1 Korin 16:1 - Aria New Testament

¹ Ma ngawai ke mani ka umawaiki umotuktuke ma umolua Ida Tapolngon ila osep ka tidong ke Jerusalem ine. Ngapalongo Yesus ila osep ka tidong ke provins Galesia ine kodong e ngawaiki ma umu blang umodue elio eriar langka tidue.

1 Korin 16:1 ပူးပေါင်းရင်းမြစ်များ

Aposel 11:28

Gute napapra-ngan ina kene angaine Agabus. Ano Itau due aitno deka iye vri e wai sapanga ombatno ma polou ke omur ka pula keniye. Mase sapanga ombatno ka iye wai ine polou alo ka gute Klodius vri mgo ke omur ari.

Aposel 11:30

Deka tipaur urok mani ke Barnabas orwo Sol. Deka isak orwo tipaure la ke osep plaungan ina ka aitno lisak dagar ke Yesus ka tidong ke omur Judia.

Aposel 16:6

Pol gosok sisrok tilila ke omur Frigia e omur Galesia e ari tinapapra Ida Tapolngon ila pelengon ke provins Esia kovok. Kesua Ida Tapolngon Ano Itau dangdang isak ine.

Aposel 18:23

Iye dong ke Antiok oklou leklou e mase songon armok e la lila ke omur Galesia e omur Frigia. E iye kar pelengon ke Yesus ila disaipel ka due aitno lisak dagar lokono ke Ida Tapolngon.

Aposel 24:17

“Oglou ngadong ke omur silang tobor pula deka mase ngabauluk ngame ke omur ane blang. Kesua ngawaiki ma nga-kalke mani gesa ma ngakare ke osep Yuda ina ka urok wan isuk boto vala. Silang blang ngawaiki ma ngadue elio opmu ina ke Ida Tapolngon.

Aposel 9:13

Deka Ananaias koli wai langane. “Ngau Puda osep pula tiwai ke ngong ke gute Sol ila elio soulu. Iye due agegeng pula ke lem osep ka tidong ke Jerusalem.

Aposel 9:41

Deka Pita kis limla e lua iye tito vri deka Pita gi Ida Tapolngon ila osep ma time tisep ke eliang. Osep tonari leklou isak apmang sasap batne. Deka time tisep ke eliang e tivati Dorkas dong blang.

Pas ka Pol sogoe uti la ke osep Rom ina 12:13

Langka Ida Tapolngon ila osep leklou urok wan isuk boto vala deka umolua isak. E langka osep kaulei time tipolou ke umu deka umekere isak itau.

1 Korin 11:34

Langka sapanga due umu ma umangen ke lumu ninu paide. Lama lumu duningen polou soulu e Ida Tapolngon mulu umu ine. E pelengon leklou dau dong e ma ngawai ine alo ka ngame ngavati umu.

1 Korin 16:15

Sipmi. Umeile gute Stefanas e ila osua. Tipolou osep Kristen mgo ke osep ka tidong ke provins Akaia. Ke aitno lisak tidue boko-ngon ka lua Ida Tapolngon ila osep.

1 Korin 4:17

E ngapagei gute Timoti uti ke umu. Iye langka erigu e aitno lungong itau lokono ke iye e iye didi Ida Puda ila pelengon keniye. Ma iye sruk aitno lumu ke elio ka ngadue kesua nganeklep ke Krais. Elio ka langka nganapapra Yesus ila osep ke sios pula e ke armok ka pula keniye ma tididie.

Galesia 1:2

Ngong imogosok osep ka tididi Ida Tapolngon ila pelengon imosogo pas ane uti ke umu osep ka umodong ke sios kene kene ke omur Galesia.

Galesia 2:10

Tiwai pelengon kene vala ke imorwo. Tiwaiki ma aitno limi mter ke osep ka urok wan isuk boto vala ka tidong ke urok sios. E ke oglou ngawaiki ngadue langane deka ngaboko dagar ma ngadue.

Filemon 1:5

Aitno lungong itau kesua ngaklingen omon langane. Aitno lugom la dagar ke Ida Puda Yesus e wom lana wom ke Ida Tapolngon ila osep keniye.

Filemon 1:7

Lou aten aitno lungong itau ke wom. Ngaklingen wom lana wom ke Ida Tapolngon ila osep e ke elio ane omdue aitno lisak ila dagar dong dagar. Deka lem elio tonari due aitno lungong neser omba e ngadong itau ine.

Hibru 6:10

Ida Tapolngon didi ila elio itau vala e wade osep urok elio isuk isuk ine. Deka ma bitna sisir ke lumu elio itau e elio ka umu lana umu ke iye alo ka oglou umolua ila osep. E eknikane umu dau umolua isak blang.

1 Jon 3:17

E langka gute gesa dong ka ila wan dong ke iye ka lua iye ke taklak ane. E iye vati ila aten gesa ka wan opru iye kesua ila wan isuk boto vala deka iye pono aitno ke gute tonari. Deka iteile elio ka Ida Tapolngon lana iye ke osep dong ke gute tonari aitno kovok.