1 Korin 15:32 - Aria New Testament

³² Langka ngadidi aitno lungong vala e ngadue bokongon ane ina lange ngadue evlei ke ongwa kevena ke armok Efesus? Langka osep ka timete kodong tikaranga tipoga titito ke inarak denga kovok deka ma itedidi osep leklou urok pelengon ka wai langane vala. “Eknikane ma itangen ida ngangon e iteinim ida aki kesua masalang ma itemete.”

1 Korin 15:32 ပူးပေါင်းရင်းမြစ်များ

Luk 12:19

Deka ma ngawai ke ngong tona langane. “Lou brokngon pula pula tidong e tikaranga ke tobor pula. Ma ngamtong e ngangen pula e ngainim pula e ma aitno lungong dong itau.”’

Luk 9:25

Langka gute due wan keniye ke taklak ane e dau iye imina la wan tonari karanga lua iye koke aurou? Aurou.

Aposel 18:19

Ari tisongon Senkria deka isak kla tipolou ke armok Efesus. Deka Pol songon isak e iye la sep ke osep Yuda ina urok duningen ina ninu ka dong ke armok tonari. E iye wai pula kap osep Yuda ina ka tidong ke duningen ina ninu tonari.

Aposel 18:21

Mase iye songon isak e wai ke isak langane. “Langka Ida Tapolngon waiki ngabauluk ke umu blang ma ngabauluk ke umu. E langka aurou ma ngabauluk kovok.” Deka iye sep ke sip e sip songon Efesus la.

Aposel 19:1

Alo ka Apolos dau dong ke Korin Pol didi ekreng ka munu airavu ke provins Esia e la polou ke Efesus e soson Yesus ila disaipel leklou.

Pas ka Pol sogoe uti la ke osep Rom ina 3:5

Osep leklou tididi aitno lisak e tiyakyak langane. “Elio soulu ka itodue nis osep pula ke Ida Tapolngon ila elio keniye itau lokono. E langka Ida Tapolngon waiki kot ite ine ma iye due elio soulu kesua udo elio soulu lua iye.” Pelengon ka ngawai ine ane langka itosep udo pelengon vala. Osep ka tiwai langane tiwai lokono kovok e tididi aitno lisak vala.

Pas ka Pol sogoe uti la ke osep Rom ina 6:19

­Ma ngakar pelengon ane ke umu ma kere lou pelengon tonari. Kesua lou pelengon tonari lana ine opru umu. Oglou aitno lumu itau ke elio epmes ina bitna bitna vala e umodue elio epmes ina pula ka soulu lokono. E eknikane aitno lumu itau ke elio itau vala. E ngawaiki elio itau plau pampamu lumu vala ma umopolou Ida Tapolngon ila osep ka itau.

1 Korin 16:8

E ngawaiki ma ngadong ke armok Efesus la lama oklou Pentikos yagos.

Galesia 3:15

Sipmi. Ngawai nisngen ke itosep udo elio langane. Langka gute gesa aitno mter langka isuk boto iye ma mete deka iye sogo pelengon langka iye ma kar ila wan bitna bitna ke titno. Deka ila pelengon tonari polou langka promis dagar. E gute gesa karanga wai langane kovok. “Ma itedidi promis dagar are kovok.” Aurou.

2 Pita 2:12

Osep tonari tidong langka ongwa vala e aitno lisak karanga mter ke wan gesa kovok e tididi pampamu lisak vala. E tidong langka ongwa kevena ma osep tidue isak e timter isak ma timete. Tiwai soulu ke elio bitna bitna ka tile ine kovok e ma timete langka ongwa kevena.

Pas ka Jut sogoe 1:10

E osep tonari tiwai soulu ke wan bitna bitna ka tile omur ine kovok. E isak langka ongwa ka tile omur kovok e tididi pampamu lisak vala. E urok elio tonari ma due agegeng ke isak.