1 Korin 3:5 - Aria New Testament

⁵ Deka umeile umu itau. Apo-los iye gute sei? E ngong Pol ngong gute sei? Imorwo Ida Tapolngon ila osep bokongon ina vala. E Ida Puda kar imi kenmi kenmi limem bokongon. Limem bokongon ma due umu ma aitno lumu dagar ke Krais.

1 Korin 3:5 ပူးပေါင်းရင်းမြစ်များ

Matyu 25:15

E iye kar isak mani karanga ke wan ka tikaranga tidue. Iye kar 5,000 kina ke gute kene e iye kar 2,000 kina ke gute silang e iye kar 1,000 kina ke gute silang blang. Deka iye la ke ila langan.

Luk 1:2

Eriar langka osep ka tidong oglou lila me tivati wan ka tipolou e tinapapra omon itau deka tiwai ke imi ine blang.

Jon 3:27

E Jon koli wai ke isak langane. “Gute karanga due wan ka Ida Tapolngon kare ke iye vala.

Aposel 18:24

Alo ari gute gesa ka angaine Apolos la polou ke Efesus. Iye gute Yuda ina gesa ka ila armok batne armok Aleksandria. Iye gute ka wai pelengon itau e ile omur ke Ida Tapolngon ila pelengon.

Aposel 19:1

Alo ka Apolos dau dong ke Korin Pol didi ekreng ka munu airavu ke provins Esia e la polou ke Efesus e soson Yesus ila disaipel leklou.

Pas ka Pol sogoe uti la ke osep Rom ina 15:16

Ma ngadong langka Krais Yesus ila gute bokongon ina gesa e ngaboko ke osep ka isak osep Yuda ina kovok. Ke bokongon tonari ka ngadue nganapapra Ida Tapolngon ila omon itau ke isak. Ngadong langka gute loulou ina gesa e ma ngapaur omon itau ke osep ka isak osep Yuda ina kovok. Ma tipolou langka Ida Tapolngon ila osep ka itau ka aitno itau ke isak. Deka Ida Tapolngon Ano Itau due isak tipolou langka Ida Tapolngon ila osep ka itau lokono.

1 Korin 12:28

E Ida Tapolngon rere Yesus ila osep urok bokongon langane. Osep ka tidue ila bokongon mgo isak osep aposel e orwo ina isak osep napaprangan ina e eklu ina isak osep parerengen ina. E silang blang osep leklou ka tidue elio arit ina. E osep leklou blang ka tilua osep ka tipaia ma tipolou itau blang e osep ka tilua osep leklou blang. E osep leklou ma tiplau osep pula e osep leklou ka tiwai tokples bitna bitna ka tile ine kovok.

1 Korin 16:12

E udo aten Apolos aitno langane. Ngawai dagar ke iye ma iye la kap sudo leklou alo ka isak kla tivati umu. E aitno itau ine dau kovok. Mase langka aitno itau ine ma iye uti la ke umu.

1 Korin 3:10

Ida Tapolngon ila makai-ngan due ngong e ngapolou langka gute ka ile omur lokono ke ninu ina uringen. E ngasinsin opmu ka ninu napal munu ine. E gute silang uri ninu napal munu ke opmu tonari. Io osep pula ma tikere isak itau ke elio ka tiuri ninu ine.

1 Korin 3:22

Ngong Pol e gute Apolos e gute Pita imi imodong ma imolua umu. E taklak ane e mosongon e metengen e wan ka dong eknikane e wan ka mase ma tipolou isak ka pula keniye tidong ma tilua umu blang ma umopolou dagar lokono.

1 Korin 3:7

E langane. Gute ka usak wan angaine omba kovok e gute ka baser aki duru ine angaine omba kovok blang. Aurou. Ida Tapolngon ka due ngangon polou anino vala angaine omba.

1 Korin 9:17

Langka ngadidi aitno lungong e ngadue bokongon ane ma ngadue klingen ine. E Ida Puda kar bokongon ane ke ngong ma ngadue.

2 Korin 11:23

Tiwai langka isak Krais ila osep bokongon ina i? Ma ngawai langka gute ka kaka. Ngong Krais ila gute bokongon ina e ngamole isak. Ngaboko engil lokono e aling pula osep tidue ngong ngasep ke kalabus e aling pula osep timluk ngong omba e aling pula isuk boto ngamete.

2 Korin 3:3

Umodong malak langka pas ka me ke Krais. Ke limem bokongon Krais sogo pas are. Iye sogoe ke ing kovok. Iye sogoe ke Ida Tapolngon ka dong vala dong Ano Itau. E silang iye sogoe ke opmu kovok e iye sogoe ke osep aitno lisak vala.

2 Korin 3:6

Iye vala due imi imopolou ila osep bokongon ina ke kontrak oku. Kontrak oku iye wan ka tisogoe ke buk kovok. Aurou. Iye wan ka me ke Ano Itau. Kesua wan ka tisogoe ke buk paur metengen e wan ka me ke Ano Itau kar mosongon ka dong vala dong ke osep.

2 Korin 4:1

Ida Tapolngon aitno due imi e kar bokongon ane ke imi e imoulou ine e imosongone kovok. E imodue vala.

2 Korin 4:5

E imanapapra ke limem elio kovok. Aurou. Imanapapra langane. Krais Yesus iye Ida Puda e imi lumu osep bokongon ina batne ke Yesus.

2 Korin 4:7

E Ida Tapolngon due ila pelengon sep ke imi osep aposel pampamu limi ka isak wan adai langka ulo. Elio langane dong ma osep tikaranga tile arit me ke Ida Tapolngon e me ke imi kovok.

2 Korin 5:18

Wan bitna bitna tonari polou ke Ida Tapolngon. Oglou ite Ida Tapolngon ina oul ite deka ke Krais iye due aitno lite tipolou kene kap iye. Aitno lite kene kap iye deka iye kar bokongon ke ite ka itoboko e itodue osep leklou aitno lisak kene kap iye blang.

2 Korin 6:1

Imoboko kap Ida Tapolngon e ila makaingan polou ke umu deka imawaiki imawai dagar ke umu langane. Umeile umu itau lama aitno lumu mter ila makaingan wan adai vala.

2 Korin 6:4

Aurou. Imodue elio itau vala ka nis osep imi Ida Tapolngon ila osep bokongon ina. Imodong dagar lokono alo ka agegeng e wan soulu e wan polou ka opru imi.

Efesus 3:7

Ida Tapolngon kere ngong itau ke ila makaingan. E iye rere ngong Krais ila gute bokongon ina gesa ma nganapapra ila omon itau. Deka ila arit due aitno lungong dagar ine.

Kolosi 1:23

E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.

Kolosi 1:25

Ida Tapolngon rere ngong e ngapolou sios ina gute bokongon ina ma ngalua umu. E lou bokongon dong ka nganapapra Ida Tapolngon ila pelengon keniye.

1 Timoti 1:12

Ida Puda Krais Yesus kar arit ke ngong e aitno itau ke ngong e iye ile langka ma ngadue ila bokongon. Iye rere ngong ma ngadue bokongon tonari. Deka ngawai tenkyu ke iye.

1 Pita 4:10

Umedidi kerengen ka Ida Tapolngon kare ke umu kenmu kenmu deka umolua osep leklou ine. Umu Ida Tapolngon ila osep bokongon ina deka umolua umu pulu ke kerengen ka iye kare ke umu.