aitno lisak mter ke urok bokongon e urok elio ka tidue.

Hibru 6:10

Ida Tapolngon didi ila elio itau vala e wade osep urok elio isuk isuk ine. Deka ma bitna sisir ke lumu elio itau e elio ka umu lana umu ke iye alo ka oglou umolua ila osep. E eknikane umu dau umolua isak blang.

1 Pita 5:4

Umu osep plaungan ina umodue langane e alo ka Udo Plaungan Ka Mgongon Ina polou iye ma kar umu lumu prais ka karanga polou yagos kovok.

2 Jon 1:8

E umaplau umu itau lama wan ka imoboko engil ine imina ke umu. Umaplau umu itau ma umodue kerengen ka didi lumu bokongon.

Pelengon kukwopngon 2:23

E osep ka tididi iye ma ngamluk isak ma timete. Deka sios ka pula keniye ma tile omur langane. Ngakaranga ngawade osep ka pula keniye aitno lisak. E ngakoli batne ke umu kenmu kenmu karanga ke elio ka umodue.”

Pelengon kukwopngon 22:12

Deka Yesus wai langane. “Umoklingen. Isuk boto ma ngame. E ma ngapaur osep ka pula keniye inarak klingen kap ngong. Ma ngakar osep kensak kensak inarak klingen ke elio isuk isuk ka tidue.