1 Korin 15:5 - Aria New Testament

⁵ Iye poga tito ke ina denga deka mase iye polou ke Pita e mase iye polou ke ila aposel songotno orwo.

1 Korin 15:5 ပူးပေါင်းရင်းမြစ်များ

Mak 16:14

Mase ila disaipel songotno kene tiduni pulu tidong lelei bota gesa ka tingen inarak ngangon ine. Deka Yesus me polou ke isak deka iluk isak kesua aitno lisak dagar ke ila baulukngon kovok e tingelek ine vala. Iye iluk isak kesua alo ka tiklingen pelengon ke osep ka tivati iye poga tito ke ina denga aitno lisak la dagar ke osep tonari urok pelengon kovok.

Jon 1:42

E iye paur Saimon la ke Yesus e Yesus vati iye deka wai ke iye langane. “Wom Saimon e abo angaine Jon. Ma osep tisir wom Sifas.” E angaine Sifas eriar langka angaine Pita e lana ine opmu.

Aposel 10:41

Iye polou ke osep ka pula keniye amtarsak kovok. Aurou. Iye polou ke imi ka Ida Tapolngon rere imi kodong emtemi ma imavati. Iye dong kap imi deka imangen ngangon e imeinim aki kap iye.

1 Korin 1:12

Umotuk opmu pulu ke pelengon deka umu leklou umawai langane. “Ngadidi gute Pol.” E gute silang wai langane. “Ngadidi gute Apolos.” E gute silang blang wai langane. “Ngadidi gute Pita.” E gute silang blang wai langane. “Ngadidi Krais.”

1 Korin 3:22

Ngong Pol e gute Apolos e gute Pita imi imodong ma imolua umu. E taklak ane e mosongon e metengen e wan ka dong eknikane e wan ka mase ma tipolou isak ka pula keniye tidong ma tilua umu blang ma umopolou dagar lokono.

1 Korin 9:5

Imakaranga imegi apmang ka aitno lisak dagar ke Yesus e imodue isak kla tilila kap imi langka osep aposel leklou e Ida Puda ina saiver e Pita tidue koke aurou?