1 Korin 2:7 - Aria New Testament

⁷ Imanapapra pelengon itau e Ida Tapolngon ila ilengen itau ka oglou iye kukwope ke osep ke umu. Alo ka Ida Tapolngon dau tapol taklak kovok iye ile kodong e iye rere oklou ka ma iye due umu umodong kap iye ke omur heven.

1 Korin 2:7 ပူးပေါင်းရင်းမြစ်များ

Matyu 11:25

Deka Yesus wai langane. “Livou wom ka amplau omur heven e taklak aitno lungong itau kesua omkukwop wan ane ke osep ilengen ina e osep ka tile pula e emnis isak ke osep ka isak langka agau vala.

Matyu 13:35

Ma pelengon ka gute napaprangan ina kene wai polou lokono. Pelengon tonari langane. “Ma ngawai pelengon ano ke pelengon ka oglou dong kukwop alo ka Ida Tapolngon tapol wan ka pula keniye e me ke oku ane.”

Pas ka Pol sogoe uti la ke osep Rom ina 11:25

Sipmi. Ngawaiki ma umeile omur ke pelengon ka kukwop ka oglou itosep iteile ine kovok lama aitno lumu mter langka lumu ilengen omba lokono. E ma ngapalongo lumu ke pelengon ka kukwop ane. Osep Israel ina leklou tipono aitno lisak ke Ida Tapolngon ila makaingan. Tidue langane la lama Ida Tapolngon makai osep ka isak osep Yuda ina kovok ka iye rere isak ila osep kodong.

Pas ka Pol sogoe uti la ke osep Rom ina 8:29

Oglou ari Ida Tapolngon rere ite kodong ma itopolou eriar langka Otno Arang Yesus. Iye rere ite deka Yesus ina saiver ite e ida tovro iye.

Pas ka Pol sogoe uti la ke osep Rom ina 8:30

Ida Tapolngon rere ite ila osep e wai langane. “Osep ka ngarere umu kodong umu lou osep.” Iye wai ke ite langane kodong e due ite itopolou itau e osuk ke bitna. Deka osep ka tipolou itau e osuk ke bitna iye kakai isak.

1 Korin 2:1

Sipmi. Oglou alo ka nga-napapra Ida Tapolngon ila pelengon ka oglou osep tile ine kovok ke umu nganapapra pelengon bitna bitna ke umu kovok. E silang nganapapra pelengon omba ka osep ka tile omur ke ilengen ka taklak ina tidue kovok. Aurou.

Efesus 1:4

Oglou oglou ari alo ka Ida Tapolngon dau tapol taklak ka pula keniye kovok iye rere ite ka ila osep kodong ma iteneklep ke Krais. Iye rere ite ma itodong itau lokono e ma elio kene gesa vri lite kovok.

Efesus 3:10

Ida Tapolngon due ila pelengon ka oglou iye kukwope polou malak ke ila osep kodong. Iye due langane kesua iye waiki ensel keniye ka tivri mgo e tiplau wan ke omur heven ma tivati Yesus ila osep urok mosongon. Deka ma tile omur Ida Tapolngon ila ilengen ombatno lokono e iye ile wan bitna bitna keniye.

2 Timoti 1:9

Ida Tapolngon lua ite ke udo elio epmes ina kodong e rere ite itodong ila osep ka itau lokono. Iye due langane batne ke elio gesa ka itakaranga itodue kovok. Aurou. Oglou alo ka iye dau tapol wan gesa kovok iye didi aitno e didi ila makaingan e rere ite ma aitno lite la dagar ke Krais Yesus.

Hibru 1:2

E oku ane alo ka isuk boto wan ka pula keniye yagos iye wai ke ite ke Otno Arang. Ke Otno Arang tonari Ida Tapolngon due wan ka pula keniye e iye rere Otno Arang ma iye wan ka pula keniye inarak gute.

Hibru 11:3

E aitno lite dagar e iteile omur langane. Ke oglou Ida Tapolngon wai vala deka wan ka pula keniye tipolou. Deka wan ka pula keniye ka itakaranga itavati Ida Tapolngon due isak tipolou ke wan ka itakaranga itavati kovok.

1 Pita 1:11

Ari Krais Ano Itau due aitno lisak deka nis isak ke elio ka mase Krais namani agegeng ka polou ke iye. Ano Itau nis osep napaprangan ina ke elio tonari deka tiwaiki tile omur lesen ma elio tonari polou lokono e elio itau lokono lange ma polou.

1 Pita 5:1

Ngawai ke umu ka sios ina plaungan. Ngong blang gute plaungan ina e ngavati osep tidue agegeng ke Krais. E mase alo ka Krais me ma ngadong kap iye ke ila bublongon. Deka ngawai ke umu dagar langane.

1 Pita 5:10

Ida Tapolngon iye makaingan batne e iye gi umu ke Krais angaine ma umodong kap iye ke ila bublongon ka dong vala dong. Lama oku ane umanamani agegeng mase ma agegeng yagos e Ida Tapolngon ma due umu umodong itau blang. E iye due aitno lumu ila dagar dong dagar lokono e due umu ma umevri dagar.

2 Pita 1:3

Yesus iye Ida Tapolngon blang e iye didi ila arit e kar ite wan pula ka lua ite ma udo mosongon dong itau e itodue elio bitna bitna ka itau. Iye lua ite ma iteile itau ke iye ka gi ite ma itodong kap iye ke ila bublongon e ila elio ka itau lokono.

Pelengon kukwopngon 13:8

Osep ka pula keniye ka tidong ke taklak tilotuim ongwa kevena tonari. E oglou oglou ari alo ka Ida Tapolngon dau due taklak kovok iye sogo osep angainsak ke Sipsip Otno ka timter iye ma iye mete ila buk ka mosongon ina. E osep ka tilotuim ongwa kevena angainsak tidong ke buk tonari kovok.