1 Korin 3:1 - Aria New Testament

¹ Sipmi. Oglou ngakaranga ngakar pelengon ke umu langka ngakare ke osep ka tididi Ano Itau kovok. Aurou. Ngakar pelengon ke umu langka ngakare ke osep ka tididi aitno lisak oglou ina. E eknikane umu dau umodong langka agau ke Krais ila pelengon.

1 Korin 3:1 ပူးပေါင်းရင်းမြစ်များ

Matyu 16:23

E Yesus klingen Pita ila pelengon e bauluk wai ke iye langane. “Satan amla ke dogur lungong. Amwaiki amdangdang ngong kesua emdidi osep aitno lisak vala e emdidi Ida Tapolngon aitno kovok.”

Pas ka Pol sogoe uti la ke osep Rom ina 7:14

Oglou Ano Itau due Moses aitno deka iye sogo ila sogongon ka itau. E ngong gute e elio epmes ina waiki plau ngong ma ngadue elio soulu vala.

1 Korin 14:20

Sipmi. Aitno lumu mter ke elio pula langka agau aitno lisak mter ine kovok. E ke aitno lumu umodong langka osep ngongle. E umodong langka agau aren aren ke elio bitna bitna ka soulu.

1 Korin 14:37

Langka gute gesa aitno mter langka Ida Tapolngon rere iye gute napaprangan ina koke aitno mter langka iye due kerengen ke Ano Itau ngawaiki iye ile langane. Pelengon ka ngasogoe ke umu ane Ida Puda ila pelengon.

1 Korin 2:6

Lokono. Osep ka tipolou dagar lokono ke Ida Tapolngon ila pelengon tile ilengen ke pelengon ka imanapapra ine. Ilengen ka tidue ka imanapapra ke isak ine ane langka ilengen ka taklak ane ina kovok. E ilengen ane gesa langka ilengen ka osep ka tivri mgo ke ite ke taklak urok ilengen kovok. Osep tonari ma timete deka isak yagos.

Galesia 6:1

Sipmi. Ngawaiki umeile lang-ane. Langka lumu aten gesa due elio epmes ina deka umu ka umedidi Ano Itau umodue elio itau ke iye e umolua iye ma iye mosi ila elio epmes ina. E umaplau umu itau lama Satan tok umu deka umu blang umegene ke elio epmes ina.

Hibru 5:13

Iteile osep ka dau tinim sisu isak dau keke e tile omur ke Ida Tapolngon ila pelengon ka wai ke elio itau kovok.

1 Jon 2:12

Lou mimi daudeng. Nga-sogo pelengon ke umu kesua Ida Tapolngon sak lumu elio epmes ina batne Krais dong.