1 Korin 16:13 - Aria New Testament

¹³ E ma umaplau umu itau e umodong dagar lokono ke aitno lumu ila dagar ka la ke Ida Tapolngon. Ma umodong dagar e ma umoulou tarna lumu ke wan gesa kovok.

1 Korin 16:13 ပူးပေါင်းရင်းမြစ်များ

Matyu 25:13

Deka Yesus babrum ila pelengon lang-ane. “Umaplau umu itau kesua umeile oklou koke aua alo ka Gute Ka Polou Langka Osep ma iding me kovok.”

Matyu 26:41

Umaplau umu itau e umawai itau lama Satan tok umu e umodue elio epmes ina kesua aitno lumu waiki due elio itau e dau pampamu lumu waiki due elio itau kovok.”

Luk 21:36

E aling aling umodong umaplau umu itau e umawai itau ke Ida Tapolngon ma lumu arit dong ma umakaranga umepren ke elio bitna bitna ka ma tipolou. E ma umevri ke Gute Ka Polou Langka Osep bitna.”

1 Korin 14:20

Sipmi. Aitno lumu mter ke elio pula langka agau aitno lisak mter ine kovok. E ke aitno lumu umodong langka osep ngongle. E umodong langka agau aren aren ke elio bitna bitna ka soulu.

1 Korin 15:58

E langane. Sipmi. Ma umo-dong dagar ke Ida Tapolngon ila elio e aitno lumu orwo ine sakam. Umodong umoboko dagar ke Ida Puda ila bokongon vala. Kesua Ida Puda ila bokongon ka umodue ma la adai kovok. Aurou. Ma dong vala kesua bokongon tonari Ida Puda ila bokongon.

2 Korin 1:24

Ngawaiki imaplau aitno lumu ila dagar kovok. Aurou. Umodong dagar kodong ke aitno lumu ila dagar. E imoboko kap umu ma aitno lumu neser.

Galesia 5:1

Krais due ite itopolou osep ka itodong fri deka itodong moli ke Moses ila sogongon kovok. Aurou. Deka aling aling umevri dagar ine. Ma itosongon osep tidue ite ma itopolou wokboi nating blang kovok.

Efesus 3:16

Ida Tapolngon ila arit ka ombatno dong ke omur heven. Deka ngapmi iye ma Ano Itau lua umu ke ila arit. Ngapmi iye ma ila arit due aitno lumu ma aitno lumu tidong dagar.

Efesus 6:10

E umoklingen pelengon ane ka neklep ke lou pelengon tonari ka langane. Umeneklep ke Ida Puda ka ila arit ombatno lokono kodong. Deka umodong dagar lokono ine.

Filipai 1:27

Wan ka omba langane. Ngawaiki lumu mosongon didi pelengon ka Krais ila omon itau wai ine. Ngawaiki langka ngauti ke umu koke ngauti kovok ma ngaklingen pelengon langane. Umevri dagar e aitno lumu kene pulu e lana lumu kene vala. E umoboko dagar pulu ma umosruk osep ma aitno lisak la dagar ke omon itau.

Filipai 4:1

Sipmi. Ngong lana ngong ke umu e ngawaiki ngavati umu kesua aitno lumu la dagar ke Yesus batne ke lou bokongon. Alo ka aitno lungong mter ke umu aitno lungong itau ke umu e aitno lungong neser ke umu. Sipmi. Ngawaiki umevri dagar ke Ida Puda vala.

Filipai 4:13

Krais lua ngong ke ila arit deka ngakaranga ngadong itau ke elio bitna bitna ka tipolou ke ngong.

Kolosi 1:23

E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.

Kolosi 4:12

Gute Epafras ka iye lumu aten gesa e iye Krais Yesus ila gute bokongon ina wai “oklou itau” ke umu blang. Aling aling iye wai itau pula lokono ma Ida Tapolngon due umu ma umodong dagar langka osep ngongle ka umeile omur ke aitno lumu ila dagar. Iye wai itau ma umedidi Ida Tapolngon aitno ke wan ka pula keniye ka iye waiki umodue.

Kolosi 4:2

Aling aling umawai itau ke Ida Tapolngon e umosongon elio tonari polou yagos kovok. Alo ka umawai itau aitno lumu mter itau ke lumu pmingen e umawai tenkyu ke wan ka Ida Tapolngon kare ke umu.

1 Tesalonaika 3:8

Deka eknikane imeile umodong dagar ke Ida Puda e aitno limi itau e limem mosongon polou itau lokono.

1 Tesalonaika 5:6

E ngawaiki itodong langka osep epmes ina kovok. Tidong langka osep ka timunu kudung. Ngawaiki itodong langka amtada pal e itaplau ite itau.

2 Tesalonaika 2:15

E sipmi umevri dagar e aitno lumu la dagar ke pelengon lokono ka imaparere umu ine. Pelengon ka imanapapra ke umu koke imosogoe ke pas ke umu kodong. Deka aling aling umekise dagar.

1 Timoti 6:12

Gute ka aitno dagar ke Krais iye langka gute ka due resis. Deka omsuong engil ma ommole resis e omdue lem mosongon ka dong vala dong. Omdue mosongon tonari kodong alo ka emvri e ampalongo ke osep pula amtarsak langane. “Aitno lungong dagar ke Krais.”

2 Timoti 2:1

Timoti wom langka erigu e ngawai ke wom langane. Emneklep ke Krais Yesus kodong deka ngawaiki ila makaingan due wom ma omdong dagar.

2 Timoti 4:5

E wom Timoti aitno lugom mter itau ke pelengon itau e emvri dagar alo ka elio polou ka opru wom. Aling aling amnapapra omon itau ke osep e ambabrum bokongon ka Ida Tapolngon kare ke wom.

2 Timoti 4:7

Ngaboko dagar ke Ida Tapolngon ila bokongon e ngong langka gute ka arit iye ma iye suong ke resis e isuk boto lou resis yagos. E aitno lungong ila dagar dau dong dagar.

1 Pita 4:7

Oku ane isuk boto wan ka pula keniye yagos. E ke batne langane ngawaiki aitno lumu mter itau e umaplau umu itau. Umodue langane ma umakaranga umawai itau ke Ida Tapolngon.

1 Pita 5:8

Umeile umu itau e umaplau umu itau kesua upu oul Satan lila tamtam langka laion ka wai omba e krim Ida Tapolngon ila osep ma iye due pogle ke isak.

Pelengon kukwopngon 16:15

Deka ngaklingen Ida Puda wai langane. “Umoklingen. Ma ngame ke umu alo ka aitno lumu mter ine kovok langka gute panakongon ina me. Deka langka gute bitna oluk e ila klos dong olwo boto ke iye ma aitno itau itau. Deka iye albus iye e mnak iye ke osep amtarsak kovok.”