1 Korin 14:3 - Aria New Testament

³ E osep ka tinapapra Ida Tapolngon ila pelengon ma urok pelengon due osep aitno lisak dagar lokono e sruk aitno lisak ma tidue elio itau e due aitno lisak itau.

1 Korin 14:3 ပူးပေါင်းရင်းမြစ်များ

Luk 3:18

E ke pelengon dagar pula leklou Jon wai ke osep e napapra omon itau ke isak.

Aposel 13:15

Tidong ine deka gute ka plau osep Yuda ina urok duningen ina ninu tonari ritim Moses ila sogongon e osep napaprangan ina urok sogongon e osep keniye tiklingen ine. Gute tonari due langane yagos deka wai ke Pol gosok sisrok langane. “Langka umawaiki umakar pelengon gesa ke imi ka lua imi deka umawai ine.”

Aposel 14:22

E tilua Yesus ila disaipel ke armok armok tonari ma aitno lisak dong dagar lokono ke iye. Tiwai ke isak langane. “Aitno lumu dong dagar lokono ke Yesus. Umopul dogur ke iye sakam. Ma agegeng polou ke umu mgo deka mase ma umodong ke omur ka Ida Tapolngon plaue.”

Aposel 15:32

Deka Judas orwo Sailas ka isak osep napaprangan ina blang tikar pelengon itau pula ke osep ari ka lua isak e due aitno lisak tidong dagar lokono.

Aposel 4:36

Alo ari gute dong ka angaine Josep e osep aposel tisir iye Barnabas. Angaine Barnabas lana ine gute ka due osep aitno lisak tidong itau. Barnabas gute Livai ina gesa ka ila omur batne aidunu Saiprus.

Aposel 9:31

Alo ari Ida Tapolngon ila osep ka tidong ke omur Judia e ke omur Galili e ke omur Samaria osep aitno lisak epen ke isak. Ari Ano Itau lua osep tonari e due aitno lisak dagar lokono ke Yesus. Deka osep ka aitno lisak dagar ke Yesus tires tipolou pula. Deka tidong itau e tidue anit ke Inarak Puda.

Pas ka Pol sogoe uti la ke osep Rom ina 12:8

Langka gute gesa ila bokongon langka iye kar osep leklou pelengon ka due aitno lisak tipolou dagar lokono e tile omur lokono Ida Tapolngon waiki ma iye boko dagar ine. E gute ka lua osep leklou ka urok wan isuk boto vala ma iye due langane aling aling. E gute ka mgo ke osep Kristen leklou ma iye boko dagar ine. E gute ka aitno due osep leklou e lua isak Ida Tapolngon waiki ma aitno neser ine.

Pas ka Pol sogoe uti la ke osep Rom ina 14:19

Ma itedidi elio bitna bitna ka due aitno lite epen pulu e elio isuk isuk ka ma due aitno lite ila dagar polou dagar lokono.

Pas ka Pol sogoe uti la ke osep Rom ina 15:2

Ite kente kente ma itolua sudo ke elio ka due aitno lisak itau ine vala. Itodue langane ma tididi elio itau e ma aitno lisak ila dagar polou dagar lokono.

1 Korin 10:23

Itakaranga itodue wan ka pula keniye. E dau wan ka pula keniye tikaranga tilua ite itau kovok. Wan ka pula keniye itau ma itodue. E dau wan ka pula keniye tikaranga tidue ite ma itopolou dagar kovok.

1 Korin 14:12

Ngaile aitno lumu itau lokono ma umodue kerengen ke Ano Itau. Deka umoboko dagar ma umodue kerengen ka ma due Yesus ila osep tivri dagar.

1 Korin 14:17

E umawai aitno lumu itau ke wan gesa e elio langane ma due lumu aten aitno dagar kovok.

1 Korin 14:26

Sipmi. Alo ka umoduni pulu ke duningen ma umodue sua? Ma umodue elio bitna bitna ka itau ka tilua umu vala. Gute kene due sakul e gute silang wai pelengon ka parere osep leklou e gute silang wai pelengon ka Ida Tapolngon nis iye ine ma iye napapra ine. E gute silang wai tokples gesa ka osep tile ine kovok e gute silang bauluk tokples tonari. Deka wan ka umodue ma due Yesus ila osep aitno lisak tidong dagar.

1 Korin 14:31

Umu kenmu kenmu umakaranga umanapapra kene kene ma osep ka pula keniye tidue ilengen ma tipolou dagar.

1 Korin 8:1

E eknikane ma ngawai ke umu ke elio ka osep tingen ongwa okurne ka tidue elio opmu ina ke sapingen ine. Osep leklou tiwai langane. “Ite ka pula keniye iteile omur ke sapingen.” Pelengon ane lokono e dau ilengen vala due ite ma aitno lite vri ke ite e itakakai angainte ine. E elio ka ite lana ite ke sudo leklou due ite ma aitno lite polou dagar lokono.

2 Korin 1:4

Iye lua imi ke elio ka polou ka opru imi ma imakaranga imolua osep leklou ke elio ka polou ka opru isak. Imolua isak ke elio ka Ida Tapolngon lua imi ine.

2 Korin 2:7

E silang oku ane ma umasak ila elio epmes ina e umodue mada ke iye. Lama aitno kro lokono ke ila elio e iye karanga ine kovok.

Efesus 4:29

Umawai pelengon ka soulu kovok e umawai pelengon ka itau vala. Kesua pelengon ka itau ma lua osep ke urok mosongon e ma due aitno lisak itau e tile omur itau. Deka ma lumu pelengon lua osep ka tiklingen ine.

Efesus 6:22

Ngavai iye ma iye uti polou ke umu ma umeile omur ke imi. Ngawaiki iye palongo lumu ke limem mosongon ma ila pelengon due aitno lumu tipolou dagar lokono.

Kolosi 4:8

Ngapagei iye la ke umu ma iye karanga palongo lumu ke limem mosongon e ma iye due aitno lumu dong itau.

1 Tesalonaika 2:11

Umeile imodue elio itau ke umu kenmu kenmu eriar langka gute due ke titno. Imawai pelengon ka sruk aitno lumu e ka due aitno lumu dong itau. E imakar umu pelengon ma umodong itau.

1 Tesalonaika 2:3

E alo ka imawai ke umu imedidi pelengon yakngan kovok. E imodue elio soulu kovok e imayakyak umu kovok. Aurou.

1 Tesalonaika 3:2

E imapagei Timoti la ke umu. Timoti iye limen aten e boko kap imi ke Ida Tapolngon ila bokongon ka imanapapra omon itau ka la ke Krais ke osep. Imapagei iye uti lumu ma iye due umu umevri dagar e aitno lumu ila dagar dong dagar.

1 Tesalonaika 4:1

Sipmi. Ma imababrum limem pelengon ane. Oglou imaparere umu ke elio isuk isuk ka umodue ma Ida Tapolngon aitno itau ine. E umedidi elio tonari kodong. E eknikane imawai dagar ke umu ke Ida Puda Yesus angaine ma aling aling umodue elio langane lokono.

1 Tesalonaika 4:18

Deka ngawai langane. Sipmi. Umawai pulu ke pelengon ane ma due aitno lumu dong dagar ine e aitno lumu kro kovok.

2 Tesalonaika 3:12

Deka imedidi Ida Puda Yesus Krais aitno e imawai pelengon dagar ke osep tonari langane. Ma tidong itau e tidue bokongon vala. Deka ma tikaranga tidue inarak ngangon ke urok bokongon.

1 Timoti 1:4

Ma tisongon elio ka tibasik ke osep ngongle urok pelengon bitna bitna. E tisongon elio ka tibasik ke urok seia angainsak. Pelengon langane ma pagolgol osep aitno lisak vala e due isak ma tituk orsak pulu ine. Ma elio tonari karanga lua isak ma aitno lisak dagar ke Ida Tapolngon e ma tile iye kovok.

1 Timoti 4:13

Langka ngame paide kovok ma emritim Ida Tapolngon ila pelengon ke osep amtarsak e ma amnapapra ila pelengon ke isak e ma amparere isak ke ila pelengon batne.

1 Timoti 6:2

Langka osep ka tiplau osep ka isak wokboi nating isak osep Kristen deka ma osep bokongon ina tidue markan ke isak kovok. Ma tituk urok pelengon kovok. E ma aitno lisak mter langane. Gute ka ngaboko ke iye io iye Kristen blang deka ma aitno lungong itau lokono ke iye. Ma amnapapra pelengon ane ke osep e amparere isak ine.

2 Timoti 4:2

Aling aling amnapapra Ida Tapolngon ila pelengon ke osep. Langka tiwaiki amnapapra ke isak koke tiwaiki amnapapra ke isak kovok io amnapapra ine vala. Ommosi aitno lisak ma aitno lisak mter itau e amwai dagar ke isak ma tibauluk aitno lisak ke urok elio soulu. E amwai pelengon itau ke isak ma due aitno lisak itau. Amwai molil molil ke isak e aling aling amparere isak.

Taitus 1:9

Iye kis Ida Tapolngon ila pelengon ka lokono ka oglou osep tiparere iye ine dagar. Iye due langane deka iye karanga parere osep ke pelengon lokono ma osep aitno lisak dagar ine. E iye karanga wai dagar ke osep ka tiwaiki tituk pelengon tonari ma tile omur urok pelengon yakngan vala.

Taitus 2:15

Deka Taitus. Aling aling amparere osep ke pelengon ane e omsruk aitno lisak ma tididie. E amwai dagar ke osep ka tididie itau kovok. Omdue langane ma osep tidue anit ke wom.

Taitus 2:6

E amwai ke osep ka auram aitno ma isak blang tiplau isak itau vala.

Taitus 2:9

Amwai ke osep ka isak wok-boi nating langane. Tididi osep ka tiplau isak urok pelengon e aling aling tiboko itau ke wan bitna bitna keniye ma inarak gute aitno itau ke urok bokongon. Langka gute tonari wai deka tituk ila pelengon kovok.

Hibru 10:25

E aling aling itoduni pulu e itosongon elio tonari langka osep leklou tidue kovok. Iteile oklou ka Ida Puda ma iding me isuk boto polou deka itoboko engil ma itodue osep aitno lisak ila dagar dong dagar.

Hibru 13:22

Sipmi. Ngawaiki umo-klingen lou pelengon ka ngasogoe. Kesua ngawaiki ngadue aitno lumu dong dagar e pas ane bolbolo vala.

Hibru 3:13

E alo ka umesir oklou kene kene “eknikane” aling aling umosruk aitno lumu pulu ke elio itau. Umodue langane lama gute gesa airavu ke umu pono aitno e elio epmes ina yak iye.

1 Pita 5:12

Ngaile gute Sailas aitno ila dagar dong dagar e iye lua ngong ke pas ane. Ngasogo pas ane kesua ngawaiki ngawai ke umu ke Ida Tapolngon ila makaingan. Ngaile makaingan ane Ida Tapolngon ila makaingan ka lokono deka ngawai malak ine. Ngawaiki ngasruk aitno lumu ma umodong dagar ine.

Pas ka Jut sogoe 1:20

Sipmi. Aitno lumu la dagar ke Ida Tapolngon kodong e ngawaiki aitno lumu ila dagar res polou dagar lokono. E Ano Itau dong ke aitno lumu e ngawaiki umawai itau ke Ida Tapolngon ke Ano Itau ila arit.