1 Korin 2:14 - Aria New Testament

¹⁴ Langka Ano Itau dong ke gute gesa aitno kovok iye karanga due kerengen ke Ida Tapolngon Ano Itau kovok. Kesua aitno mter langka kerengen tonari wan adai vala. Itodue kerengen ke Ida Tapolngon Ano Itau. Deka osep ka Ano Itau dong ke aitno lisak isak vala tikaranga tiwade e tile Ida Tapolngon ila kerengen.

1 Korin 2:14 ပူးပေါင်းရင်းမြစ်များ

Matyu 16:23

E Yesus klingen Pita ila pelengon e bauluk wai ke iye langane. “Satan amla ke dogur lungong. Amwaiki amdangdang ngong kesua emdidi osep aitno lisak vala e emdidi Ida Tapolngon aitno kovok.”

Jon 10:20

Isak pula tiwai langane. “Angelo soulu dong ke iye e due manga manga. Ina lange umoklingen ila pelengon?”

Jon 12:37

E lama iye due elio arit ina ka nisngen pula ke osep amtarsak dau aitno lisak la dagar ke iye kovok.

Jon 14:17

Luangan tonari Ida Tapolngon Ano Itau ka wai pelengon lokono vala. E osep taklak ina tikaranga tidue kovok kesua tivati iye kovok e tile iye kovok. E umeile iye kesua iye dong kap umu e ma iye dong ke aitno lumu blang.”

Jon 14:26

E mase ma Livou pagei Luangan silang ma iye kasip amun ngong e ma iye parere umu ke wan ka pula keniye e sruk aitno lumu ma omtomu sisir lou pelengon.”

Jon 15:26

“Mase ma ngapagei Lua-ngan silang ke umu. Iye Ano Itau ka iye pelengon lokono batne ka dong kap Livou e me ke umu. Alo ka iye me ma iye palongo lumu ke ngong.

Jon 5:44

Umawaiki osep leklou tikakai angainmu e dau umawaiki Ida Tapolngon kakai angainmu kovok. Lange ka aitno lumu karanga la dagar ke Ida Tapolngon alo ka umodue elio langare?

Jon 8:43

“E ke batne ane umeile lou pelengon lana ine kovok. Umawaiki umoklingen lou pelengon kovok.

Aposel 16:14

Ari apmang kene dong ka klingen limem pelengon ka angaine Lidia ka ila armok batne Taiataira e iye boko e due burong ke molo ka edimor vala. Ari oklou aling aling iye lotuim Ida Tapolngon. Alo ari iye klingen Pol ila pelengon deka Ida Puda lua iye ke pelengon tonari e aitno la dagar ine.

Aposel 17:18

Ari osep Epikurian ina leklou e osep Stoik ina leklou ka urok ilengen omba timter pulu pelengon kap Pol. E isak leklou tiwai pulu langane. “Gute ane ka wai ulik ulik iye wai lange?” Deka osep leklou blang tiwai langane. “Gute ane iye wai ke tapolngon ka osep leklou inarak tapolngon e iteile ine kovok.” Tiwai langane kesua Pol napapra ke Yesus e elio ka iye mole metengen e poga tito ke ina denga.

Aposel 17:32

Pol wai ke Yesus ina metengen e ila baulukngon e osep leklou tiwai apok ke iye. E osep leklou blang tiwai langane. “Pol imawaiki ma amparere imi ke pelengon ane blang. Imawaiki imeklingen ine blang.”

Aposel 18:15

E eknikane lumu sinngen elio la ke lumu pelengon e supmu e ke lumu pelengon dagar vala. E eknikane ma ngaklingen lumu pelengon kovok. Aurou. Ma umu vala umawade ine.”

Aposel 25:19

Aurou. Tiwai alo ka Pol lotuim Inarak Tapolngon iye didi inarak apu itau kovok. Silang blang aitno lisak soulu ke Pol kesua iye wai dagar ke gute Yesus ka oglou mete. Iye wai Yesus poga tito ke ina denga. E osep Yuda ina tiwai iye dau mete e poga tito kovok.

1 Korin 1:18

E langane. Osep epmes ina urok elio vri ke isak e aitno lisak mter Krais ina metengen langka wan adai. E osep ka Ida Tapolngon lua isak tile elio tonari Ida Tapolngon ila arit ka lua isak.

1 Korin 1:21

Ida Tapolngon ile omur ke wan bitna bitna deka ila ilengen ombatno lokono. E iye didi ila ilengen tonari e dangdang osep ke elio ka tididi aitno lisak ma tile omur ke iye. Imanapapra Ida Tapolngon ila pelengon ke osep e Ida Tapolngon aitno itau ma iye lua osep ka aitno lisak la dagar ke iye ke urok elio epmes ina. E osep ka tididi aitno lisak tiwai pelengon ka imanapapra ine iye pelengon adai vala.

1 Korin 1:23

E imanapapra pelengon kene ka la ke Krais ina metengen ke ina akai. Deka pelengon ka imanapapra ine due osep Yuda ina aitno lisak soulu e due osep Grik ina ma tiwai pelengon tonari pelengon adai vala.

1 Korin 1:25

E Ida Tapolngon ila ilengen ka osep leklou tiwai wan adai mole osep ka pula keniye urok ilengen. E Ida Tapolngon ila arit ka osep tiwai dong ke iye kovok ila arit mole osep ka pula keniye urok arit.

1 Korin 15:44

E pampamu ka itayase wan ka taklak ina vala. E pampamu ka poga tito ke ina denga ane wan ka omur heven ina. Eriar langka pampamu ka taklak ina dong pampamu ka heven ina dong blang.

1 Korin 15:46

E langane. Gute ka lua ite ke udo mosongon ka itau polou mgo kovok. Aurou. Gute ka ina poloungon ke taklak iye polou mgo deka gute ka polou ke Ano Itau polou ke batne.

1 Korin 2:12

E itodue ilengen ka taklak ane ina kovok. Aurou. Itodue Ano Itau ma iteile kerengen ka Ida Tapolngon kare ke ite.

1 Korin 3:1

Sipmi. Oglou ngakaranga ngakar pelengon ke umu langka ngakare ke osep ka tididi Ano Itau kovok. Aurou. Ngakar pelengon ke umu langka ngakare ke osep ka tididi aitno lisak oglou ina. E eknikane umu dau umodong langka agau ke Krais ila pelengon.

Jems 3:15

Ilengen ka langane me ke omur heven kovok. Ilengen tonari taklak ane ina e didi aitno lite oglou ina e ina poloungon batne ke Satan vala.

1 Jon 2:20

E Ida Tapolngon due Ano Itau sep ke aitno lumu kodong e umu keniye umeile pelengon ka lokono.

1 Jon 2:27

E Krais kar umu Ano Itau ka dong ke aitno lumu kodong. Deka Ano Itau parere umu ke wan keniye ke pelengon ka lokono e ila parerengen lokono e gesa yakngan kovok. Ano Itau parere umu e parerengen ane karanga ke umu. E gute gesa parere umu langane kovok. E eriar langka iye parere umu deka umodong kap Krais vala.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

Pas ka Jut sogoe 1:19

E tiwaiki tidue umu ka Ida Tapolngon ila osep ma umadardar. Tididi osep taklak ina aitno lisak vala e Ano Itau dong ke aitno lisak kovok.