1 Korin 14:6 - Aria New Testament

⁶ Sipmi. Ma umeile umu itau ke pelengon ane. Langka ngame ke umu e ngawai ke umu ke tokples gesa ka umeile ine kovok lange ma ngalua umu? Langka ngawaiki ngalua umu ma ngawai ke umu ke Ida Tapolngon ila pelengon ka iye nis ngong ine koke ngakar ilengen itau ke umu koke nganapapra Ida Tapolngon ila pelengon ke umu koke ngaparere umu.

1 Korin 14:6 ပူးပေါင်းရင်းမြစ်များ

Matyu 11:25

Deka Yesus wai langane. “Livou wom ka amplau omur heven e taklak aitno lungong itau kesua omkukwop wan ane ke osep ilengen ina e osep ka tile pula e emnis isak ke osep ka isak langka agau vala.

Matyu 16:17

E Yesus koli wai ke iye langane. “Ngawai lokono ke wom Saimon ka Jon otno arang. Aitno lugom ma dong itau itau kesua gute kene ka taklak ina nis wom ine kovok. Aurou. Livou ka dong ke omur heven nis wom ine.

Matyu 16:26

Langka gute due wan keniye ka taklak ina e dau ila mosongon imina ma iye due wansua? Koke ma gute kar wansua ma iye due ila mosongon?

Aposel 2:42

Deka osep keniye ka aitno lisak dagar ke Yesus tiduni pulu kap osep aposel oklou aling aling. E tiklingen osep aposel urok parerengen. Deka tiduni pulu e tingen inarak ngangon e tiwai itau ke Ida Tapolngon ma iye lua isak ke urok elio isuk isuk oklou ka pula keniye.

Pas ka Pol sogoe uti la ke osep Rom ina 15:14

Sipmi. Ngaile omur lumu elio isuk isuk itau. E umeile omur ke Ida Tapolngon ila pelengon e umakaranga umaparere umu pulu ine.

Pas ka Pol sogoe uti la ke osep Rom ina 16:17

Sipmi. Ngawaiki ngawai dagar ke umu langane. Umeile umu itau lama supmu leklou tipagolgol aitno lumu ila dagar ke pelengon yakngan. Kesua tiwaiki urok pelengon yakngan pono aitno lumu ke pelengon ka lokono ka aitno lumu la dagar ine kodong. E umu ma umodong mawa ke osep ka tidue elio langane. Lama urok pelengon ka soulu due aitno lumu ma aitno lumu kene pulu kovok.

Pas ka Pol sogoe uti la ke osep Rom ina 6:17

Oglou elio epmes ina plau umu e umodue elio epmes ina bitna bitna vala. Mase osep tiparere umu ke Ida Tapolngon ila pelengon deka aitno lumu la dagar ine. Aitno lumu dong dagar ine e ngakakai Ida Tapolngon angaine tito ine.

1 Korin 10:33

Umakana lou elio ka ngadue. Aitno lungong vri ke ngong kovok e ngadue wan gesa ka lua ngong tona vala kovok. E aitno lungong vri ke osep ka pula keniye e ngawaiki ngadue elio ka aitno lisak itau ine. Kesua ngawaiki ma Ida Tapolngon lua osep pula.

1 Korin 14:1

E aitno lumu dagar ma umu lana umu ke osep. E ma aitno lumu itau lokono ma umodue kerengen ke Ano Itau. E kerengen ka mgongon ina ka ngawaiki umodue ane kerengen ka umanapapra Ida Tapolngon ila pelengon ke osep.

1 Korin 14:7

Ane eriar langka iteklingen wan bitna bitna ka langka piloli e gita. Langka tiwai osuk kovok ma itakaranga iteile ke sakul ka tidue kovok.

2 Korin 11:6

E osep leklou aitno lisak mter ngaile omur ke elio ka ngawai ke osep amtarsak kovok e dau ngaile omur ke wan bitna bitna. E aling aling ke wan bitna bitna keniye imenis umu langka imeile omur ke wan tonari.

2 Korin 12:1

Alo ka osep tikakai angainsak ke urok elio ane lua osep kovok. E dau ma ngakakai angain ngong sasi boto blang. Ngawai ke wan ka Ida Puda nis ngong ine alo ka ngamunu anngong e wan ka iye wai ke ngong ine ka osep leklou tile ine kovok.

2 Korin 12:7

Ida Tapolngon nis ngong ke wan ka itau lokono deka lama aitno lungong mter langka ngong gute ka itau lokono Ida Tapolngon songon Satan ma iye due wan soulu polou ke pampamu lungong. E wan soulu tonari polou ke ngong ma lua ngong lama ngakakai angain ngong ke elio itau lokono ka polou ke ngong.

Efesus 1:17

Ngapmi Pmada ka Ida Puda Yesus Krais Ina Tapolngon ka ila bublongon e ila arit ombatno lokono ma iye due Ano Itau ma lua umu ma aitno lumu mter itau ke ila elio itau. Ma Ano Itau nis umu ke Ida Tapolngon ila elio itau ma umeile omur ke iye.

Efesus 3:4

Langka umedidi pelengon ka dong ke pas ane ma umeile omur ke wan ka iye laloe ka langane. Ma umeile omur Ida Tapolngon due aitno lungong mgo. E ngaile omur ke pelengon lokono ka oglou osep tile ine kovok. E Krais due polou lokono kodong.

Filipai 3:15

Deka ite ka itopolou langka osep ngongle ke aitno lite ila dagar kodong ma aitno lite kene ke lou pelengon tonari. E langka umu leklou aitno lumu mter ke elio silang Ida Tapolngon ma due aitno lumu ma umeile omur ine.

2 Timoti 2:14

Aling aling omsruk osep ma aitno lisak mter ke lou pelengon ane e amwai dagar ine ke Ida Tapolngon bitna. Amwai ke isak ma orsak mluk pulu ke pelengon adai sakam. Kesua elio tonari karanga lua osep kovok e due pogle ke aitno lisak ila dagar.

2 Timoti 3:10

Oglou itodong pulu e amvati lou elio isuk isuk. Emklingen lou pelengon ka ngaparere osep ine e emile batne ke lou elio bitna bitna ka ngadue. Emile aitno lungong dagar ke Ida Tapolngon e ngadong dagar ke wan bitna bitna ka polou ke ngong. Emile ngong lana ngong ke osep pula e ngavri dagar alo ka elio polou ka opru ngong.

2 Timoti 3:16

Ida Tapolngon Ano Itau due osep aitno lisak deka tisogo Ida Tapolngon ila pelengon. E pelengon tonari parere ite ke wan ka lokono e nis ite ke udo elio isuk isuk ka dau itau kovok e mosi udo elio isuk isuk tonari e parere ite ma itodue elio isuk isuk ka itau vala.

2 Timoti 4:2

Aling aling amnapapra Ida Tapolngon ila pelengon ke osep. Langka tiwaiki amnapapra ke isak koke tiwaiki amnapapra ke isak kovok io amnapapra ine vala. Ommosi aitno lisak ma aitno lisak mter itau e amwai dagar ke isak ma tibauluk aitno lisak ke urok elio soulu. E amwai pelengon itau ke isak ma due aitno lisak itau. Amwai molil molil ke isak e aling aling amparere isak.

Taitus 3:8

Pelengon ane lokono lokono. Ngawaiki amwai pelengon dagar ke osep ka pula keniye ka aitno lisak dagar ke Ida Tapolngon. Amwai ke isak ma aling aling tidue elio itau vala. Tidue elio isuk isuk ka itau ma tilua osep pula ine.

Hibru 13:9

Langka osep tiwai ke umu ke pelengon bitna bitna ka eriar langka omon itau kovok umosongon urok pelengon pagolgol aitno lumu kovok. Ma itosongon Ida Tapolngon ila makaingan due aitno lite ila dagar polou dagar lokono. E apu bitna bitna ka la ke ngangon karanga due ite itodong dagar kovok. Langka oglou apu tonari karanga lua osep ka tididi isak kovok.

2 Pita 1:5

Ida Tapolngon lua umu itau deka aitno lumu mter omba ine. Aitno lumu ila dagar la ke Ida Tapolngon kodong deka umodue elio isuk isuk ka itau vala. Umodue elio langane deka umu arit umu ma umodue ilengen itau ka la ke Ida Tapolngon.

2 Pita 3:18

Ngawaiki Ida Puda ka Ida Luangan Yesus Krais ila makaingan res polou omba ke aitno lumu e umeile iye itau. Eknikane itakakai angaine tito la egim e mase ma itakakai angaine tito la egim dong vala dong. Lokono.

2 Jon 1:9

Langka gute gesa kis Krais ila pelengon dagar kovok e didi pelengon silang iye dong kap Ida Tapolngon kovok. E gute ka kis Krais ila pelengon dagar vala dong kap Pmada e Otno Arang.