1 Korin 15:20 - Aria New Testament

²⁰ E langane kovok. Krais mete deka Ida Tapolngon due poga tito ke ina denga kodong. Iye poga tito ke ina denga mgo ke osep ka pula keniye ka timete ma isak blang tipoga titito ke inarak denga eriar langka iye due. Ane langka ngangon ka polou anino mgo ke yage.

1 Korin 15:20 ပူးပေါင်းရင်းမြစ်များ

Aposel 2:24

Iye mete deka Ida Tapolngon didi ila arit e due poga tito ke ina denga. Deka iye ngangir ke metengen kovok. Deka metengen karanga mole iye kovok kesua Ida Tapolngon mole kodong.

Aposel 26:23

Oglou tiwai osep ma tidue burwa ke gute ka Ida Tapolngon rere Krais ka iye lua osep ke urok elio epmes ina. E ma iye mgo ke osep keniye ka tipoga titito ke inarak denga. Deka ma iye napapra ke osep Yuda ina e ke osep ka isak osep Yuda ina kovok ke elio ka iye lua osep ke urok elio epmes ina. E elio ane langka bublongon ke isak.”

Pas ka Pol sogoe uti la ke osep Rom ina 8:11

Oglou Yesus mete deka ari Ida Tapolngon due poga tito ke ina denga. E umu ka Ano Itau dong ke aitno lumu ma Ida Tapolngon due umu umopoga umetito ke upu denga. Ma iye due elio ke umu langka oglou iye due ke Yesus. E ma iye due pampamu lumu tipoga titito ke inarak denga.

1 Korin 15:23

Deka langane. Ite ka pula keniye ma itopoga itetito ke ida denga alo ka Ida Tapolngon rere ke ite ma iye due langane. Mgongon iye due Krais poga tito ke ina denga e mase alo ka iye iding me ite ka pula keniye ka ila osep ma itopoga itetito ke ida denga.

1 Korin 15:6

Mase iye polou ke sisrok blang ma tivati iye ka inarak sasa langka 500. Osep tonari pula dau tidong e osep leklou timete kodong.

Kolosi 1:18

Sios iye Krais pampamu ine e iye mgo ke sios langka otuk ine. E iye mosongon ka itau batne e iye mgo ke osep ka timole inarak denga e iye ma vri mgo ke wan ka pula keniye.

1 Tesalonaika 4:16

Alo ari Ida Puda ma songon omur heven e duru ke sirva. E Ida Tapolngon ma daiku omba e ensel ka ila arit omba ma wai omba blang deka Ida Tapolngon ila kuliep ma wai. Deka osep ka aitno lisak dagar ke Yesus e timete kodong ma titito kla mgo.

1 Pita 1:3

Ma itakakai Ida Tapolngon ka iye Ida Puda Yesus Krais timla angaine tito la egim. Ida Tapolngon aitno due ite omba lokono. Deka iye due Yesus Krais poga tito ke ina denga e due ite itopolou oku langka mimi edimor. Elio ane due aitno lite dagar ma Ida Tapolngon kar ite ke wan ka iye wai ine kodong.

Pelengon kukwopngon 1:5

E makaingan blang me ke Yesus Krais ka iye palongo udo malak ke ila pelengon ka lokono lokono. Iye mgo ke osep ka pula keniye ka timole inarak denga e tipoga titito blang. E iye gute ka mgo ke osep ka tivri mgo ke omur omur ke taklak ane. Iye lana iye ke ite e ina marau klok udo elio epmes ina la.

Pelengon kukwopngon 14:13

Deka ngaklingen gute kre-ine wai ke omur heven langane. “Omsogo pelengon ane. ‘Eknikane e taim ka la ine osep ka timete kesua aitno lisak dagar ke Ida Puda ma aitno lisak dong itau itau.’” Deka ngaklingen Ano Itau wai blang langane. “Aitno lisak itau itau kesua tikaranga timtong ke elio bitna bitna ka opru isak. E elio itau ka tidue dong kap isak.”