1 Korin 15:47 - Aria New Testament

⁴⁷ Gute ka mgongon ina iye gute taklak ina kesua Ida Tapolngon due taklak e kapo gute ine. E gute ka orwo ina iye gute omur heven ina.

1 Korin 15:47 ပူးပေါင်းရင်းမြစ်များ

Matyu 1:23

Iye wai langane. “Apmang ka due elio kap gute arang kovok ma polou somugu e divir mimi arang. Iye divir iye deka osep ma tisir angaine Emanuel.” Emanuel lana ine langane. Ida Tapolngon dong kap ite.

Luk 2:11

Kesua eknikane ke Devit ila armok apmang gesa divir mimi e ma iye polou Upu Luangan ka iye Krais ka Ida Tapolngon rere ma iye lua osep ke urok elio epmes ina e ka iye Upu Puda.

Jon 3:31

“Gute ka me ke omur heven mole osep ka pula keniye. E gute ka taklak ane ina due elio ka taklak ina e wai ke wan ka taklak ina. E gute ka me ke omur heven mole wan ka pula keniye.

Jon 6:33

Kesua bret ka me ke Ida Tapolngon duru me ke omur heven e kar mosongon ka dong vala dong ke osep ka tidong ke taklak.”

Aposel 10:36

Umeile omon itau ka oglou iye pagei ke imi osep Israel ina. Pelengon tonari la ke Yesus Krais. Deka eknikane imi e Ida Tapolngon aitno limi epen pulu batne ke iye. Iye osep keniye Inarak Puda.

1 Korin 15:45

Ida Tapolngon ila pelengon wai langane. “Gute ka mgongon ina angaine Adam. Ida Tapolngon due polou deka iye dong.” E Ano Itau due gute Adam ka orwo ina ka me batne polou deka iye dong ma iye kar mosongon lokono ke ite.

1 Korin 15:46

E langane. Gute ka lua ite ke udo mosongon ka itau polou mgo kovok. Aurou. Gute ka ina poloungon ke taklak iye polou mgo deka gute ka polou ke Ano Itau polou ke batne.

2 Korin 5:1

Iteile pampamu lite langka ninu molo ina. Langka ninu tonari polou yagos Ida Tapolngon ma kere ninu oku ina ke ite ka osep tiurie kovok. Ninu oku ina tonari dong vala dong ke omur heven.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.