1 Korin 2:13 - Aria New Testament

¹³ Imawai malak ke kerengen tonari. E limem pelengon me ke osep urok ilengen kovok. Ano Itau vala kare ke imi. E imawai pelengon tonari ke osep ka Ano Itau dong ke aitno lisak.

1 Korin 2:13 ပူးပေါင်းရင်းမြစ်များ

Luk 12:12

Kesua ke alo ari Ano Itau ma kar pelengon ke umu ka ma umawai ine ke isak.”

Aposel 2:4

Deka Ano Itau duru sep ke isak kensak kensak e due aitno lisak e tiwai pelengon bitna bitna ka oglou tile ine kovok.

1 Korin 1:17

Krais pagei ngong ma ngapaunim osep kovok. Aurou. Iye pagei ngong ke osep ma nganapapra Ida Tapolngon ila omon itau ke isak. E ngadidi ilengen ke taklak ina deka nganapapra ine kovok lama osep aitno lisak mter ke Krais ina metengen ke ina akai kovok.

1 Korin 14:2

Iteile langka osep tiwai tokples gesa ka tile ine kovok tiwai pelengon tonari ke osep kovok. Aurou. Tiwai ke Ida Tapolngon vala kesua osep leklou tikaranga tile pelengon ka tiwai ine kovok. Tiwai Ida Tapolngon Ano Itau ila pelengon ka kukwop.

1 Korin 2:1

Sipmi. Oglou alo ka nga-napapra Ida Tapolngon ila pelengon ka oglou osep tile ine kovok ke umu nganapapra pelengon bitna bitna ke umu kovok. E silang nganapapra pelengon omba ka osep ka tile omur ke ilengen ka taklak ina tidue kovok. Aurou.

1 Korin 2:14

Langka Ano Itau dong ke gute gesa aitno kovok iye karanga due kerengen ke Ida Tapolngon Ano Itau kovok. Kesua aitno mter langka kerengen tonari wan adai vala. Itodue kerengen ke Ida Tapolngon Ano Itau. Deka osep ka Ano Itau dong ke aitno lisak isak vala tikaranga tiwade e tile Ida Tapolngon ila kerengen.

1 Korin 2:4

E pelengon ka ngawai ine e nganapapra ine ke umu didi osep taklak ina urok ilengen kovok. E ngong langka ma ngapalele aitno lumu kovok. Aurou. Lou elio nis umu ke Ano Itau ila arit.

1 Korin 9:11

Alo ka imanapapra Ida Tapolngon ila pelengon ke umu ane langka imousak londo koke wan esle ke yage. E oku ane imakaranga imodue ngangon e wan bitna bitna ke umu.

Efesus 5:19

Alo ka umu ka Yesus ila osep umoduni pulu umodue sakul ka didi Ida Tapolngon ila pelengon ka dong ke Buk Song. Umodue sakul ka kakai Ida Tapolngon angaine tito la egim. Umodue sakul ka la ke Ida Tapolngon ka due aitno lumu dagar ine. Umodue sakul ke aitno lumu e umakakai Ida Puda angaine tito la egim ine.

Kolosi 3:16

Umosongon Krais ila pelengon keniye dong ke aitno lumu. Deka umedidi ilengen ka polou ke pelengon tonari e umaparere osep ine e umawai ke isak ma tikel isak itau. Umedidi sakul ka dong ke Buk Song e umodue sakul ka kakai Ida Tapolngon angaine tito la egim e umodue sakul ka Ano Itau due polou ke aitno lumu. Alo ka umodue sakul ma aitno lumu itau ke wan keniye ka Ida Tapolngon due.

1 Pita 1:12

Ida Tapolngon nis osep napaprangan ina tonari tiwai ke wan ka ma polou alo ka tidong kovok. Aurou. Tiwai ke wan ka mase ma polou ke umu alo ka tinapapra pelengon ka oku ane umoklingen ine. Mase Ida Tapolngon pagei Ano Itau duru ke omur heven e iye due osep aitno lisak deka tiwai omon itau ke umu. E ensel ka tidong ke omur heven tiwaiki tile omur ke wan tonari ka Ida Tapolngon due ke umu.

2 Pita 1:16

Alo ka imawai ke umu ke Ida Puda Yesus Krais ila arit e elio ka mase iye ma iding me imedidi basikngen adai koke alemge kovok. Aurou. Imavati ila elio ka itau lokono e ila arit.