1 Korin 16:15 - Aria New Testament

¹⁵ Sipmi. Umeile gute Stefanas e ila osua. Tipolou osep Kristen mgo ke osep ka tidong ke provins Akaia. Ke aitno lisak tidue boko-ngon ka lua Ida Tapolngon ila osep.

1 Korin 16:15 ပူးပေါင်းရင်းမြစ်များ

Aposel 18:12

Mase alo ka gute Galio vri mgo ke provins Akaia ke omur Grik osep Yuda ina aitno lisak kene pulu e soulu ke Pol. Deka tikis iye dagar e tidadai iye la polou ke Galio bitna ma tikotim iye.

Pas ka Pol sogoe uti la ke osep Rom ina 12:13

Langka Ida Tapolngon ila osep leklou urok wan isuk boto vala deka umolua isak. E langka osep kaulei time tipolou ke umu deka umekere isak itau.

Pas ka Pol sogoe uti la ke osep Rom ina 15:25

E eknikane ngawaiki nga-la ke Jerusalem ma ngalua Ida Tapolngon ila osep ka tidong ke armok tonari.

Pas ka Pol sogoe uti la ke osep Rom ina 15:31

Umepmi Ida Tapolngon ma iye lua ngong itau. Ma iye dangdang osep epmes ina ka tidong ke omur Judia lama tidue elio soulu ke ngong. E umepmi Ida Tapolngon ma iye due osep Jerusalem ina aitno lisak itau ke bokongon ka ngalua isak ine.

Pas ka Pol sogoe uti la ke osep Rom ina 16:2

Ma alo ka iye polou ke umu ngawaiki umolua iye eriar langka Ida Tapolngon waiki ila osep tilua pulu. Elio ane itau lokono kesua iye Ida Puda ila apmang gesa. Oglou iye lua osep pula lokono deka iye lua ngong blang.

Pas ka Pol sogoe uti la ke osep Rom ina 16:5

E umawai “oklou itau” ke osep ka tiduni pulu ke urok ninu. Umawai “oklou itau” ke gute Epainetus. Ngong lana ngong ke iye lokono. Aitno dagar ke Krais mgo ke osep ka tidong ke omur Esia.

1 Korin 1:16

Ai omtongu sisir. Ngapaunim Stefanas kap ila osua blang. E langka ngapaunim osep leklou blang koke aurou omtongu uli ine. Deka ngaile ine kovok.

1 Korin 16:1

Ma ngawai ke mani ka umawaiki umotuktuke ma umolua Ida Tapolngon ila osep ka tidong ke Jerusalem ine. Ngapalongo Yesus ila osep ka tidong ke provins Galesia ine kodong e ngawaiki ma umu blang umodue elio eriar langka tidue.

1 Korin 16:17

Gute Stefanas e gute For-tunatus e gute Akaikus time ke ngong e aitno lungong neser alo ka ngavati isak. Kesua umu ka pula keniye umakaranga umomo umavati ngong kovok.

2 Korin 8:4

Tiwai ke imi dagar ma tikaranga tilua osep leklou deka tituktuk urok mani la ke Ida Tapolngon ila osep ka tidong ke omur Judia.

2 Korin 9:1

Umeile kodong ke mani ka la ke Ida Tapolngon ila osep ka tidong ke omur Judia. E ma ngasogo ine blang kovok.

1 Timoti 5:10

E isak langka apmang ka osep tile isak tidue elio itau vala. Ngawai ke elio itau langka tiplau titorok itau e tikar ngangon ke osep kaulei e tidong moli e tilua osep Kristen leklou. E tilua osep ka agegeng polou ke isak e tidue bokongon bitna bitna blang ka itau. Ma omsogo apmang ka langane angainsak.

Filemon 1:7

Lou aten aitno lungong itau ke wom. Ngaklingen wom lana wom ke Ida Tapolngon ila osep e ke elio ane omdue aitno lisak ila dagar dong dagar. Deka lem elio tonari due aitno lungong neser omba e ngadong itau ine.

Hibru 6:10

Ida Tapolngon didi ila elio itau vala e wade osep urok elio isuk isuk ine. Deka ma bitna sisir ke lumu elio itau e elio ka umu lana umu ke iye alo ka oglou umolua ila osep. E eknikane umu dau umolua isak blang.

1 Pita 4:10

Umedidi kerengen ka Ida Tapolngon kare ke umu kenmu kenmu deka umolua osep leklou ine. Umu Ida Tapolngon ila osep bokongon ina deka umolua umu pulu ke kerengen ka iye kare ke umu.

Pelengon kukwopngon 14:4

Ke oglou osep tonari tidue elio kap apmang kovok e tidong itau vala. E tididi Sipsip Otno ke omur omur ka iye waiki la ine. Isak osep ka Ida Tapolngon kli urok elio epmes ina alo ka tidong kap osep ke taklak. Deka isak langka osep mgongon ina ka me ke Ida Tapolngon e ke Sipsip Otno.