1 Korin 2:6 - Aria New Testament

⁶ Lokono. Osep ka tipolou dagar lokono ke Ida Tapolngon ila pelengon tile ilengen ke pelengon ka imanapapra ine. Ilengen ka tidue ka imanapapra ke isak ine ane langka ilengen ka taklak ane ina kovok. E ilengen ane gesa langka ilengen ka osep ka tivri mgo ke ite ke taklak urok ilengen kovok. Osep tonari ma timete deka isak yagos.

1 Korin 2:6 ပူးပေါင်းရင်းမြစ်များ

Matyu 13:22

E wit londo ka tiduru timunu ke galou marak isak eriar langka gute ka klingen Ida Tapolngon ila pelengon e dau aitno kro ke wan bitna bitna ke mosongon ane e aitno itau ke mani. E elio orwo tonari tikading Ida Tapolngon ila pelengon e pelengon karanga due gute ma iye due elio itau kovok.

Matyu 19:21

E Yesus wai ke iye langane. “Langka amwaiki ompolou itau lokono e omdue mosongon ka dong vala dong amla omdue burong ke lem brokngon e amkar lem mani ke osep ka urok wan isuk boto vala. Omdue langane e ma omdue lem wan itau lokono ka dong ke omur heven deka omo emdidi ngong.”

Matyu 5:48

E umodue elio ka itau vala kesua Pmomu ka dong ke omur heven due elio ka itau vala.”

Luk 16:8

“Mase gute bokongon ina tonari ina puda pakaru iye lama ila elio soulu kesua aitno mter itau. E osep ka taklak ina aitno lisak mter itau alo ka tidue burong kap osep taklak ina leklou. E urok elio mole Ida Tapolngon ila osep urok elio langare.

1 Korin 1:28

Ida Tapolngon rere osep ka langane ma isak ila osep. Osep ka angainsak omba kovok e osep leklou ka aitno lisak soulu ke isak e tivati isak langka wan adai vala. Ida Tapolngon rere osep ka langane kesua iye waiki osep ka pula keniye tile osep ka isak kensak kensak aitno lisak itau ke isak tidong langka wan adai.

1 Korin 12:8

Ke gute gesa Ano Itau kere iye ma ile omur ke elio itau deka iye lua osep leklou ine. E ke gute silang Ano Itau kere iye ke ilengen ke elio ka iye kere Ida Tapolngon ila pelengon lana ine ke osep.

1 Korin 14:20

Sipmi. Aitno lumu mter ke elio pula langka agau aitno lisak mter ine kovok. E ke aitno lumu umodong langka osep ngongle. E umodong langka agau aren aren ke elio bitna bitna ka soulu.

1 Korin 2:1

Sipmi. Oglou alo ka nga-napapra Ida Tapolngon ila pelengon ka oglou osep tile ine kovok ke umu nganapapra pelengon bitna bitna ke umu kovok. E silang nganapapra pelengon omba ka osep ka tile omur ke ilengen ka taklak ina tidue kovok. Aurou.

1 Korin 2:13

Imawai malak ke kerengen tonari. E limem pelengon me ke osep urok ilengen kovok. Ano Itau vala kare ke imi. E imawai pelengon tonari ke osep ka Ano Itau dong ke aitno lisak.

1 Korin 2:8

E pelengon tonari langka osep leklou ka tivri mgo ke ite ke taklak ane urok kovok. Aurou. Io langka tile omur ine ma tidue Ida Puda iye mana ke ina akai kovok. Iye Ida Puda ka ila arit e ila bublongon ombatno.

1 Korin 3:1

Sipmi. Oglou ngakaranga ngakar pelengon ke umu langka ngakare ke osep ka tididi Ano Itau kovok. Aurou. Ngakar pelengon ke umu langka ngakare ke osep ka tididi aitno lisak oglou ina. E eknikane umu dau umodong langka agau ke Krais ila pelengon.

2 Korin 1:12

Aitno lungong itau ke elio kene. Ke aitno lungong ngaile Ida Tapolngon lua ngong ma ngadue elio osuk lokono e elio itau. Ida Tapolngon makai ngong deka ngadidi elio tonari e ngadidi ilengen ka taklak ane ina kovok. Ngadidi elio itau ke osep pula e dau ngadidie kap umu lokono.

2 Korin 13:11

Sipmi. Ngababrum lou pelengon ane. Aitno lungong itau ke umu. Ngawaiki umomosi lumu elio ka ulik ulik. Ngawaiki umoklingen e umedidi lou pelengon ka ngawai ine kodong. Ngawaiki aitno lumu kene pulu e aitno lumu epen pulu. Umodue langane e Ida Tapolngon ka iye lana iye ke osep e due aitno lisak epen pulu ma dong kap umu.

2 Korin 4:3

E lama osep leklou tile omur ke omon itau ka imanapapra ke isak kovok io omon tonari malak kovok ke osep ka ma isak kla ke omur hel vala.

2 Korin 4:4

Satan ka iye plau taklak ane due osep ka aitno lisak dagar ke Ida Tapolngon kovok aitno lisak aivoro ma tikaranga tivati bublongon ke Krais ila omon itau kovok. E Krais eriar langka Ida Tapolngon.

Efesus 2:2

Deka ari umodue elio epmes ina bitna bitna eriar langka osep epmes ina ka tidong ke taklak ane tidue. Alo ari Satan ka plau angelo soulu plau umu blang. Iye plau umu kesua iye plau osep ka talsak klingen Ida Tapolngon ila pelengon kovok.

Kolosi 1:28

E imanapapra Krais ila omon itau ke osep keniye. E imedidi ilengen ka itau e imeile omur imawai osuk ke isak e imaparere isak kesua imawaiki ma tineklep ke Krais e tipolou osep ngongle ke aitno lisak ila dagar.

Kolosi 4:12

Gute Epafras ka iye lumu aten gesa e iye Krais Yesus ila gute bokongon ina wai “oklou itau” ke umu blang. Aling aling iye wai itau pula lokono ma Ida Tapolngon due umu ma umodong dagar langka osep ngongle ka umeile omur ke aitno lumu ila dagar. Iye wai itau ma umedidi Ida Tapolngon aitno ke wan ka pula keniye ka iye waiki umodue.

Hibru 5:14

E osep ka tikaranga tingen ngangon dagar isak ngongle. E tididi Ida Tapolngon ila pelengon e tikaranga tiwade elio itau e elio soulu.

Hibru 6:1

Deka langane. Ma imawai ke umu ke Ida Tapolngon ila pelengon ka dagar vala. Ma imawai ke umu ke pelengon mgo ka la ke Krais kovok. E ma imawai ke umu ke elio ka langane blang kovok. Elio ka umabauluk aitno lumu ke elio bitna bitna ka tikaranga tilua umu kovok e elio ka aitno lumu la dagar ke Ida Tapolngon. Langka imawai ke umu blang ke elio tonari ane langka gute sin kadangdanga aling pula e dau uri ninu ine kovok.

Jems 3:15

Ilengen ka langane me ke omur heven kovok. Ilengen tonari taklak ane ina e didi aitno lite oglou ina e ina poloungon batne ke Satan vala.

Jems 3:2

Umeile ite ka pula keniye aling pula itodue elio soulu e langka gute wai pelengon soulu kovok iye gute ka itau lokono e karanga plau pampamu ine itau.

1 Pita 5:10

Ida Tapolngon iye makaingan batne e iye gi umu ke Krais angaine ma umodong kap iye ke ila bublongon ka dong vala dong. Lama oku ane umanamani agegeng mase ma agegeng yagos e Ida Tapolngon ma due umu umodong itau blang. E iye due aitno lumu ila dagar dong dagar lokono e due umu ma umevri dagar.