1 Korin 14:24 - Aria New Testament

²⁴ E langka umu keniye umanapapra Ida Tapol-ngon ila pelengon e gute gesa ka aitno dagar ke Yesus kovok koke gute ka dong ke dogur sep ke lumu duningen deka lumu pelengon ma mter gute tonari aitno langane. Ma iye ile ila elio epmes ina munu pes iye.

1 Korin 14:24 ပူးပေါင်းရင်းမြစ်များ

Jon 16:8

E alo ka iye me ma iye nis osep taklak ina malak ke urok elio epmes ina e ke elio ka osuk e itau e ke elio ka Ida Tapolngon wade osep.

Jon 4:29

Iye wai ke isak langane. “Osep umomo e umavati gute ka wai ke ngong ke wan ka pula keniye ka oglou ngadue. Gute ane iye Krais ka Ida Tapolngon rere ma iye lua osep ke urok elio epmes ina koke aurou?”

Aposel 2:37

Osep pula tiklingen Pita ila pelengon deka aitno lisak kro lokono ine. Deka tipmi Pita gosok aposel leklou langane. “Sipmi. Eknikane imousine kesua limem elio epmes ina vri ke imi?”

1 Korin 14:1

E aitno lumu dagar ma umu lana umu ke osep. E ma aitno lumu itau lokono ma umodue kerengen ke Ano Itau. E kerengen ka mgongon ina ka ngawaiki umodue ane kerengen ka umanapapra Ida Tapolngon ila pelengon ke osep.

1 Korin 14:16

Deka langka umawai tokples gesa ka osep tile ine kovok e umawai ke Ida Tapolngon langka aitno lumu itau ke wan gesa. E langka gute gesa dong e iye ile tokples ka umawai ine kovok lange ma iye ile langka umawai aitno lumu itau ke Ida Tapolngon ke wan gesa e iye karanga wai lokono ke lem pelengon? Kesua iye ile ke pelengon ka umawai ine kovok.

1 Korin 2:15

Gute ka Ano Itau dong ke aitno iye wade wan ka pula keniye. Lokono gute gesa karanga wade elio bitna bitna ka osep ka Ano Itau dong ke aitno lisak tidue kovok.