1 Korin 15:45 - Aria New Testament

⁴⁵ Ida Tapolngon ila pelengon wai langane. “Gute ka mgongon ina angaine Adam. Ida Tapolngon due polou deka iye dong.” E Ano Itau due gute Adam ka orwo ina ka me batne polou deka iye dong ma iye kar mosongon lokono ke ite.

1 Korin 15:45 ပူးပေါင်းရင်းမြစ်များ

Jon 1:4

E gute tonari iye mosongon batne e mosongon tonari langka osep ka pula keniye urok bublongon ka due isak tile omur itau.

Jon 10:10

E gute panakongon ina me ma iye panako wan e due burwa ke osep e due agegeng ke osep vala. E ngame ma osep tidue mosongon ka dong vala dong e mosongon tonari due wan itau bon ke isak.”

Jon 10:28

E ngakar isak mosongon ka dong vala dong e ma timete kovok e gute kene karanga pi isak ke lungu kovok.

Jon 14:19

Isuk boto dau e osep ke taklak ma tivati ngong blang kovok. E ma umavati ngong. Ngadong ke mosongon e ke batne ane umu blang ma umodong ke mosongon.

Jon 14:6

E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.

Jon 4:10

E Yesus koli wai langane. “Langka emile presen ka Ida Tapolngon waiki kare ke wom e langka emile gute sei iye wai ke wom ma amkar iye aki deka amkaranga empmi iye e ma iye kar aki ka mosongon ina ke wom.”

Jon 4:14

E gute sei ka inim aki ka ngakare ke iye ma aki vel iye blang kovok. Aurou. Aki ka ngakare ke iye ma dong langka aki ina ovuk ka polou ke aitno ka kar iye mosongon ka dong vala dong.”

Jon 5:21

Eriar langka Livou due osep ka timete kodong tipoga titito ke inarak denga e kar mosongon oku ina ke isak ngong ka Otno Arang ngakar mosongon oku ina ke osep ka ngawaiki ngakar mosongon tonari ke isak.

Jon 6:33

Kesua bret ka me ke Ida Tapolngon duru me ke omur heven e kar mosongon ka dong vala dong ke osep ka tidong ke taklak.”

Jon 6:54

Gute sei ka ngen pampamu lungong e inim ngau marau io mosongon ka dong vala dong ma dong ke iye e ma ngadue tito e dong blang ke oklou ka Ida Tapolngon wade osep ka pula keniye urok elio ine.

Jon 6:57

Livou ka iye mosongon batne pagei ngong ngame e ngadong batne ke iye e eriar langane gute sei ka ngen pampamu lungong ma iye due mosongon batne ke ngong.

Jon 6:63

Ano Itau kar mosongon oku ke osep e pampamu lite karanga lua ite ke mosongon oku kovok. Lou pelengon ane ka ngawai ke umu due Ano Itau sep ke aitno lumu deka umodue mosongon ka dong vala dong.

Jon 6:68

E Saimon Pita koli wai langane. “Ipem Puda ma imala imedidi gute sei silang? Kesua wom vala gute ka amwai pelengon ka due osep tidue mosongon ka dong vala dong.

Aposel 3:15

Deka umodue Yesus ka iye elio itau ina poloungon batne deka umomluk iye ma iye mete. Iye mete deka Ida Tapolngon due poga tito ke ina denga. E imi ane imavati iye.

Pas ka Pol sogoe uti la ke osep Rom ina 5:17

Oglou ari Adam due elio epmes ina deka metengen duru ke osep ka pula keniye e due isak timete. E elio ka Yesus Krais lua ite ine mole elio ka oglou Adam due e duru dong ke ite. Deka osep ka Ida Tapolngon makai isak omba e due isak tipolou itau e osuk ke bitna kodong urok mosongon itau lokono. E osep ka tipolou itau e osuk ke Ida Tapolngon bitna kodong ma tidong itau kap Yesus blang.

Pas ka Pol sogoe uti la ke osep Rom ina 5:21

Oglou elio epmes ina kading itosep e itosep keniye itemete ine. E eknikane Ida Tapolngon ila makaingan due ite e kading ite. E Ida Tapolngon due ite itopolou itau e osuk ke bitna. Deka udo mosongon ka itau lokono ina yagosngon kovok batne ke Ida Puda Yesus Krais dong.

Pas ka Pol sogoe uti la ke osep Rom ina 8:2

Eknikane Ida Tapolngon Ano Itau plau ite kesua iteneklep ke Krais Yesus kodong. Iye plau ite e elio epmes ina e metengen karanga kis ite ma tiplau ite blang kovok.

1 Korin 15:46

E langane. Gute ka lua ite ke udo mosongon ka itau polou mgo kovok. Aurou. Gute ka ina poloungon ke taklak iye polou mgo deka gute ka polou ke Ano Itau polou ke batne.

Filipai 3:21

Alo ari iye ma due pampamu lite ka tikaranga timete tilumus tipolou itau lokono langka pampamu ine ka itau lokono. Iye karanga due langane kesua iye didi ila arit ka iye karanga plau wan ka pula keniye ine.

Kolosi 3:4

Krais iye lumu mosongon itau batne e mase alo ka iye polou malak ke osep amtarsak umu blang ma umodong kap iye ke ila bublongon.

Hibru 9:14

Lama elio tonari dong Krais ina marau mole wan keniye inarak marau. Elio kene gesa vri ke Krais kovok deka ke Ano Itau ka dong vala dong iye pli tarna e mete langka osep tidue elio opmu ina ke iye. E iye due aitno lite polou itau lokono deka aitno lite mter kovok ke elio bitna bitna ka karanga lua ite kovok. E itodue Ida Tapolngon ka dong vala dong ila bokongon.

Pelengon kukwopngon 16:3

Deka ensel orwo ina la baser ila dis duru ke misuon. E misuon lumus polou langka gute ka mete kodong ina marau. E wan ka pula keniye ka tidong ke misuon timete ine.

Pelengon kukwopngon 21:6

Deka iye wai ke ngong blang langane. “Wan bitna bitna keniye tipolou yagos. Ngong kenngong ngadong oglou oglou ari lokono e ma ngadong batne lokono. Ngatapol wan keniye e ngadue isak yagos blang. Langka aki vel osep ma ngakar aki ke isak adai. Aki ka polou ke ovuk ka aki ka mosongon ina polou ine. E ma tiklie kovok.

Pelengon kukwopngon 22:1

Deka ensel tonari nis ngong ke aki ka suong e langka osep tinim aki tonari tidue mosongon itau ine. E aki tonari malak langka glas. Aki tonari polou ke kova ka Ida Tapolngon e Sipsip Otno tidong ine e suong la.

Pelengon kukwopngon 22:17

Ano Itau kap apmang ka Sipsip Otno ila asap isak orwo tiwai langane. “Umomo.” E osep ka tiklingen pelengon ane tiwai langane blang. “Umomo.” Gute ka aki vel iye ma iye me. E gute ka waiki inim iye ma me inim aki ka mosongon ina ka Ida Tapolngon kare ke iye adai.