1 Korin 15:24 - Aria New Testament

²⁴ Alo ari ma Ida Tapolngon due taim ane ma yagos. Deka Krais ma due osep ka tivri mgo ke omur omur isak yagos e ma iye due angelo soulu ka urok arit omba isak yagos. E ma iye due wan ka pula keniye ka urok arit dong ke isak yagos. Deka ma iye kar wan tonari keniye ke Timla ka Ida Tapolngon.

1 Korin 15:24 ပူးပေါင်းရင်းမြစ်များ

Matyu 10:22

E ma osep aitno lisak engil lokono ke umu batne aitno lumu dagar ke ngong. E langka aitno lumu dagar la lama wan ka pula keniye yagos ma Ida Tapolngon lua umu.

Matyu 11:27

“Livou kar wan ka pula keniye ke ngong e iye vala ile Otno Arang. E Otno Arang kene vala iye ile Ida Tapolngon lokono. E osep leklou ka Otno Arang tonari waiki palongo urok ke Ida Tapolngon ma tile iye blang.”

Matyu 24:13

E gute gesa ka aitno dong dagar la lama wan yagos ma Ida Tapolngon lua iye.

Matyu 28:18

E Yesus polou olwo boto ke isak e wai ke isak langane. “Ida Tapolngon kar arit ka pula keniye ke ngong ma ngaplau wan ka omur heven ina e wan ka taklak ina blang.

Luk 10:22

Yesus wai itau yagos deka iye wai ke osep langane. “Livou kar wan keniye ke ngong kodong. Livou kene vala ile ngong ka Otno Arang e gute kene ile Livou kovok. E Otno Arang e osep ka iye nis isak ke Timla vala tile Livou.”

Jon 13:3

E Yesus ile Timla kar arit ke iye ma iye plau wan ka pula keniye e silang iye ile iye me ke Ida Tapolngon e ma iye iding ke Ida Tapolngon.

Jon 3:35

Ida Tapolngon ka Pmada lana iye ke Otno Arang e kar wan ka pula keniye ke limla ma iye plaue.

Pas ka Pol sogoe uti la ke osep Rom ina 8:38

Eknikane aitno lungong dagar lokono langane. Elio kene gesa dong kovok ka karanga dangdang Ida Tapolngon ma iye lana iye ke ite kovok. Langka itodong koke itemete ma iye dau lana iye ke ite. Langka ensel itau koke angelo soulu io tikaranga tidangdang iye ma iye lana iye ke ite kovok. Eknikane elio kene gesa dong ka karanga dangdang Ida Tapolngon ma iye lana iye ke ite kovok. E mase elio kene gesa ma polou ka karanga dangdang Ida Tapolngon ma iye lana iye ke ite kovok.

Efesus 5:20

E aling aling umawai tenkyu ke Ida Tapolngon ka Pmada kesua batne ke wan bitna bitna ka iye lua umu ine. Umawai tenkyu ke Ida Tapolngon kesua batne ke Ida Puda Yesus Krais dong.

Kolosi 2:10

Umeneklep ke Krais deka umodue mosongon ka lokono lokono batne ke iye. Ila arit ombatno e iye mole e plau ano ka pula keniye ka tiplau wan bitna bitna.

Kolosi 2:15

Iye due wan ka ano e angelo soulu ka tiplau omur omur urok arit yagos. Ke Krais ina akai Ida Tapolngon nis osep ka pula keniye iye mole wan tonari e due isak tipolou langka isak wan adai vala.

1 Timoti 6:15

Iye ma polou alo ka Ida Tapolngon rere. Kesua ila elio keniye itau me e iye kene vala plau wan ka pula keniye. Iye mole osep ka pula keniye ka tivri mgo ke omur omur e iye Ida Puda ka plau wan ka pula keniye.

1 Pita 4:7

Oku ane isuk boto wan ka pula keniye yagos. E ke batne langane ngawaiki aitno lumu mter itau e umaplau umu itau. Umodue langane ma umakaranga umawai itau ke Ida Tapolngon.

2 Pita 1:11

Umodue langane deka alo ka umemete kodong e umetito ke omur heven Ida Tapolngon ma klok ekreng bitna ke umu. Ma umesep ke omur ka Ida Puda e Ida Luangan Yesus Krais tiplaue ka dong vala dong.