1 Korin 3:12 - Aria New Testament

¹² E alo ka osep tiuri ninu napal munu ke opmu tonari ane langka osep leklou ma tiurie ke gol e osep leklou tiurie ke silva e osep leklou tiurie ke opmu ka inarak klingen omba lokono. E osep leklou ma tiurie ke akai e osep leklou ma tiurie ke ogu e osep leklou ma tiurie ke aber.

1 Korin 3:12 ပူးပေါင်းရင်းမြစ်များ

Aposel 20:30

­E silang blang langane. Mase ma supmu leklou tipolou ka tibuli urok pelengon kap Ida Tapolngon ila pelengon e ma tikar pelengon yakngan ke umu. Kesua tiwaiki osep ka aitno lisak dagar ke Yesus tididi urok pelengon vala.

Pas ka Pol sogoe uti la ke osep Rom ina 16:17

Sipmi. Ngawaiki ngawai dagar ke umu langane. Umeile umu itau lama supmu leklou tipagolgol aitno lumu ila dagar ke pelengon yakngan. Kesua tiwaiki urok pelengon yakngan pono aitno lumu ke pelengon ka lokono ka aitno lumu la dagar ine kodong. E umu ma umodong mawa ke osep ka tidue elio langane. Lama urok pelengon ka soulu due aitno lumu ma aitno lumu kene pulu kovok.

1 Korin 3:11

Umeile Ida Tapolngon rere Yesus Krais kodong langka iye opmu ka ninu dong dagar ine. E gute gesa blang karanga sin opmu leklou ka ma iye uri ninu napal munu ine kovok.

1 Korin 3:13

Mase bokongon ka osep ka pula keniye tidue ma tipolou malak ke oklou ka Ida Tapolngon ma wade osep ka pula keniye ine. Oklou tonari ma polou langka eiou e Ida Tapolngon ma tok osep ka pula keniye kensak kensak urok bokongon ine ma tile urok bokongon itau koke soulu.

2 Korin 2:17

Osep pula leklou tiboko langka Ida Tapolngon ila pelengon iye wan ka tidue burong ine. E imi langka isak kovok. Aurou. Ida Tapolngon rere imi ila osep bokongon ina e imawai pelengon lokono ke Krais angaine e imawai ke Ida Tapolngon bitna.

2 Korin 4:2

Imopul dogur ke elio bitna bitna ka osep tikukwop isak kesua batne isak mnak isak ine alo ka tidue. Imedidi elio ka yakngan kovok e imobuli wan sasi kap Ida Tapolngon ila pelengon kovok. Aurou. Imanapapra pelengon ka lokono malak ma osep tikaranga tiwade limem elio e tikaranga tile omur ke limem mosongon ke Ida Tapolngon bitna.

Kolosi 2:8

Deka umaplau umu itau lama osep tiyak umu e tipagolgol aitno lumu ke urok pelengon vala. Tidue pelengon tonari ke urok seia e ke ano soulu ka tiplau sirva e taklak. E pelengon tonari me ke Krais kovok.

1 Timoti 6:3

Ida Puda ila pelengon parere ite ke Ida Tapolngon ila elio. Langka gute gesa songon pelengon ane e parere osep ke pelengon silang blang ka eriar langka Ida Puda Yesus Krais ila pelengon kovok deka emile langane. Gute tonari aitno itau ke iye tona e tala klingen kovok. E iye ile omur gesa kovok. Aitno soulu e iye waiki tuk pelengon e mole osep leklou urok pelengon. Elio langane ma due osep aitno lisak rim e aitno lisak soulu ke osep leklou. E tiblou osep leklou dogursak e aitno lisak mter osep leklou tidue elio soulu.

2 Timoti 2:20

Ke ninu omba dis bitna bitna dong ine. Dis leklou tidue ke wan itau langka gol e silva e dis silang tidue ke wan langka akai e taklak. Ninu ina gute due wan itau langka ngangon sep ke dis ka gol e silva ina. E iye due wan langka tokonkon sep ke dis ka akai e taklak ina.

2 Timoti 3:13

E osep soulu bitna e osep yakngan ina ma urok elio soulu res polou omba. E tiyak osep leklou e Satan yak isak.

2 Timoti 3:7

Aling aling tiwaiki tile omur ke wan oku e dau tile omur ke Ida Tapolngon ila pelengon ka lokono kovok.

2 Timoti 4:3

Kesua mase osep ma tiwaiki tiklingen pelengon ka lokono kovok. Aurou. Ma tiwaiki tiklingen pelengon bitna bitna ka didi aitno lisak vala. E tidue osep parerengen ina ka tiparere isak ke pelengon ka tiwaiki tiklingen ine.

Hibru 13:9

Langka osep tiwai ke umu ke pelengon bitna bitna ka eriar langka omon itau kovok umosongon urok pelengon pagolgol aitno lumu kovok. Ma itosongon Ida Tapolngon ila makaingan due aitno lite ila dagar polou dagar lokono. E apu bitna bitna ka la ke ngangon karanga due ite itodong dagar kovok. Langka oglou apu tonari karanga lua osep ka tididi isak kovok.

1 Pita 1:7

Tokngon bitna bitna tonari polou ke umu ma tok aitno lumu ila dagar langka iye wan lokono koke aurou. Iteile gol karanga polou yagos e dau langka osep tiwaiki tile gol tonari gol lokono tidue eiou ngene ma tile langka wan sasi dong ine koke aurou. E aitno lite ila dagar mole gol lokono deka tokngon tonari tok aitno lumu ila dagar. Deka ke oklou ka Yesus Krais iding me Ida Tapolngon ma kakai angainmu e due anit ke umu.

Pelengon kukwopngon 2:14

“E lou pelengon kene ka uti ke umu langane. Osep leklou ke umu ka tidong ke Pergamum tikis dagar ke gute Balam ila elio. Balam ila elio langane. Ke oglou iye nis gute Balak ke elio ka iye yak osep Israel ina pula ma tigene ke elio epmes ina. Deka Balak due osep Israel ina tingen ongwa ka tidue elio opmu ina ke tapolngon yakngan ine e tidue elio okwa blang.

Pelengon kukwopngon 21:18

Ida Tapolngon uri armok ina ari ke opmu jaspa e iye uri armok ke gol ka itau lokono ka wan sasi dong ine kovok deka gol tonari malak langka glas.

Pelengon kukwopngon 3:18

Deka ngawaiki ngakar pelengon ane ke umu. Lou gol ka eiou ngene ma wan sasi dong ine kovok dong. Are itau ma umekli gol tonari ke ngong deka lumu mani pula dong. E are itau ma umekli klos okou ka kading tarna lumu. Deka osep ma tikaranga tivati umu albus umu kovok e umu mnak umu ine kovok. E itau ma umekli marasin ka umodue sep ke omtomu ma umakaranga umavati omur itau.