1 Korin 14:36 - Aria New Testament

³⁶ Ina lange? Ida Tapolngon ila pelengon ina poloungon batne dong ke umu? Umu tona umodue Ida Tapolngon ila pelengon vala e osep leklou kovok?

1 Korin 14:36 ပူးပေါင်းရင်းမြစ်များ

Aposel 17:1

Pol orwo Sailas isak kla ke armok Amfipolis e armok Apolonia. E mase tipolou ke armok Tesalonaika ka osep Yuda ina urok duningen ina ninu gesa dong ine e tidong ke armok tonari.

Aposel 17:15

E osep leklou ka tigosok Pol tipaur iye iding ke armok Atens deka tidardar pulu. E Pol wai ke osep ka tibauluk ke Beria langane. “Umawai ke Sailas orwo Timoti ma tisuong time ane.”

1 Korin 14:35

E langka tiwaiki tile ke pelengon gesa batne e lana ine ma tipmi urok soboget ine ke urok ninu. E langka apmang tiwai pelengon alo ka Yesus ila osep tiduni pulu ke duningen ane langka tidue elio soulu.

1 Korin 14:37

Langka gute gesa aitno mter langka Ida Tapolngon rere iye gute napaprangan ina koke aitno mter langka iye due kerengen ke Ano Itau ngawaiki iye ile langane. Pelengon ka ngasogoe ke umu ane Ida Puda ila pelengon.

1 Korin 4:7

Sei bitna ngen wom langka wom gute namor? Omdue lem wan ka pula keniye ke Ida Tapolngon. E langka lokono omdue wan ka pula keniye ke Ida Tapolngon limla deka ina lange amkakai angain wom ine?

1 Tesalonaika 1:8

Ida Puda ila pelengon ka umawai ine la ke osep pula e tiklingen ine. Pelengon tonari la ke provins Masedonia e provins Akaia vala kovok. Aurou. Osep pula tiklingen basikngen ka aitno lumu la dagar ke Ida Tapolngon. E imawai ke isak ine kovok kesua tiklingen ke umu kodong.