Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Korin 2:10 - Aria New Testament

10 Pelengon ke wan tonari oglou dong kukwop. Io Ida Tapolngon Ano Itau due tipolou malak deka iteile omur ke isak. Ano Itau vati wan ka pula keniye e iye vati Ida Tapolngon ila ilengen ka kukwop.

အခန်းကိုကြည့်ပါ။ ကော်ပီ




1 Korin 2:10
27 ပူးပေါင်းရင်းမြစ်များ  

E Yesus koli wai ke isak langane. “Ida Tapolngon songon ngong ma ngapalongo lumu ke pelengon kukwop ka omur heven ina e ngakukwop pelengon tonari ke osep leklou.


E Yesus koli wai ke iye langane. “Ngawai lokono ke wom Saimon ka Jon otno arang. Aitno lugom ma dong itau itau kesua gute kene ka taklak ina nis wom ine kovok. Aurou. Livou ka dong ke omur heven nis wom ine.


Alo ari Ano Itau due Yesus deka aitno neser e iye wai langane. “Livou wom ka omur heven e taklak Inarak Puda ngakakai angain wom tito la egim. Kesua embisi wan ane ke osep ka urok ilengen omba koke osep ka tile omur itau e emnis isak ke agau. Livou omdue langane kesua amwaiki omdue mada ke osep e aitno lugom itau ke elio ane.”


E Ano Itau nis iye ma iye mete kovok la lama iye vati gute ka Ida Puda rere Krais ka ma lua osep ke urok elio epmes ina.


E mase ma Livou pagei Luangan silang ma iye kasip amun ngong e ma iye parere umu ke wan ka pula keniye e sruk aitno lumu ma omtomu sisir lou pelengon.”


E alo ka Ano Itau ka wai pelengon lokono me ma iye due aitno lumu ma umakaranga umeile pelengon lokono keniye. Iye karanga due langane kesua iye didi aitno e wai pelengon kovok. Aurou. Iye klingen Livou ila pelengon deka wai ke umu ine e ma palongo lumu ke wan ka mase ma polou.


E langka Ida Tapolngon nis gute kene ke pelengon gesa deka gute ka vri e wai ma iye dong e wai kovok.


Gute gesa karanga ile gute silang aitno kovok. Aurou. Gute tona ano vala ile aitno kesua iye dong ke iye. E silang blang langane. Gute gesa karanga ile Ida Tapolngon aitno kovok. Aurou. Ano Itau ka iye Ida Tapolngon Ano vala ile.


Kesua ngadue pelengon ane ke gute gesa kovok. E osep tiparere ngong ine kovok. Aurou lokono. Yesus Krais vala nis ngong ke pelengon ane.


Deka iye due aitno lungong ma ngaile omur ke wan ka iye laloe ke oglou e iye palongo osep ine kovok. Ngasogo ke wan ka iye laloe tonari sasi boto ke pas ane.


Oglou Ida Tapolngon palongo osep ke pelengon lokono tonari kovok. E osep dau tile ine kovok. E alo ane Ida Tapolngon Ano Itau due ila aposel e osep napaprangan ina ka iye rere isak e palongo urok ine.


Ano Itau wai malak langane. Ke taim ka mase ma polou osep leklou ma tisongon aitno lisak ila dagar. Deka ma tiklingen ke ano ka yakngan ina e ma tididi angelo soulu urok pelengon.


Ida Tapolngon nis osep napaprangan ina tonari tiwai ke wan ka ma polou alo ka tidong kovok. Aurou. Tiwai ke wan ka mase ma polou ke umu alo ka tinapapra pelengon ka oku ane umoklingen ine. Mase Ida Tapolngon pagei Ano Itau duru ke omur heven e iye due osep aitno lisak deka tiwai omon itau ke umu. E ensel ka tidong ke omur heven tiwaiki tile omur ke wan tonari ka Ida Tapolngon due ke umu.


E Ida Tapolngon due Ano Itau sep ke aitno lumu kodong e umu keniye umeile pelengon ka lokono.


E Krais kar umu Ano Itau ka dong ke aitno lumu kodong. Deka Ano Itau parere umu ke wan keniye ke pelengon ka lokono e ila parerengen lokono e gesa yakngan kovok. Ano Itau parere umu e parerengen ane karanga ke umu. E gute gesa parere umu langane kovok. E eriar langka iye parere umu deka umodong kap Krais vala.


Pelengon ka oglou dong kukwop eknikane Yesus Krais due polou malak. Ida Tapolngon palongo pelengon tonari ke Yesus ma iye palongo ila osep wokboi nating ke wansua ka ma polou. Deka Yesus pagei ila ensel gesa me kar pelengon tonari ke ngong Jon ka ngong ila wokboi nating.


“Deka eknikane ngawai ke umu leklou ke sios ke Taiataira langane. Umedidi apmang are ila pelengon kovok. E umeile ke parerengen ka tisire Satan ila pelengon ka kukwop kovok. Deka ma ngadue elio silang ka opru umu kovok.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ