1 Korin 13:5 - Aria New Testament

⁵ Ma iye due elio soulu ke osep kovok. Ma iye omsu kovok. Aurou. Iye due tovro ke osep. Ma aitno nevlik paide kovok. Ma aitno la ke elio soulu ka osep tidue ke iye kovok.

1 Korin 13:5 ပူးပေါင်းရင်းမြစ်များ

Matyu 5:22

E eknikane ngawai ke umu langane. Langka gute aitno engil ke ila aten ma iye vri ke kot bitna. E langka gute wai pelengon soulu ke ila aten iye ma vri ke kaunsil bitna. E langka gute wai ke ila aten iye manga manga ma iye la ke omur hel ka eiou dong ine.

Matyu 9:4

E Yesus ile aitno lisak e wai ke isak langane. “Ina lange aitno lumu mter soulu ke lou pelengon?

Mak 3:5

Deka Yesus bitna lila ngen isak e aitno engil ke isak. Aitno kro ke isak kesua isak kensak kensak tipono aitno lisak ke elio itau. Deka iye wai ke gute tonari langane. “Omkotok livep.” Gute tonari klingen ila pelengon deka kotok limla la deka lokono limla polou itau.

Luk 7:39

E gute Farisi ina ka gi iye ma iye me ngen kap iye vati elio are e aitno mter langane. “Langka gute ane gute napaprangan ina lokono ma iye ile itau ke apmang ka kai iye. Kesua iye apmang epmes ina.”

1 Korin 10:24

Aitno lite vri ke ite kovok e silang aitno lite mter langka ma itolua ite tona vala kovok. Aurou. Aitno lite vri ke osep leklou ma itolua isak.

1 Korin 10:33

Umakana lou elio ka ngadue. Aitno lungong vri ke ngong kovok e ngadue wan gesa ka lua ngong tona vala kovok. E aitno lungong vri ke osep ka pula keniye e ngawaiki ngadue elio ka aitno lisak itau ine. Kesua ngawaiki ma Ida Tapolngon lua osep pula.

1 Korin 11:18

Mgongon ngawaiki ma ngawai ke elio tonari. Ngaklingen pelengon langane. Alo ka umoduni pulu umadardar e umotuk opmu pulu ke umu tona. E aitno lungong mter langka pelengon tonari lokono e dau ngaile itau ine kovok.

1 Korin 12:25

Iye due langane ma pampamu lite tikaranga tituktuk tipolou emkil emkil kovok. E pampamu lite ongwa ine kene kene ma plau ongwa ine leklou pulu e lua isak eriar.

1 Korin 7:36

Langka gute gesa aitno mter langka iye due elio ka itau kovok ke apmang bela ka osep tirere ma iye gi iye. E langka iye karanga plau aitno itau kovok ma iye didi aitno e gi apmang tonari. Iye due elio epmes ina kovok.

2 Korin 5:19

Ane langka ke Krais Ida Tapolngon due osep ka pula keniye aitno lisak kene kap iye e urok elio soulu vri ke isak kovok. E iye kar bokongon ke ite ka itanapapra omon itau ma itodue osep aitno lisak tipolou kene kap iye.

Galesia 5:13

Sipmi. Ida Tapolngon gi umu ma umodong fri. E aitno lumu mter langane kovok. Imi imodong fri e imakaranga imedidi aitno limi ke elio oglou ina. Aurou. Ma aitno lumu mter langane. Imi kenmi kenmi imodong wokboi nating ke Ida Tapolngon ila osep leklou e ma imi lana imi ke isak.

Filipai 2:21

Osep leklou aitno lisak vri ke isak kensak kensak e aitno lisak mter langka tidue Yesus Krais ila bokongon kovok.

Filipai 4:8

Sipmi. Ngawaiki ngawai ke umu sasi boto blang deka lou pelengon yagos. Ngawaiki aitno lumu mter ke elio ka lokono vala e elio ka osep tidue anit ine e elio ka osuk ke osep amtarsak. E elio ka Ida Tapolngon aitno itau ine e elio ka due osep lana isak pulu e elio ka osep aitno lisak itau ine. Aitno lumu mter ke elio ka itau lokono e elio ka due osep aitno lisak itau ine.

2 Tesalonaika 3:7

Umeile oglou alo ka imodong kap umu imoboko vala e imodong adai kovok. Deka umoboko eriar langka imoboko.

2 Timoti 2:10

Osep tidue agegeng ke ngong e dau ngadong dagar ine kesua ngawaiki ngalua osep ka Ida Tapolngon rere isak ila osep. Ma Krais Yesus lua isak ke urok elio epmes ina e tidue mosongon ka dong vala dong kap iye.

2 Timoti 4:16

Mgongon alo ka ngavri ke kot osep ka pula keniye tisongon ngong e gute gesa vri kap ngong e lua ngong ke lou pelengon kovok. E ngawaiki Ida Puda koli batne ke osep tonari urok elio kovok.

Jems 1:19

Sipmi. Aitno lumu mter ke pelengon ane. Langka osep tiwai ke wan deka paide ite kente kente iteklingen ine. E itosuong ma itokoli pelengon kovok. Itosuong ma aitno lite polou engil kovok.