1 Korin 13:7 - Aria New Testament

⁷ Gute ka lana iye ke osep leklou io wan gesa karanga mole iye kovok. Aling aling aitno dagar ke Ida Tapolngon e iye para ma elio itau polou ke iye. E alo ka elio polou ka opru iye ma iye vri dagar ine.

1 Korin 13:7 ပူးပေါင်းရင်းမြစ်များ

Matyu 10:22

E ma osep aitno lisak engil lokono ke umu batne aitno lumu dagar ke ngong. E langka aitno lumu dagar la lama wan ka pula keniye yagos ma Ida Tapolngon lua umu.

Mak 9:23

Deka Yesus koli wai langane. “Ina lange amwai langka ngakaranga ngalua umu deka amwaiki ma ngalua umu? Emile langane kovok i? Ida Tapolngon karanga lua osep keniye ka aitno lisak dagar ke iye ma tikaranga tidue elio keniye.”

Pas ka Pol sogoe uti la ke osep Rom ina 15:1

Ite ka itodong dagar ke aitno lite ila dagar ma itolua osep ka aitno lisak dagar isuk boto vala. E aitno lite vri ke ite vala kovok.

Pas ka Pol sogoe uti la ke osep Rom ina 8:24

Aitno lite la dagar ke Ida Tapolngon deka iye lua ite. E aitno lite dagar ma iye due pampamu lite tipolou itau lokono. E iye due pampamu lite tipolou itau lokono dau kovok. E dau itapara ine.

1 Korin 13:4

Gute ka lana iye ke osep leklou ma aitno engil suong kovok e ma koli osep urok elio soulu ka tidue ke iye kovok. Ma iye due mada ke isak. Ma aitno rim ke osep kovok. Ma iye kakai iye tona angaine kovok e ma aitno vri ke iye kovok.

1 Korin 9:12

Langka osep leklou tidue wan sasi boto ke umu deka imi blang ma imakaranga imodue wan pula ke umu. E dau wan ka imakaranga imodue ke umu imodue kovok. Imodong vala lama imodue wan ka dangdang osep leklou ma tinapapra Yesus ila omon itau kovok.

Galesia 6:2

E umolua supmu leklou ke elio ka polou ka opru ka isak. Langka umodue elio langane ma umeini e umedidi Krais ila elio.

2 Tesalonaika 1:4

Ke batne langane imapalongo Ida Tapolngon ila osep ke sios kene kene ke lumu elio. Imawai ke elio ka umevri dagar e aitno lumu tidong dagar alo ka osep tidue agegeng ke umu e elio soulu bitna bitna tipolou ke umu ine.

2 Timoti 2:24

Gute ka due Ida Puda ila bokongon ma wai engil kap osep kovok. E ma iye due mada ke osep e iye karanga parere osep itau. E silang blang alo ka osep tidue elio soulu ke iye io aitno epen ine.

2 Timoti 3:11

Emile osep tidue agegeng e tidue elio soulu ke ngong ke Antiok e Aikoniam e Listra. Tidue agegeng ke ngong e Ida Puda lua ngong ma ngadong itau ine.

2 Timoti 4:5

E wom Timoti aitno lugom mter itau ke pelengon itau e emvri dagar alo ka elio polou ka opru wom. Aling aling amnapapra omon itau ke osep e ambabrum bokongon ka Ida Tapolngon kare ke wom.

Hibru 13:13

Deka ite blang langka itala ke armok dogur e itanamani mnakngan langka Yesus namani mnakngan.

Jems 1:12

Gute ka vri dagar alo ka wan polou ka opru iye ma Ida Tapolngon aitno itau ke iye e kere iye itau. Kesua mase ma Ida Tapolngon kar iye wan itau langka osep ka timole resis tidue. Wan ane mosongon itau ka iye wai promis ine ke osep ka isak lana isak ke iye.

1 Pita 2:24

Krais mana ke ina akai e mete e kasip amunte. E Ida Tapolngon due udo elio epmes ina munu pes Krais pampamu ine ma aitno lite oglou ina mete e itakaranga itodue elio itau e osuk vala. Osep timluk Krais e pampamu ine amal amal ma iye lua ite ma itopolou itau blang.

1 Pita 4:8

Wan ka omba umu lana umu pulu lokono. Kesua langka umu lana umu pulu e supmu leklou tidue elio soulu ke umu ma aitno lumu mter ine kovok.