1 Korin 15:19 - Aria New Testament

¹⁹ E langka elio ka aitno lite dagar ke Krais lua ite ke udo mosongon ka taklak ane vala deka ma ite tona vala. Deka itodong soulu lokono.

1 Korin 15:19 ပူးပေါင်းရင်းမြစ်များ

Matyu 24:9

“Alo ari osep ma tidue umu umevri ke kot bitna deka tiules umu e tidue burwa ke umu. E ma osep ka pula keniye aitno lisak soulu lokono ke umu batne ke ngong.

Luk 21:34

“E umaplau umu itau lama aitno lumu bon ke wan bitna bitna e umodue elio kepisngen ina e umeinim aki dagar ma omtomu balilu e aitno lumu mter pula ke wan ka taklak ina vala. Kesua oklou tonari ma suong polou ke umu alo ka aitno lumu mter ine kovok langka aure due ongwa suong.

Luk 8:14

E londo ka tiduru timunu ke omur ka galou marak dong ine isak langka osep ka tiklingen omon itau e dau aitno lisak kro ke wan ka taklak ane ina. E aitno lisak mter ke wan bitna bitna ke taklak ka due aitno lisak itau e aitno lisak mter pula ke mani. E londo tonari anino kovok.

Jon 16:2

Mase osep ma tisapir umu ke urok duningen ina ninu e ma tidue burwa ke umu. E gute ka due burwa ke umu ma aitno mter iye due Ida Tapolngon ila bokongon.

Jon 16:33

Ngawai pelengon ane ke umu ma aitno lumu karanga tidong epen batne ke ngong. Ke taklak ane ma umanamani elio soulu e dau aitno lumu tidong dagar kesua ngamole osep ka pula keniye ka tidong ke taklak.”

Aposel 14:22

E tilua Yesus ila disaipel ke armok armok tonari ma aitno lisak dong dagar lokono ke iye. Tiwai ke isak langane. “Aitno lumu dong dagar lokono ke Yesus. Umopul dogur ke iye sakam. Ma agegeng polou ke umu mgo deka mase ma umodong ke omur ka Ida Tapolngon plaue.”

1 Tesalonaika 1:3

Aitno limi langane. Imawai itau ke Ida Tapolngon ka Pmada kesua aitno lumu ila dagar sruk aitno lumu deka umodue elio itau. E umu lana umu ke osep ka pula keniye deka umoboko dagar ma umolua osep. E umapara ke Ida Puda Yesus Krais ma iye iding me.

2 Timoti 1:12

Ngadue bokongon tonari deka ke batne langane osep tidue agegeng ke ngong. E ngong mnak ngong ke bokongon tonari kovok. Kesua ngaile omur ke Ida Luangan ka aitno lungong dagar ke iye. Ngaile omur iye ma plau ila pelengon ka iye kare ke ngong itau lokono la lama iding ke oklou ka wan ka pula keniye yagos.

2 Timoti 2:4

Emile omur langane. Alo ka gute ola ina dong ke ami iye due bokongon silang kovok. Kesua batne iye waiki gute ka plau iye aitno itau ke ila bokongon.

2 Timoti 3:12

Pelengon ane lokono. Osep ka tineklep ke Krais Yesus e tiwaiki tididi Ida Tapolngon ila elio keniye ma osep tidue agegeng ke isak.

1 Pita 1:21

Deka aitno lumu dagar ke Ida Tapolngon batne ke Krais. Oglou alo ka Krais mete Ida Tapolngon due poga tito ke ina denga deka iye kakai Krais tito la egim. Iye due langane deka aitno lumu dagar ke Krais e umapara ma iye didi ila pelengon ka iye wai ine kodong.

Pelengon kukwopngon 14:13

Deka ngaklingen gute kre-ine wai ke omur heven langane. “Omsogo pelengon ane. ‘Eknikane e taim ka la ine osep ka timete kesua aitno lisak dagar ke Ida Puda ma aitno lisak dong itau itau.’” Deka ngaklingen Ano Itau wai blang langane. “Aitno lisak itau itau kesua tikaranga timtong ke elio bitna bitna ka opru isak. E elio itau ka tidue dong kap isak.”