Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Korin 15:10 - Aria New Testament

10 E Ida Tapolngon makai ngong e due ngong ngapolou ila aposel gesa deka ngadong langane. Ida Tapolngon ila makaingan ka me ke ngong la adai vala kovok. Aurou. Ngaboko dagar lokono deka lou bokongon mole osep aposel leklou urok bokongon. E ngong tona ngadue bokongon tonari kovok. Aurou. Ida Tapolngon makai ngong e lua ngong deka ngaboko ke ila bokongon.

အခန်းကိုကြည့်ပါ။ ကော်ပီ




1 Korin 15:10
25 ပူးပေါင်းရင်းမြစ်များ  

E Pmomu Ano iye gute ka kar pelengon ke umu ka ma umawai e lokono umu tona umawai ine kovok.”


E suong gute ka due 5,000 kina la due burong ine e iye due 5,000 kina silang.


Eknikane ngapmi umu lang-ane. Ida Tapolngon pul dogur ke ila osep Israel ina kodong ma isak ila osep kovok koke aurou? Aurou lokono. Ngong gute Israel ina. Ngong Abraham ila napakngan gesa. E ngong gute ke Benjamin ila osua.


Ida Tapolngon makai ngong deka ngakar umu kenmu kenmu pelengon dagar ane. Aitno lumu mter langka angainmu omba e lumu elio mole osep leklou urok elio sakam. Aurou. Ma umawade lumu elio isuk isuk itau. Umedidi aitno lumu ila dagar ka Ida Tapolngon lua umu ine e umawade umu kenmu kenmu lumu elio ine.


Langka ngaboko ine koke osep aposel leklou tiboko ine imi keniye imanapapra Ida Puda Yesus ina metengen e ila baulukngon ke umu. Deka umoklingen ine e aitno lumu la dagar ine.


Langka aitno lumu la dagar ke omon itau ka nganapapra ke umu deka ke omon itau tonari Ida Tapolngon lua umu ke lumu elio epmes ina. Lama aitno lumu orwo ine deka omon tonari karanga lua umu kovok.


Ida Tapolngon ila makai-ngan due ngong e ngapolou langka gute ka ile omur lokono ke ninu ina uringen. E ngasinsin opmu ka ninu napal munu ine. E gute silang uri ninu napal munu ke opmu tonari. Io osep pula ma tikere isak itau ke elio ka tiuri ninu ine.


Ngong langka ngausak londo koke wan esle e Apolos langka iye baser aki duru ine. E Ida Tapolngon vala due ngangon polou anino.


Sei bitna ngen wom langka wom gute namor? Omdue lem wan ka pula keniye ke Ida Tapolngon. E langka lokono omdue wan ka pula keniye ke Ida Tapolngon limla deka ina lange amkakai angain wom ine?


Ngawai langka gute ka kaka e batne ke umu. Umakakai angain ngong ke lou elio kovok deka ngong tona ngakakai angain ngong. Ngong langka gute adai vala e dau ngamole osep ka uma-wai isak lumu osep aposel ka angainsak omba lokono.


E dau imakaranga ke bokongon tonari kovok e imakaranga imawai imodue wan gesa kovok. Aurou. Ida Tapolngon vala karanga due imi ma imakaranga ke bokongon tonari.


Imoboko kap Ida Tapolngon e ila makaingan polou ke umu deka imawaiki imawai dagar ke umu langane. Umeile umu itau lama aitno lumu mter ila makaingan wan adai vala.


Ida Tapolngon kar arit ke Pita ma iye boko langka gute aposel airavu ke osep Yuda ina e iye kar arit ke ngong blang ma ngaboko langka gute aposel airavu ke osep ka isak osep Yuda ina kovok.


Kesua iteile Ida Tapolngon boko ke aitno lumu ma umawaiki umodue elio ka aitno itau ine e iye kar arit ke umu ma umodue elio langare.


Krais lua ngong ke ila arit deka ngakaranga ngadong itau ke elio bitna bitna ka tipolou ke ngong.


Sipmi. Imekel umu langane. Umodue anit ke osep ka tiboko kap umu. Ida Puda rere isak ma timgo ke umu e tiparere umu ke Ida Tapolngon ila pelengon.


Ida Tapolngon dong vala dong e iye waiki lua osep ka pula keniye e dau iye karanga lua osep ka aitno lisak dagar ke iye vala. Aitno lite dagar lokono ke iye e itapara ma iye due elio itau ke ite. Deka aling aling ma itoboko engil ke ila bokongon.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ