1 Korin 15:52 - Aria New Testament

⁵² Elio langane ma polou suong langka amtada nevlik aling kene alo ka kuliep wai ke oklou ka Ida Tapolngon rere ma wan ka pula keniye yagos ine. Kuliep ma wai e osep ka timete kodong ma tipoga titito ke inarak denga e ma tipolou yagos blang kovok. E ite ka itemete dau kovok ma pampamu lite tilumus tipolou oku.

1 Korin 15:52 ပူးပေါင်းရင်းမြစ်များ

Matyu 24:31

E kuliep ma wai omba e iye pagei ila ensel ke omur ka pula keniye ke taklak e tigom osep ka pula keniye ka iye rere isak ila osep.”

Jon 5:25

Ngawai lokono ke umu langane. Mase oklou ma polou e lokono polou kodong alo ka osep ka tidong langka ansak timete ma tiklingen Ida Tapolngon Otno Arang kreine e osep ka tiklingen e aitno lisak la dagar ke iye ma tidue mosongon ka dong vala dong.

Jon 5:28

Umedigrik ke lou pelengon kovok kesua oklou ma me alo ka osep ka pula keniye ka tidong ke inarak denga ma tiklingen kre lungong.

1 Korin 15:23

Deka langane. Ite ka pula keniye ma itopoga itetito ke ida denga alo ka Ida Tapolngon rere ke ite ma iye due langane. Mgongon iye due Krais poga tito ke ina denga e mase alo ka iye iding me ite ka pula keniye ka ila osep ma itopoga itetito ke ida denga.

1 Korin 15:42

E elio ka gute ka mete kodong e poga tito ke ina denga langane blang. Pampamu ka itayase ma polou okus. E pampamu ka poga tito ke ina denga ma karanga polou okus blang kovok.

1 Korin 15:50

Sipmi. Ngawai ke umu lang-ane. Pampamu lite ka okur lisak e inarak marau dong lisak tikaranga tipolou okus. E tikaranga tidong ke omur ka Ida Tapolngon plaue kovok kesua wan ka tipolou okus tikaranga tidong ke omur tonari kovok.

1 Tesalonaika 4:15

Imawai Ida Puda ila pelengon ke umu langane. Alo ka Ida Puda bauluk me ite ka dau itodong ke taklak ane ma itomgo ke osep ka timete kodong kovok.

2 Pita 3:10

E Ida Puda ila oklou ma polou suong e polou alo ka osep aitno lisak mter ine kovok eriar langka gute panakongon ina me suong. Ke oklou tonari ngus omba ma polou e sirva la yagos. E eiou ka engil lokono ma ngen wan ka pula keniye ka dong ke taklak ma isak e taklak yagos.

Pelengon kukwopngon 8:13

Deka ngavati bogi kei la airavu ke sirva. E ngaklingen iye wai omba langane. “Aisudo. Aisudo. Aisudo. Aitno lungong kro ke umu ka pula keniye ka umodong ke taklak. Ensel eklu blang ma tipu inarak kuliep e agegeng ombatno lokono ma polou ke umu ka pula keniye ka umodong ke taklak.”

Pelengon kukwopngon 8:2

Deka ngavati ensel lumorwo ka tivri ke Ida Tapolngon bitna tidue kuliep lumorwo.