1 Korin 2:15 - Aria New Testament

¹⁵ Gute ka Ano Itau dong ke aitno iye wade wan ka pula keniye. Lokono gute gesa karanga wade elio bitna bitna ka osep ka Ano Itau dong ke aitno lisak tidue kovok.

1 Korin 2:15 ပူးပေါင်းရင်းမြစ်များ

Jon 7:17

Langka gute waiki didi Ida Tapolngon aitno ma iye ile langka lou parerengen me ke iye koke ngadidi aitno lungong e ngawai ine.

Aposel 16:3

Alo ari Pol waiki Timoti neklep ke iye orwo Sailas ma isak kla ke urok langan deka iye wai ke Timoti langane. “Ma ngadue elio ulangngan ina ke wom kesua osep Yuda ina ka tidong ke omur ane tile omur ngap abo iye gute Grik ina.”

1 Korin 14:37

Langka gute gesa aitno mter langka Ida Tapolngon rere iye gute napaprangan ina koke aitno mter langka iye due kerengen ke Ano Itau ngawaiki iye ile langane. Pelengon ka ngasogoe ke umu ane Ida Puda ila pelengon.

1 Korin 3:1

Sipmi. Oglou ngakaranga ngakar pelengon ke umu langka ngakare ke osep ka tididi Ano Itau kovok. Aurou. Ngakar pelengon ke umu langka ngakare ke osep ka tididi aitno lisak oglou ina. E eknikane umu dau umodong langka agau ke Krais ila pelengon.

1 Korin 4:5

Kesua kot ina taim dau kovok e umawade gute silang ila elio kovok. Ma umapara ke alo ka Ida Puda ma me. Ma iye due wan ka dong kukwop ke aivoro dong malak lokono. Langka gute kukwop ila elio ma iye due polou malak blang. Ke alo ari ma Ida Tapolngon wai ke ite kente kente langka udo bokongon itau koke soulu.

Galesia 6:1

Sipmi. Ngawaiki umeile lang-ane. Langka lumu aten gesa due elio epmes ina deka umu ka umedidi Ano Itau umodue elio itau ke iye e umolua iye ma iye mosi ila elio epmes ina. E umaplau umu itau lama Satan tok umu deka umu blang umegene ke elio epmes ina.

Filipai 1:10

Ma umakaranga umawade elio bitna bitna e umedidi elio ka itau vala. Deka lumu mosongon dong itau e elio gesa vri ke umu kovok la lama iding ke alo ka Krais iding me.

Kolosi 1:9

Deka nogrum ke oklou mgongon ina ka imeklingen ke lumu elio itau aling aling imawai itau e imepmi Ida Tapolngon ma iye lua umu ma umeile omur ke aitno. E ma Ano Itau kar umu ilengen itau ma umeile ke elio bitna bitna ka aitno itau ine ma elio tonari bon ke aitno lumu.

1 Tesalonaika 5:21

E umawade itau ke elio bitna bitna e pelengon bitna bitna ma umeile omur langka wan tonari itau koke aurou. E umodue wan ka itau vala.

Hibru 5:14

E osep ka tikaranga tingen ngangon dagar isak ngongle. E tididi Ida Tapolngon ila pelengon e tikaranga tiwade elio itau e elio soulu.

1 Jon 2:20

E Ida Tapolngon due Ano Itau sep ke aitno lumu kodong e umu keniye umeile pelengon ka lokono.

1 Jon 4:1

Sipmi. Ngong lana ngong ke umu e ngawai ke umu langane. Osep napaprangan yakngan ina tidong ke taklak. E langka gute gesa wai ke umu langane. “Ngawai ke Ano Itau ila pelengon.” Deka umawade ila pelengon ma umeile omur langka ila pelengon ka iye wai batne ke Ida Tapolngon koke aurou.